رواية وما كتب العشق الا لها الفصل الثاني عشر 12 - بقلم ندى سمير

مكتب رعد طارق بابتسامة: من زمان واحنا متجمعناش كده. محمد بضحك: معاك حق، علشان كده احنا مش هنتحرك من هنا. أيان بضحك: لا يعم، هو مش قصده، انتو سافروا. يوسف: الواطي هيفضل طول عمره واطي. أيان: ظالمني انت كده دايما يا جو. محمد: إيه يا رحيم انت ورعد ساكتين ليه كده؟ رعد: أنا بشوف ملفات للشركة، إنما رحيم مش عارف ماله، من يومين وهو ساكت كده. طارق بمشاكسة: واخدة عقلك صح؟

رحيم بصله وبعصبية: يووه، هفضل أقول يا جماعة قمر دي مش في دماغي، لامتى عشان تسكتوا. الكل ضحك على كلام رحيم. أيان بمشاكسة: واضح إنها مش في دماغك. يوسف: إنما مين قمر دي؟ رعد بغضب طفيف: يعني عارف قدر ومش عارف قمر؟ يوسف بصدمة: استنى، انت قصدك قمر اخت قدر؟ رحيم باستغراب: ومالك مصدوم كده ليه، فيه إيه؟ محمد بتوتر: لا مفيش حاجة، بس انت شفتها فين؟ هي مسافرة. أيان: لا هي رجعت من السفر. يوسف بعصبية: إزاي قدر مقالتليش حاجة زي دي؟

رحيم بعصبية: مالك متعصب كده ليه؟ كنت خطيبها؟ محمد بحزن: انت مش فاهم حاجة. رعد: عرفنا. قدر بعصبية: ليه يعرفك هو أنا موجود؟ محمد بتوتر: قدر أنا أنا.. قدر: ميهمنيش أي حاجة هتتقال، بس ياريت محدش فيكوا يتدخل في حياتنا الشخصية. قدر وهي بتوجه كلامها لرعد: حضرتك طلبتنا فيه حاجة؟ رعد بتحدي: لا، بس كنت محتاج الآنسة عشان تستلم شغلها مع أستاذ طارق و... أيان بمقاطعة وغضب: مين دي اللي تستلم عند طارق؟ رعد بعصبية: أيان، صوتك ميعلاش.

أيان بغضب مكتوم: وهي ليه تشتغل مع طارق؟ رعد بتريقة: عشان طارق محتاج سكرتيرة، ولا فيه مشكلة يا أيان؟ أيان سكت وبص لطارق بعصبية. طارق بضحك ومشاكسة: تعالي يا ملوكة عشان نمضي العقد، شكلنا هننبسط سوا. أيان بعصبية: شكلك عايز تموت بدري يا طارق، صح؟ رعد: بلاش شغل الأطفال ده. طارق: خلاص يعم بهزر، الله، أمضي هنا يا ملك. أيان بعصبية مكتومة: آنسة ملك يا طارق. طارق لسه هيتكلم، رعد قاطعه.

رعد بتحدي: وانتي يا آنسة قدر، هتهتمي بآنسة حور؟ قدر باستغراب: مين آنسة حور؟ حور بمرح: أنا آنسة حور. الكل بص على ناحية الصوت. الشباب بفرحة: حووري! حور بمرح: وحشتوني، وحشتوني، وحشتوني. أيان بابتسامة: والله وانتِ كمان وحشتينا، انتي جيتي هنا إزاي؟ ملك بصوت واطي: قال وحشتيني قال. أيان: انتي بتقولي حاجة يا ملك؟ ملك بغضب طفيف: أنا متكلمتش. قدر: أنا مش فاهمة برضو، ههتم بيها إزاي؟ حور بغضب طفولي: مفكراني طفلة.

طارق بتقائية: رعد دايما يناديها بـ "طفلتي". رعد وهو بيبص لقدر: ده كان زمان يا طارق، ولا إيه؟ طارق باستيعاب: ااااه، أه، دا دا كان زمان، صح، كان زمان. أنا بس نسيت. رعد: المهم دلوقتي، انتي هتاخدي حور وتشتري ليها اللي هي عايزاه، وعرفيها الأماكن عشان هي متعرفش الأماكن هنا، ده هيكون كل شغلك النهارده. قدر بعملية: تمام، تعالي يا آنسة حور. ملك وهي بتبص لطارق: وأنا ينفع أروح معاهم؟ طارق بابتسامة: النهاردة بس.

ملك بفرحة: ماشي، يلا سلام. الكل: سلام. قدر: تحبي نروح فين؟ حور بغموض: أي مكان هادي نتكلم فيه، هو صحيح لسه مكان الحرق موجود على جسم قمر ولا عملت عملية؟ قدر وملك بصدمة: ...