رواية ورد بقلم رحمه علي | كاملة

حسيت بوجع ف قلبي أول ما شوفت الرسالة. هو راجع تاني عشان يبوظ حياتي؟ بعد ما استقريت ولاقيت اللي يحبني ويقدرني؟ راجع يوم فرحي عشان يوجعني في فرحتي؟ دخلت عليا فريدة. "مبروك يا ، عروسة القمر اللي واخده قلبي... مالك يا وشك أصفر ليه؟ انتي كويسة؟ في إيه؟" ورتها الرسالة وهي محستش بنفسها وهي عمالة تشتم فيه. إنه راجع تاني يدمر كل حاجة. حلفت أنها مش هتسكت. خرجت وسابتني. وبعدها دخلت أختي لؤلؤ. "في إيه؟ فريدة خارجة متعصبة. إيه؟" "علي بعت رسالة." "إيه؟ هو اتجنن؟ إزاي يعمل ده أصلاً؟" "معرفش. هو عايز مني إيه؟ أنا مصدقت ارتحت. هو مش عايزني أرتاح ليه؟" "خلاص أهدي يا قلبي. هي فريدة هتعمل إيه؟" "معرفش... شكلها هتكلمه..." مكملتش الكلمة وكانت فريدة رجعت، وكلها بهجة وانتصار، وكأنها أم أخدت حق ابنها. "عملتي إيه يا فريدة؟" "اتصلت شتمته وقلتله كفاية كده. قلتله كفاية أذى وضرر ليها، وكفاية اللي عملته من سنتين وقصتك خلصت. بلاش تفتح على...