رواية ورد الفصل الثاني عشر 12 - بقلم ندى احمد

فارس دخل البيت و لمح ورد. فارس: ورد. فارس فرك في عينه، ممكن بيتهيأ له. ورد شافت فارس وطلعت تجري. فارس فتح عينيه ملقاهاش قدامه وزعل وطلع الجنينة. ورد قررت إنه لازم ما يعرفش إنها هنا. راحت حقت لنعمات. نعمات: وهتعملي إيه يا بنتي؟ ورد: مش عارفة يا خالة. نعمات: أكيد هيشوفك، ده القصر كله مافيش غير ست أو سبع خدمات، يعني أكيد هلمحك في يوم. ورد: طب أعمل إيه؟ نعمات: انتي مش عايزة ترجعيله؟

ورد: لأ يا خالة، كفاية اللي أنا عملته في حياته، مش عايزة أسبب له مشاكل تاني مع مراته. نعمات: بس فين مراته؟ مجتش يعني. ورد: معرفش، أنا كنت عايزة أتنقب من زمان يا خالة، وخلاص أنا هتنقب. نعمات: يعني هتتنقبي عشان ما يشوفكيش؟ ورد: لأ، فعلاً كنت بفكر أتنقب بقالي فترة، ده أنا حتى اشتريته. نعمات: مش عارفة يا ورد، مش مطمنة. ورد: ربنا يستر، ادعيلي يا خالة. نعمات: بدعيلك يا بنتي. ورد خلاص اتنقبت وكانت واقفة في المطبخ.

حد يطلع ينضف أوضة فارس بيه، روحي يا ورد انتي اللي فاضية فينا. ورد طلعت وكانت خايفة. فضلت تخبط في الأول محدش فتح، راحت دخلت. وبدأت تروق الأوضة. بصت لاقت شنطة سفر لسه متفتحتش. ورد راحت فتحتها، افتكرت إنهم نسوا يعملوا. ورد فتحت الشنطة لاقت حاجاتها، فساتينها، فرشة شعرها، كل حاجة كانت ليها. ومسكت الفستان الأسود. هنا فارس خرج من الحمام وكان لافف حوالين وسطه فوطة. فارس بغضب أخد الفستان من إيدها.

فارس بغضب: إيه اللي خلاكي تفتحي الشنطة دي؟ ورد بعياط: أنا آسفة، مكنتش أعرف. فارس: اطلعي بره. ورد خرجت. فارس غير هدومه ونزل يفطر. ورد عملت لفارس سندوتشات بلح رطب بالسمنة، حاجة زي العجوة كده، هو بيحبها. فارس استغرب لما لقها على الفطار. فارس: إيه ده؟ هو مين اللي عمل السندوتشات دي؟ أحد الخادمات بصت لورد: قلتلك فارس بيه مش بيحب العك ده، إحنا آسفين يا بيه. وجت تشيل الطبق. فارس: لأ استني، متشليش الطبق، روحي انتي.

ورد جت تمشي مع الخادمة. فارس بص لورد: لأ استني انتي. ورد وقفت. فارس: تعرفي إني بحب السندوتشات دي، انتي عرفتي منين؟ ورد: بجد؟ أنا مكنتش أعرف خالص. فارس: انتي اسمك إيه؟ ورد: اسمي ورد. فارس بعدم تصديق: ورد؟ ورد: هو الاسم فيه حاجة؟ فارس: لأ أبداً، شكراً على الفطار. ورد استأذنت ومشيت وهي مرعوبة. ورد في نفسها: إيه الغباء ده يا ورد.

على بالليل ورد كانت بتتعشى في المطبخ وكانت رافعة النقاب ومقفلتش الباب بالمفتاح، ظناً منها إن مافيش حد بيدخل المطبخ غير ستات، عادي. فارس كان داخل يعمل لنفسه قهوة، لأنه ساعات بيحب يعملها لنفسه. دخل المطبخ. ورد أول ما شافت فارس قدامها، هي وفارس اتصدموا. فارس: .....