رواية ورد الفصل العشرون 20 - بقلم ندى احمد

فارس صحى الصبح قبل ورد وكان حضنها بتملك وقعد يتأمل ملامحها. ورد بدأت تصحى. ورد: صباح الخير يا فارس. فارس: صباحية مباركة يا وردتى. ورد اتكسفت ونزلت راسها. فارس مسك دقنها ورفع راسها. فارس: أنا مش مصدق يا ورد إننا تممنا جوازنا. ورد: بطل تكسفني بقى يا فارس. فارس: بجد أنا مبسوط أوي يا وردتى. ورد بكسوف: وأنا كمان يا فارس مبسوطة. ورد راحت حضنته أكتر وكملت: أنا عايزة أفضل في حضنك أطول. أوعدني.

فارس: ده أنا اللي مش هقدر أستغنى عن حضنك يا وردتى. ورد راحت جريت بالملاية على الحمام. فارس: ماشي يا ورد. ادلعي براحتك. ورد خرجت وكانت لابسة بيجاما ستان لونها نبيتي ونزلت تحت. ورد: هو مفيش حد؟ فارس شدها على رجله وهو بيلعب في شعرها: لأ. أنا أدتهم إجازة عشان نبقى على راحتنا. ورد: أنا هقوم أحضر الفطار. فارس راح شالها لحد المطبخ وراح نزلها. فارس بدأ يساعد ورد في الفطار. قعدوا يفطروا وبدأ يأكلها بيده وهي كمان بتاكله.

على الظهر كده. مراد جه يزورهم مع مراته. ورد: فارس الباب بيخبط. فارس وهو مش مركز غير معاها: مش وقته. شوية اللي بيخبط يزهق ويمشي. ورد: عيب يا فارس. انزل. فارس: مش قولتلك نسافر بدل الإزعاج ده. أروح بيكي فين تاني؟ ورد ضحكت على طريقته وكلامه. فارس لبس ونزل. مراد: إيه يا فارس. سنة وبتفتح؟ فارس: إزيك يا مراد. نهى مرات مراد: إزيك يا فارس. فارس: اتفضلوا. مراد ونهى قعدوا. فارس: عن إذنكم ثانية بس أقول للمدام.

نهى: اتفضل يا فارس. هو إحنا ضيوف؟ ورد لابسة طرحة. ورد: مين يا فارس؟ أنا نازلة. فارس: لأ. مراد تحت. البسي النقاب. ورد: إيه ده بجد؟ مكنتش أعرف. حاضر. ورد لبسته ونزلت معاه. ورد ضيفتهم. نهى: ولازمته إيه؟ أتعب يا ورد. ده إحنا أهل. ده إحنا كنا جايين نتعرف عليكي. مش عايزين نتعبك. ورد: لا تعب ولا حاجة. ده أنتوا تعبكم راحة. وبعدين ده لسه الغدا. نهى: غدا إيه؟ لأ. مش عايزين نتعبك. ورد: لا تعب ولا حاجة.

مراد وهو بيبص لورد: هي ورد كده طول عمرها بتحب تشوف اللي حواليها مبسوط. ومش مهم هي. طول عمرها طيبة ورقيقة. يا ورد مش عايزين نتعبك. ورد: لا تعب ولا حاجة يا مراد. نهى: تعالي نطلع نتكلم براحتنا ونعمل الغدا سوا. ورد ونهى طلعوا. مراد: إنت لسه يا فارس مصمم؟ فارس: مصمم على إيه؟ مراد: إنت فاهم قصدي كويس. قصدي على ورد يا فارس. إنت مش ناوي تخليها تشوف حالها وتطلقها؟ فارس: إنت بتقول إيه يا مراد؟ إزاي أصلاً تدخل في حاجة زي دي؟

المفروض تتمنى لأخوك حياة سعيدة. مش تقولي تطلق. وبعدين يا مراد ورد زي أختك وهي مرات أخوك. مراد: وعشان ورد أختي أنا خايف عليها. فارس: محدش هيخاف على ورد قدي يا مراد. وادعيلنا أحسن. ورد نزلت هي ونهى وكانوا خلاصوا الغدا. واتغدوا وقعدوا شوية ومشوا. وكل ده وفارس كان بيحاول يثبت قدامهم إن ورد ملكه وعمال كل شوية يحضنها قدامهم. ورد: مالك يا فارس؟ كنت كل شوية تحضني. كسفتني قدامهم. فارس: تكسفي من إيه؟ أنا جوزك يا وردتى.

ورد: بس بجد كانوا بيبصوا علينا يا فارس. فارس: وإيه المشكلة؟ فارس راح شالها. فارس: بقولك إيه؟ ما تيجي نكمل كلامنا فوق بدل ما يقطعوا علينا كده. ورد اتكسفت وخبّت وشها في صدر فارس. فارس: أموت فيكي وإنتي مكسوفة. بس متتكسفيش مني. ده أنا فارس حبيبك يا وردتى. ورد بصتله في عينه: أنا بحبك أوي يا فارس. فارس بص لها وجرى بيها على أوضتهم. وبعد عام. فارس في المستشفى قلقان على ورد وسماع صريخها وهي بتولد جوه.

الممرضة خرجت وكانت شايلة توأم ولاد. فارس شالهم ومكنش مصدق نفسه من الفرحة. وبعد شوية ورد خرجت. فارس أول ما دخلت أوضة عادية دخل وكان شايل الولاد. فارس: مبروك يا وردتى والف حمدلله على سلامتك. ورد: الله يبارك فيك يا فارس. الله يسلمك. عايزة أشيلهم. فارس ساعدها وخلاها تشيلهم. ورد شالتهم في حضنها ومكنتش مصدقة وبتدمع. فارس خدها في حضنه وباس دماغها. فارس: ربنا يخليكم ليا يا ورد.

ورد: ربنا يخليك لينا يا حبيبي. بجد أنا مش مصدقة يا فارس. فارس: أنا سميتهم زين وصقر. ورد: حلو الاسمين دول. أنا بحبك يا فارس. فارس: ده أنا اللي مش عارف كنت هعيش إزاي لو حياتي مكنش فيها وردتى. ده أنا بعشقك يا ورد. الولاد بدأوا يعيطوا. فارس: ابتدينا بقى. ورد بدأت تاكلهم. وفاتت الأيام والسنين وورد خلفت بنتين كمان خديجة ورقية. وفارس كل يوم بيزيد حبه لورد عن اليوم اللي قبله.