رواية وما كتب العشق الا لها الفصل الثاني والعشرون 22 - بقلم ندى سمير

رعد: الو ي حور. حور بانهيار: الحقني ي رعد، فيه واحد بيحاول يتهجم عليا. رعد بخوف: طب انتي فين ي حور؟ حور بانهيار: أنا مش عارفة، الحقني ي رعد. رعد بقلق: طب ابعتيلي اللوكيشن. حور بخوف: حاضر حاضر هبعته. قدر بتوتر: هو فيه حاجة ي رعد؟ رعد بعصبية: انتي مالك انتي؟ امشي من قدامي حالا، مش عايز أشوف وشك. قدر بصتله ومتكلمتش وسابته ومشيت. رعد بغضب: غبي غبي. عند حور. ... : عملتي زي ما اتفقنا.

حور بخبث: آه، بعتله اللوكيشن وهو جاي أهو، باقي الخطة عندك انت بقى. ... : كده حلو أوي. حور: بس أنا عايزة أعرف انت بتساعدني ليه. ... : انتي فاكراني بساعدك عشان جمال عيونك؟ لا ي حبيبتي، أنا بساعدك عشان أبعد رعد عن قدر. حور بقرف: أوعى تقول لي إنك بتحب البت دي. ... : انتي لما تتكلمي عنها تتكلمي عدل، فاهمة. حور بتريقة: يعم خدها واشبع بيها. عند رحيم. رحيم وهو بيبص في الفون بتاعه: أيوه هو دا المكان اللي ال*** دا بعته.

(كان عبارة عن مخزن قديم) رحيم دخل المخزن بهدوء. محمد: ها، جيتي ي قلبي، والله وحشتيني. رحيم بصوت مرعب: طب لف كده ي ***، ممكن أكون وحشتك أنا كمان. محمد لف وبصدمة: رحيم! انت إيه اللي جابك هنا؟ رحيم بصدمة: يوسف؟! في عربية آيان. ملك بخجل: هو فاضل كتير على شركتك؟ آيان باستغراب: على شركة إيه؟ ملك: فاضل كتير عشان نوصل شركتك؟ آيان: وهو إحنا هنروح شركتي ليه؟ ملك بصدمة: اومال إحنا رايحين فين؟ آيان بابتسامة: هنروح فرح قريبي.

ملك بعدم استيعاب: طب انت هتروح فرح قريبك، أنا هروح ليه وبصفتي إيه؟ وبعدين هروح بملابس الشغل دي إزاي؟ وو... آيان: بسسس، انتي سألتي 100 سؤال في ثانية واحدة، اصبري أجاوب عليكي طيب. ملك بضيق: جاوب ي خويا. آيان بضحك: أخوكي؟! دا إحنا اتغيرنا وبطلنا نتكسف أهو. ملك بتلقائية: لا دا عشان معاك انت بس. آيان بمشاكسة: أيوه ليه أنا بس بقى؟ قال آخر كلامه بغمزة. ملك وهي بتمثل البراءة: عشان بحسك أخويا كده.

آيان بضيق: اسكتي ي ملاك، اسكتي خالص. ملك باستغراب: هو انت ليه بتنده لي ملاك؟ أنا اسمي ملك. آيان بابتسامة: لا السؤال دا هجاوب عليه بعدين، المهم أنا جايبلك فستان على الكرسي معايا وهنزلك عند بيتك تجهزي في خمس دقايق بالظبط وأنا هروح أجهز وأجي. ملك بعدم تصديق: والله مجنون. آيان بمشاكسة: يلا وصلنا، أنا عارف إنك مش عايزة تنزلي من العربية ومش عايزة تسيبيني، بس أنا. مش هتأخر عليكي ي قلبي.

ملك بكسوف: سلام. ونزلت من العربية بسرعة. آيان بحب: والله أنا مش عارف انتي ناوية تعملي فيا إيه أكتر من كده. في عربية طارق. طارق وهو بيتكلم في الفون: الو ي سامح، جهز الاجتماع وملف شركة ***، ومتنساش حاجة، أنا خمس دقايق وأجي، وبقولك صحيح جهز.... ابعدي ي بنت المجنونة. ووقف العربية بسرعة. ندي بوجع: آآه ي رجلي. طارق بعصبية وغضب: انتي عمية؟ فيه حد يرمي نفسه قدام العربية كده؟ ندي وهو بترفع وشها: انت اللي......... طارق؟!

طارق بصدمة: ندى؟ انتي كويسة؟ طمنيني عليكي، فيه حاجة بتوجعك؟ تعالي نروح للمستشفى. ندي باستغراب: اهدى كده بس، دا مجرد جزع. بصيت في رجلي مش حاجة كبيرة يعني. طارق بإصرار: لا نروح عشان نطمن برضو، يلا تعالي نروح. ندي: والله مش مستاهلة. طارق بعصبية: لا مستاهلة ي ندى، ويلا عشان نروح المستشفى. ندي بعناد: طب متزعقش. طارق وهو بيحاول يهدى نفسه: ي رب صبرني. أنا آسف ي حبيبتي، تعالي نروح للمستشفى عشان نتأكد.

