رواية وما كتب العشق الا لها الفصل الثامن 8 - بقلم ندى سمير

الكل اتصدم من كلام دعاء. "في إيه يادعاء؟ " قال محمد. "ابنك بيحب واحدة من البنات دول،" قالت دعاء بصوت واطي. صدم محمد وقال: "رعد بيحب بنت؟ "هشش، وطّي صوتك، اومال هيحب ولد يعني،" قالت دعاء. "فيه حاجة يادعاء؟ " سألت سعاد. "لا ياحبيبتي مفيش، يلا ي أولاد اتمشوا شوية وانبسطوا بالحفلة،" قالت دعاء. "قدر خدي الشباب وانبسطوا في الحفلة،" قال وائل. "حاضر يابابا، تعالوا ياشباب،" قالت قدر. وهما بيتمشوا،

قال رعد: "انتي ليه معرفتنيش إنك بنت صاحب بابا؟ "أنا أصلاً مكنتش أعرف إنك ابن أنكل محمد،" قالت قدر. طارق قال بسخرية: "يعني هي شركة أنكل محمد، مين هيكون ماسكها يعني؟ قدر لسه هترد عليه، ورعد سبقه. "وانت بتدخل ليه؟ " قال رعد ببرود. طارق بصدمة: "انت بتقوللي أنا كده؟ "اه، عندك مانع؟ " قال رعد ببرود. طارق وهو بيمثل الزعل: "اه، قلبي الحقيني ي آنسة ندى." "وانا مالي أنا،" قالت ندى. "عايزك تداوي جراحي،" قال طارق.

ندى بصتله باستهزاء وسكتت. "مش بتتكلمي ليه ي آنسة ملك؟ " قال إيان بابتسامة. "عادي يعني،" قالت ملك بكسوف. "لا، ملك من النوع الخجول شوية،" قالت قدر. إيان بمشاكسة: "دي أحلى حاجة، الخجل." إيان باستغراب: "وانتي ي آنسة قمر مش بتتكلمي برضو ليه؟ من النوع الخجول زي ملك؟ "لا،" قالت قمر ببرود. رحيم فضل باصصلها وعايز يعرف إيه سر البرود. "اتفضلي ي قدر،" قال رعد. "الله، ورد جوري، أنا بحبه أوي، انت عرفت إزاي إنه نوعي المفضل؟

" قالت قدر. "هو برضو نوع رعد المفضل، المهم اسمحلي ي آنسة ندى أبدي إعجابي على فستان حضرتك، بصراحة الفستان مخليكي أحلى،" قال طارق. ندى بتريقة: "لو عاجبك، ممكن تلبسه بدالي عادي، مش هزعل." الكل ضحك على كلام ندى وصدمة طارق. الحفلة خلصت وكل واحد كان في وادي مختلف. في بيت رعد، قال محمد بصرامة: "رعد، غير هدومك واستناني في المكتب." "في حاجة ي بابا؟ " سأل رعد باستغراب. "متتأخرش ي رعد،" قال محمد بعصبية.

الكل كان مستغرب من عصبية محمد اللي من غير تفسير.