رواية ورد الفصل الحادي عشر 11 - بقلم ندى احمد

ورد نزلت من القطر في القاهرة وهي مش عارفة هتروح فين. قعدت تلف على المحلات والمطاعم لحد ما حد دلاها على حد يشغلها. راحت لنعمات، بتشتغل البنات يخدموا في البيوت. نعمات دبرت شغل لورد في قصر أصحابه مسافرين، بس بييجوا من وقت لتاني عليه. لازم الخدم يكونوا في القصر دايماً لأن ملهمش معاد ثابت بييجوا فيه. حور اتطمنت شوية، والمرتب كان كويس. نعمات ساعدتها إنها تدخل مدرسة هنا.

عند فارس، فضل يدور في كل حتة في المستشفيات والأقسام وكل مكان، وبرضه ملهاش أثر. فارس رجع وهو مش عارف يعمل إيه. مراد: "أنت السبب في كل ده. أنانيتك اللي وصلتنا لكده. أنت متعرفش حاجة عن الرحمة ولا الإنسانية. ده ممكن ربنا حرمك من الأطفال عشان قسوتك دي." سعاد: "فيه إيه يا مراد؟ فيه حد يتكلم مع أخوه الكبير كده؟ تلاقيها هربت مع حد الصاي... فارس: "محدش يغلط في ورد. ورد محترمة."

سعاد: "والمحترمة هربت ليه إن شاء الله لو هي محترمة؟ فارس: "مش عايز حد يتكلم في الموضوع ده تاني. أنا عارف ورد مشيت ليه من طريقتك أنتِ ومنى. حاسستوها إنها ملهاش مكان وسطنا. مشيت عشان الست منى كانت حاطة دماغها بدماغ ورد وبتقول يا أنا يا هي. وهي ريحتك يا منى ومشيت." منى: "وأنا مالي أنا؟ مقولتلهاش أمشي." فارس ضرب منى قلم: "كفاية كذب!

أنا عرفت كل حاجة. أنتِ اللي عملتي الفيلم ده. وبليل خرجتي للورد وخلتيها تمشي. وكمان خليتي الحرس يسيبوها تمشي. أنتِ ليه كل ده يا منى؟ ورد عملتلك إيه؟ منى: "يا فارس أنا... فارس: "أنا مش عايز أسمع منك كلمة. وأنتِ طالق يا منى." منى: "طلقتني عشانها؟ أنت طول عمرك كده. وتلاقي أنت اللي معيوب مش أنا. ومش بتخلف. ده أنا مستحملة قرشك." منى أخدت هدومها ومشيت. فارس طلع أوضة ورد. هو اتعلق بيها أوي رغم إنه مقعدش معاها كتير.

خرج من الدولاب الفستان الأسود اللي كانت لابسة ورد وقعد يعيط عليها. واخد الفستان في حضنه. فارس: "يا ترى أنتِ فين يا ورد؟ فات 3 سنين على غياب ورد. فارس مكنش بييأس إنه يدور عليها بس بدون فايدة. مكنش بيرضى يسيب البيت اللي في البلد عشان دي الحاجة الوحيدة اللي باقية من ورد. فارس اضطر إنه يسافر القاهرة عشان فيه مشكلة في الشغل لازم يكون موجود هناك بشكل دائم.

سافر فارس ولم هدوم ورد اللي كانت بتلبسها وكل حاجة تخصها وفيها ريحتها. عند ورد. ورد أصبحت في تالتة ثانوي (لأن نعمات خلتها تقدم في صف أكبر من صفها بسنة) أحد الخدم: "فارس بيه وصل! يلا روحوا خدوا الشنط وحد يشوف البيه يشرب إيه." ورد راحت. فارس دخل البيت ولمح ورد. فارس: "ورد!