ندي برفعة حاجب: متقوليش ي حبيبتي. طارق بغضب: ندى مش وقت هبلك دا، يلا هنروح للمستشفى دلوقتي برضاكي أو غصب عنك هنروح، خليه برضاكي أحسن. ندي بخوف: أعوذ بالله من الخبث والخبائث. يلا أنا في المستشفى أصلاً. وراحت ركبت العربية بتاعته. طارق بابتسامة: والله هبلة. عند رعد. رعد: هو دا المكان، بس هو هيخطفها في فندق؟ مش مهم، المهم إني ألحقها دلوقتي. حور بابتسامة: أخيرا جيت ي حبيبي، أنا استنيت اللحظة دي من زمان.

رعد وهو بيدور: طب وأنا هعرف هي في إني أوضة إزاي؟ فجأة وصلتله رسالة من مجهول... : لو بتدور على حبيبة القلب، فهي في أوضة رقم 230. رعد حاول يتصل على الرقم بس كان مقفول. رعد لنفسه: الأول ألحقها وبعدين أشوف الرقم دا بتاع مين. وراح يدور على أوضة 230. ... : تعالي ي حبيبي، انت جاي لنهايتك برجليك. وخبطه على راسه من ورا خلاه فقد الوعي. ... : افتحي الباب ي حور، أنا بره. حور فتحت الباب

وعلى وشها نظرة شيطانية: ادخل ي حبيبي، دا انت مصروف عليك كتير. قمر بخوف: أنا مش عارفة أعمل إيه، أنا خايفة على رحيم. اممم، أنا هروح لقدر عشان مفكرش كتير. قمر وهي بتفتح باب قدر: قدررررر.... مفيش رد. قمر في نفسها: البت دي فين؟ ونزلت تشوفها في الحديقة. لقت الغرفة اللي دايماً مقفولة دلوقتي مفتوحة. قمر بخوف: قدر انتي هنا. قدر بصوت عالي: تعالي ي قمر، أنا هنا. قمر باستغراب: انتي بتعملي إيه هنا؟ وبعدين إيه داااا.

قدر بضحكة: طب اقفلي بوقك كده عشان الدبانة متدخلش. قمر بتريقة: كل البنات رقيقة واختي عاملة غرفة تدريب وأسلحة. قدر بضحكة: أيوه ي ستي، أنا مش رقيقة. قمر باستغراب: بس انتي إيه اللي لابساه في إيدك دا؟ قدر: آه دي جوانتي للملاكمة. وقعدت تضرب في كيس الملاكمة. قمر بابتسامة: الكيس بيقول الحقوني. قدر بحزن: بقالي فترة كبيرة مجتش هنا. قمر: ليه؟ ندي: عشان هي بتيجي هنا لما بتكون متضايقة. قمر بخضة: حرام عليكي، رعبتيني.

ندي: مالك ي قدر؟ قدر: والله أنا عايزة أعرف مالنا كلنا. لما تيجي ملك من بره، اتجمعوا في غرفتنا. قمر باستغراب: غرفة مين بالظبط؟ ندي بضحكة: اه ما انتي محضرتيش معانا قبل كده، دي ي ستي غرفة الأسرار بتاعتنا، بنقول كل حاجة فيها. قمر: اممم، أنا شكلي هكتشف حاجات كتير بقى. قدر بحزن وعتاب: انتي اللي قررتي إنك تهربي وتبعدي.

قمر وهي بتحضنها: أيوه عارفة، بس انتي عارفة أنا كنت عاملة إزاي وقتها، بس أنا خلاص رجعت وكل حاجة هترجع زي ما كانت وأحسن. ندي بمشاكسة: وأنا ماليش من الحب جانب ولا إيه؟ قدر بضحكة: لا تعالي. وحضنوا بعض كلهم. في الفرح. نور: آيان بقى كل دا مش بتسأل يعني؟ ولا أنا موحشتكش؟ ملك وهي بتبصلها من فوق لتحت: هي تقريباً نسيت تكمل لبسها. آيان بضحك: يخربيتك، وطّي صوتك هتفضحينا. نور: والله ي نور مشغول.

نور بدلع: خلاص هترقصي معايا النهارده ومفيش أعذار. آيان بسرعة: بس أنا... نور بمقاطعة: الله، شغلوا أغنيتي المفضلة، يلا. وشدته معاها. آيان كان بيرقص وعينه على ملك. نور بخبث: على فكرة هي لو حد طلب منها الرقص هترقص هي كمان، بلاش تشغل دماغك بيها. آيان برفض: لا هي مستحيل تقبل. نور: هنشوف. وخلصت الأغنية واشتغلت أغنية الثنائيات. نور بخبث: الحق، فيه واحد بيقرب منها أهو. وفعلاً قرب منها شاب في نهاية العشرينات من عمره.

الشاب: ممكن ترقصي معايا الرقصة دي؟ ملك برفض: آسفة، مش برقص. الشاب: ليه؟ طب حتى بصيلي، ممكن تغيري رأيك. وكل دا وآيان كان سامع واتمنى إنها متبصلوش، بس هنا خاب ظنه، وهي بصتله. آيان ساب الفرح و...