رواية ورد الفصل الثالث 3 - بقلم ندى احمد

الفصل الثالث فارس شد ورد لأوضة، خلع هدومه وقطع هدومها، وهجم عليها. صرختها ملأت المكان. ورد: ابعد عني يا فارس. فارس: هو حرام ليا وحلال للغريب؟ ولا انتي مش بتحبي غير الحرام يا فاجرة؟ فجأة، ورد مقدرتش تستحمل شتمته ليها ووصفه ليها بحاجة مش كويسة.

صرخت في وشه: والله العظيم أنا مش حامل، ابعد عني، وأنا مش زي ما بتقول عليا. لفت نفسها بملاية السرير، وعرفت تفلت من فارس. فتحت الباب وبدأت تجري. في ثانية، فارس شدها تاني وبقيت في الأوضة معاه. فارس شد شعرها: بقى بتعلي صوتك عليا يا زبالة؟ انتي فاكرة إيه؟ ده أنا حتى أقرف أشوفك، مش المسك. وبعدين أنا مليش في الرخيص، وانتي حتى أرخص من أي رخيصة شفتها في حياتي. وأنا هعلمك الأدب. وازاي عايزة تجري في البيت بملاية؟

إحنا هنا مش في الشقق اللي بتروحيها يا فاجرة. وكمل بوقاحة: تلاقيّك مش عارفة مين أبو الواد اللي في بطنك من كتر اللي ناموا معاكي. ورد بدأت تعيط من كلامه. فارس: انتي فاكرة إن بعياطك ده هتكسبيني؟

ده انتي هنا هتموتي بالبطيء. وده المفروض واحدة زيك تحمد ربنا إني وافقت بيكي وقلت أستر عليكي. انتي لو ليا كان زمانك في تعداد الموتى. من النهاردة انتي مش هتخرجي من الأوضة دي، أنا هحبسك فيها لأني مضمنش إن لو سيبتك في البيت براحتك تهربي. أنا مش فاهم إزاي ده كله يطلع منك. انتي أهلك كانوا ناس محترمين وطيبين، إزاي خلفوا واحدة زيك بالأخلاق الواطية دي؟ ورد بعياط: انت ليه مش مصدقني؟ أنا لو كده كنت خليتك تلمسني.

فارس: والدكتورة اللي كشفت عليكي إيه؟ هتتبلى عليكي؟ والدورة اللي مرات عمك قالت إنها مجاتلكيش لغاية دلوقتي، إيه كل ده كذب؟ وانتي اللي طاهرة؟ ورد: والله العظيم صدقني، هات أي دكتورة تانية تكشف عليا، أنا مش كدابة. فارس: أنا مش هصدقك، ومفيش حد هدخل هنا غيري. وراح قفل الباب ونزل تحت. سعاد: فارس امتى هتنفذ؟ فارس بزهق: أنا مش عايز أكمل في الاتفاق ده. سعاد: فارس دي فرصة مش هتتعوض تاني، وانت عارف كويس. فارس: ربنا يسهل يا أمي.

ورد فوق بتحاول تشوف طريقة تهرب بيها، معرفتش. سعاد دخلت على ورد: انزلي المطبخ، ولا فاكرة هتقعدي هنا هانم؟ ورد نزلت في المطبخ. الخادمة: فارس بيه عايز القهوة. سعاد واقفة في المطبخ. سعاد للورد: انتي يا بت، طلعي القهوة لفارس بيه. ورد: مابلاش أنا يا مرات عمي، أحب على إيدك. سعاد: يلا طلعيها وبطلي لكاعة، وراكي شغل كتير في المطبخ. ورد راحت مكتبه وهي بتقدم رجل وتأخر رجل، وخبطت الباب بخوف. فارس: ادخل. ورد دخلت بالقهوة.

فارس بص لها وعينيه حمرا: انتي خرجتي من أوضتك تاني يا زبالة؟ ورد حطت القهوة، وبخوف وعياط: والله مرات عمي هي اللي فتحتلي ونزلتني المطبخ، والله. فارس لازقها في الحيطة. فارس بص لها بوقاحة وكمل: اقلعي واعرضي نفسك عليا. ورد بصدمة: إيه؟ استوب