رواية وما كتب العشق الا لها الفصل الثاني 2 - بقلم ندى سمير

قدر راحة للسكرتيرة وقالت لها إنها ستكون المساعدة بتاعتنا. السكرتيرة باشمئزاز: أول مرة أعرف أن مسيو رعد بيشغل ناس كده. قدر ببرود أعصاب: فعلاً عندك حق، بس صراحة اتكسفت أسألك هو شغلك معاه إزاي. المساعدة (ليلى) بعصبية: هو إنتي فاكرة نفسك مين يا بتاعة إنتي؟ قدر بهدوء: أنا مش هرد عليكي مش ضعفاً مني، ولكن احتراماً لمكان العمل. وتركتها وذهبت لمكتبها. عند رعد. روفيدا بدلع: يا رعد يا حبيبي، إنت عارف إني بحبك وبغير عليك.

رعد بضحكة مستهزئة: هنصيع على بعض يا قلبي، إنتي عارفة أنا خاطبك ليه كويس أوي. روفيدا بعصبية حاولت تداريها: وأنا وعدتك إنك هتحبني وقلبك هيكون ليا. رعد ببرود: على مكتبك يا روفيدا. روفيدا بعصبية: هنشوف آخرك يا رعد. وأغلقت الباب بقوة وراءها. رعد بعد ما مشت: أنا لازم أخلص من الحوار ده وأشوف الآنسة قدر دي كمان وراها سر إيه. فجأة سمع خبط على الباب بطريقة مستفزة. رعد بصوت هز الشركة: طااااارق. طارق

وهو بيفتح الباب وبيضحك: قلبي. طارق: للدرجة دي وحشتك فقولت تعرف الكل قد إيه بتحبني. رعد بصوت أشبه للفحيح: تعال يا قلبي أوريك وحشتني قد إيه. رحيم وأيان وهما داخلين: وهو بس اللي وحشك يا عم، كده عنصرية على فكرة. رعد وهو بيسلم عليهم كلهم وبيحضنهم: إيه أخباركم كده؟ أيان بتذمر: وإنت همك علينا أوي لدرجة إنك مشيلنا شغل أده كده ومش راضي تدينا إجازة. رعد ببرود: إنشاء الله هديكوا إجازة لما تيجوا تتجوزوا.

طارق بتريقة: لا يا راجل، وجاي على نفسك أوي كده ليه. رعد ببرود: يلا إنت وهو وهو على بره، عندي شغل. رحيم: أنا قولت لهم منجيش، قالوا لي لأ نروح نجيب رعد. أيان: يلا علشان هنخرج نتغدى بره. رعد بلا مبالاة: لازم يعني؟ كلهم في صوت واحد: أيوه يلا. رعد لبس الجاكيت وخرج معاهم، وكان وقت نهاية الدوام. عند قدر. الفون بتاعها رن. قدر: السلام عليكم. ندى: وعليكم السلام. قدر: عاملة إيه يا قلبي، وحشتيني.

ندى بعتاب: لو كنت وحشتيني زي ما بتقولي، كنتي سألتِ عليا. قدر بأسف: والله كنت مشغولة ومعرفتش أرن، حقك عليا. ندى بمرح: ولا يهمك، بس كنتي قولتي لي إنك هتشتغلي، كنت هاجي معاكي. قدر بإعجاب للفكرة: تصدقي فكرة حلوة. ندى بضحك: إنتي لما صدقتي، أنا كنت بهزر. قدر: لا بجد تعالي، قدام الشركة هتعجبك. ندى بتفكير: خلاص هبقى أجيب ملك ونقدم. قدر باستغراب: هي صحيح ملك فين دلوقتي؟

ندى: كانت بتقول إنها هتروح لاهلها في الصعيد بعد بكرة، فهي بتجهز شنطتها. بقول إيه، ما تيجي نروح معاها ونشوف جدتي، دي وحشتني أوي. قدر بموافقة: خلاص نسافر كلنا سوا. ندى: تمام يا قلبي، أنا رايحالها دلوقتي وهعرفها. قدر: تمام، ماشي وأنا وصلت البيت أهو وهجهز الشنطة. ندى: تمام، يلا س... آآآآآآه. قدر برعب: ندى إنتي كويسة؟ ردي عليا.