رواية ورد الفصل التاسع عشر 19 - بقلم ندى احمد

ورد استغربت إن فارس جوه وراحت قدام جناح منى وشافته ومنى بتبوسه. فارس بعد عن منى وضربها بالقلم. فارس: مكنتش أعرف إنك بالحقد ده يا منى. وطلع من الأوضة. ورد كانت واقفة وبتستخبى. ورد جت تلف لقت فارس واقف وبيسِك عليها. ورد بصتله بغضب وجت تمشي. فارس مسك ورد وحاوطها. ورد: إيه اللي دخلك أوضتها يا فارس من الأول؟ فارس لغاظتها: وحشتيني.

ورد: والله بجد، ابعد عني يا فارس، ما أنا فعلاً مش مهمة عندك، ابعد عني مش عايزة أشوفك يا خاين. فارس: يا بت بهزر، أنا روحت أوضتها عشان ده. وطلع المنديل. ورد: إيه ده؟ فارس مسك إيديها: تعالي بس هقولك. فارس أخد ورد وركبوا العربية. وراحوا المعمل تاني. وطلعت النتيجة وحسام مش ابن فارس ولا ابن منى أصلاً. فارس: قولتلك عشان تصدقيني، منى دي كدابة. ورد: طب إزاي؟ ده أنت اللي أخدتنا المعمل الصبح، محدش كان يعرف مكانه.

فارس: لأ، منى عرفت قبلها بساعة واتفقت معاهم. ورد: أنا آسفة يا فارس لو شكيت فيك. فارس: متتأسفيش على حاجة يا وردتي. فارس طرد منى وطلع إن حسام ده عايش مع منى عشان أهله مسافرين لمدة كبيرة، وفارس رجعه لأهله. فارس: مش مصدق إن البيت أخيراً فاضي وحياتنا هادية يا وردتي. ورد: أنت بتحبني ليه يا فارس؟ فارس: يعني إيه بحبك ليه؟ مفيش سبب للحب يا وردتي. ورد: أنا مش مصدقة إني في يوم ممكن أكون ليا حتة صغيرة في قلبك. فارس: حتة صغيرة؟

ده انتي أخدتي قلبي وعقلي يا ست البنات. فارس: أنا هروح الشغل وناوي آخد إجازة أسبوع يا وردتي. ورد: ليه يا فارس؟ ملهاش لازمة الإجازة، بلاش تعطل شغلك. فارس: ملهاش لازمة إزاي يا عروسة؟ وبعدين ملكيش دعوة بشغلي، أنا هتصرف. ورد انكسفت وطلعت أوضتها. فارس راح الشغل ورجع بالليل. ورد كانت قاعدة بتتفرج على مسلسل زواج مصلحة. مشهد كان البطل بيحب بنت غير البطلة وقاعدة تعيط. فارس: مالك يا ورد؟

ورد بعياط: جان طلع بيحب رافيف مش فتون يا فارس، وبيعمل فتون وحش أوي بجد. فارس: والله هبلة، جان وفتون مين؟ ورد: في المسلسل بجد، فتون متستهلش، جان ده غبي. فارس راح قفل المسلسل. ورد: ليه كده يا فارس؟ لسه مخلصش. فارس راح شال ورد. فارس: تعالي بس هنشوف مسلسل تاني أحلى. ورد: لأ، أنا عايزة أتفرج على الحلقة الأولى. فارس: أنا ولا المسلسل؟ ورد: المسلسل. فارس: بقى كده. و نزل ورد وطلع أوضته. ورد: إيه الغباء ده يا ورد.

ورد طلعت وغيرت هدومها للفستان الأسود اللي فارس جابهولها زمان. ورد خبطت: ممكن أدخل؟ فارس وهو مش باصص عليها: اتفضلي. ورد جت قاعدة جنبه. ورد: فارس وردتك آسفة. فارس: لأ خلاص عادي. ورد: أنت لسه مضايق؟ طب أنا آسفة، ده أنا سبت المسلسل أهو. فارس بص عليها: تعرفي إني بحب الفستان ده عليكي. ورد بكسوف: بجد؟ مكنتش أعرف. فارس: اديكي عرفتي يا وردتي. ورد بصت في عينه: تعرف إن عيونك حلوة أوي، أول مرة أركز فيهم.

فارس: ده انتي بتعاكسيني بقى. ورد: وفيها إيه لما أعاكس جوزي. فارس: بجد يا ورد؟ طب انتي مبسوطة إن جوزك ولا... ورد قطعته: ده أنا يا فارس أسعد واحدة طول ما أنا معاك، أنا بحبك يا فارس. فارس: وأنا كمان بحبك... بس مالك بقيتي مزة كده النهاردة. ورد: إيه ده يا فارس، أنت سخن ولا إيه؟ تعبان؟ فارس: تعبان إيه بس. فارس بص في عينيها: ورد، موافقة نتمم جوازنا؟ ورد بكسوف هزت راسها بالموافقة. فارس شالها ولف بيها الأوضة: بجد يا ورد؟

أنا مش مصدق. فارس قبل ورد بشغف ونزل بيها على السرير برقة، وأصبحت ورد زوجته أمام الله.