رواية ورد الفصل الرابع 4 - بقلم ندى احمد

الفصل الرابع فارس لازقها في الحيطة. فارس بص لها بوقاحة وكمل: اقلعي واعرضي نفسك عليا. ورد بصدمة: إيه؟ فارس: إيه ده أنا حتى هدفع زي ما بيدفع أي زبون عندك يا فاجرة. ورد: أنت بتقول إيه؟ فارس بوقاحة: وأنا هبسطك زي ما هتبسطيني وكل ما تبسطيني أكتر هدفع أكتر. ورد محستش بنفسها غير وهي بيديها الصغيرة بتضربه قلم. مراد: في إيه يا فارس عملت إيه لكل ده؟ فارس تجاهله وأخدها وطلع بيها على زريبة وقفل عليها. عدى يوم ورد محبوسة.

سعاد: خلاص يا فارس افتح للبنت بالطريقة دي هتموت. فارس: محدش له صالح بالفاجرة دي وأنا هربيها بمعرفتي. منى: إحنا مش عايزينها تموت دلوقتي وأنا ما وافقتش على الجوازة دي عشان في الآخر تموت قبل ما تنفذ اتفاقنا. فارس قام بزهق من على الأكل. فارس راح بالأكل لورد وفتح الباب، لاقاها مغمى عليها. فارس بخضة شالها وطلع بيها وسط الكل. سعاد ومنى كانوا مستغربين فارس. فارس راح شالها ودخلها الحمام وحماها.

كان بيحاول ما يبصش عليها وغير لها هدومها بهدوم من عنده. حط راسه على صدرها، لاقى إنها بتاخد نفسها بصعوبة. راح عمل لها تنفس صناعي. ورد بدأت تفوق. ورد اتخضت لما لاقت فارس قدامها. فارس: يلا كلي. ورد: شكراً مش عايزة. فارس: أنا بأمرك مش بقترح عليكِ، وبعدين أنا بقولك كلي مش شفقة بس عشان أنا لسه مخلصتش حسابي معاكي ولسه معادك مش عايز أعجل بيه. ورد: وأنت مين أصلاً عشان تتحكم في حاجة زي ده؟ ولا تكون بتحيي وتموت الناس، إياك.

فارس: اطفحي دلوقتي بدل ما أقسم بالله هيكون ليا تصرف تاني مش هتلوي ساعتها غير روحك. كلي. ورد بدأت تاكل بخوف وهي كانت جعانة جداً، فكلت. فارس: أول وآخر مرة هسألك مين أبو الواد اللي في بطنك، لو قولتي دلوقتي أنا ساعتها هخليه يتجوزك غصب عنه. ورد: يعني أنا لو قولتك هتهملني لحالي وتطلقني؟ فارس تعابير وشه اتغيرت.