رواية ونحب تاني ليه الفصل الخامس 5 - بقلم منة سمير

أحمد رمى الصور في وش ندى، اللي انصدمت لما شافتهم وقعدت تعيط: "والله يا أحمد أنا ما عملتش أي حاجة من اللي في الصور دي... دي متفبركة." أحمد: "للأسف أنا انخدعت فيكي، كان لازم أعرف إنك واحدة خاينة وشمال من الأول... يا خسارة حبي ليكي يا ندى، يا خسارة." خلع دبلته وسابها ومشي. ندى بعياط: "أحمد أحمد اسمعني، والله أنا مظلومة." صحت ندى من النوم مخضوضة، رجعت شعرها لورا وهي بتاخد نفسها وقعدت تستغفر كتير لحد ما هدت. ندى:

"أنا أول حاجة لازم أعملها بكرة الصبح إني أعرف أحمد، اللي يحصل يحصل." *** في الجامعة. ندى كانت بتدور على أحمد مش لاقياها، لحد ما خبطت في سارة بنت عمها. سارة باستغراب: "ندى، انتي نزلتي؟ دا أنا قولت إنك مش نازلة." ندى بغضب منها: "وانتي مالك من هنا ورايح؟ خليكي في حالك يا سارة ومالكيش دعوة بيا، تمام؟ سارة: "انتي هبلة ولا إيه؟ انتي سخنة ولا عيانة ولا نظامك إيه؟ ندى:

"أوعي وشيلي إيدك دي عني، أنا فعلاً كنت هبلة لما وثقت فيكي ومشيت مع واحدة بتتفق مع واحد متفق مع مغتصب على بنت عمها... عن إذنك." مشت ندى وسابها واقفة مع نفسها. ندى: "دكتور أحمد جوه؟ "أيوا، اتفضل." ندى أول ما دخلت حست إن الشجاعة اللي كانت عندها بتتسحب منها واحدة واحدة. ندى: "السلام عليكم." أحمد بابتسامة: "ندى، تعالي اتفضلي." ندى بتوتر: "أنا بس مش عاوزة أكون عطّلتك." أحمد بجدية: "لأ، أبداً...

دا أنا أفضل لك يا آنسة ندى، لو مشغول يعني ولا إيه؟ ندى بخجل: "شكراً لحضرتك." أحمد: "اممم، حضرتك برضه... طيب خير، في إيه؟ في حاجة حصلت؟ ندى: "هو حضرتك قلقان أوي كدا ليها؟ أحمد: "أصلك أول مرة تجيلي مكتبي، ما حصلتش قبل كده دي." قالها ببعض المرح والدراما. ابتسمت ندى وقالت: "لأ، هو الصراحة أنا كنت عاوزة أقولك على حاجة." أحمد مشجعاً: "طيب قولي، أنا سامعك." ندى باحراج: "أنا مش عارفة أبدأ منين، لأنه موضوع شخصي شوية."

أحمد بتفهم: "تمام، ممكن بعد الكلية نتقابل في كافيه ونتكلم لو حابة." ندى: "تمام، ماشي... عن إذنك." أحمد بابتسامة: "مع السلامة يا ندى، اتفضلي." *** سارة بغضب: "أنااا غلطانة إني وافقت أساعدك. ندى مش راضية إنها تتكلم معايا تاني، كله بسببك." جاسر بغضب: "في إيه وبتزعقي على إيه؟ سارة: "ده آخرت اللي يعمل فيك معروف، ماشي يا جاسر." جاسر بحده: "اهدي، أنا مش فاهم حاجة." حكت له سارة ما حدث. جاسر: "أنا مكلمتش ندى من يوم الأتيليه."

سارة بحيرة: "أومال هي عرفت إزاي؟ جاسر فكر شوية: "اقفلي يا سارة."