رواية وردة الفهد الفصل الثالث 3 - بقلم مريم محمد

ورد بدموع: الحقيني يابنتي صاحب البيت طردنا في الشارع وبيرمي حاجتنا. ورد بدموع: ازاي ده يا ماما؟ وطلعت تجري بره الشركة. فهد: ورد مالك استني، رايحة فين؟ وطلع يجري وراها ومسكها من ايدها. فهد: مالك يا ورد؟ ورد بدموع: ماما... ماما. فهد: مالها؟ ورد بصريخ: مش قادرة أتكلم، عايزة أروح. فهد: تعالي، هوصلك. ركبوا العربية، وورد ركبت جنبه بسرعة. وصلت ورد عند مامتها وطلعت تجري تحضنها. حاجتهم كلها كانت في الشارع.

ورد بدموع: ماما انتي كويسة؟ فيكي حاجة؟ قمر بدموع: اترمينا في الشارع يا بنتي عشان بقالنا خمس شهور مش بندفع الإيجار. ورد بدموع: والله قلت له يستنى شوية كمان. قمر: أنا مش عارفة هنعمل إيه دلوقتي يا بنتي. ورد: متخافيش يا ماما، ربنا كبير وأرض الله واسعة. كل ده كان قدام فهد. فهد: روحي اركبي يا طنط عربيتي دي، وهتكلم مع ورد وهنيجي وراكي. ورد بدموع: روحي يا ماما. مامتها راحت، وفهد وورد واقفين. فهد: ورد. ورد: نعم.

فهد: أنا هاخدكم عندي البيت. ورد: لا شكراً، أنا هشوف بيت. فهد: هتاخدي أيام عقبال ما تلاقي، فخليكي دلوقتي عندي، وأنا هشوف بيت، ومتقلقيش، أنا وعمر عايشين مع ماما وأختي. ورد: بس... فهد: من غير بس يا ورد، تعالي، دي كلها أيام. ورد: هشوف ماما وأقولك. فهد: طب أنا هستنى هنا، وروحي العربية كلمي مامتك. ورد: تمام، عن إذنك. وفعلاً ورد راحت لمامتها وقالت لها، ووافقت. في قصر الدمنهوري. فهد: اتفضلوا ادخلوا، نورتوا.

ورد: شكراً يا مستر فهد. فهد: إحنا مش في الشغل يا ورد، قولي فهد عادي، بلاش لقب. ورد: هحاول. فهد: تمام. مامت فهد نزلت من غرفتها على الصوت. مامت فهد (اسمها فريدة) : إيه الصوت ده؟ فهد: دول ضيوفي يا ماما. فريدة: ضيوفك مين؟ فهد: قص لها كل شيء عن النهاردة بس. فريدة بطيبة: تمام، تعالي يا ورد، إنتي والست قمر، ادخلوا غرفكم. صباح تاني يوم مليء بالأحداث على أبطالنا.

قام فهد بكل نشاط مثل عادته، ودخل خد شاور، وطلع لبس قميص أبيض وبنطلون أبيض وكوتشي أبيض، وصفف شعره ورش عطره المميز. ونزل على تحت. تحت على الفطار، كانت ورد قاعدة مع فريدة وقمر. ونزل فهد وعمر وأخت فهد اللي اسمها قلب. فهد: صباح الخير. الجميع: صباح النور. قمر: أسفين يا ابني، هنتقل عليكم. فهد: إيه الحضرتك بتقولي ده يا طنط؟ إنتي في مقام والدتي. فريدة بطيبة: تزعليني منك يا حاجة أم ورد بكلامك ده.

قمر: حقكم عليا، أنا بجد أول مرة أتحط في الموقف ده. في حتة أول مرة نروحها. مجهول: فهد مين ده اللي يقف ضدي؟ ... المجهول: يبقى تخلصوا عليه حالا، أنا مش هستنى لما ابن الدمنهوري يعمل فيا حاجة ولا يكسب صفقاته. ... : تؤمر بحاجة تانية يا باشا؟ مجهول: خلاص، تقدر تمشي دلوقتي، وهنرن عليك بليل. عند فهد في الشركة، رن جرس المكتب. فهد: تعالي يا ورد. ورد طرقت على الباب ودخلت. ورد: تؤمر بحاجة يا مستر فهد؟ فهد: معاد آخر ميتينج إمتى؟

ورد: الساعة ستة يا مستر فهد. فهد: تمام، عايز كل حاجة تبقى جاهزة قبل المعاد بخمس دقايق. ورد: تحت أمرك يا مستر فهد. قبل معاد الميتينج بربع ساعة. فهد طلع بره مكتبه ووقف عند مكتب ورد. فهد: ورد، خدي الـ cv ده وحطي الورق بالترتيب، ومش عايز حاجة غلط يا ورد، ورقة تتحط مكان ورقة. ورد: بس مفيش وقت يا مستر فهد، مش هلحق، ده عايز وقت وتركيز. فهد ببرود: حاولي. خدت ورد الـ cv بقلة حيلة وقعدت على المكتب تظبط الورق.

(قبل معاد الميتينج بخمس دقايق) فهد: ورد، خلصتي؟ ورد: آه. فهد: هاتي الـ cv وتعالي ورايا. دخل فهد ومعه ورد وقعد في المقعد الرئيسي لغرفة الاجتماعات، وورد على يمينه. فهد فضل يتحدث عن العمل. فهد: افتحي يا ورد الـ cv. ورد: حاضر يا مستر فهد. وفعلاً فتحت الـ cv وفهد خدها. فهد بص فيها وفضل يتحدث لحد ما فتح الورقة التالتة، واتفاجأ إنها محطوطة غلط. وبص لورد بطريقة مرعبة خوفته.

بس قدر يكمل الاجتماع لحد ما خلص، والجميع خرج. ولسه ورد هتخرج. فهد بصوت عالي: وردددد. ورد بخوف: ن... ن... فهد: قولتلك ركزي يا ورد. ورد: والله كنت مركزة، مش عارفة إزاي حصل كدا، صدقني. فهد بهدوء: خلاص يا ورد، حصل خير، روحي مكتبك. فعلاً ورد راحت مكتبها وهي تحمد ربها، وفهد راح مكتبه. في قصر الدمنهوري. وصل فهد ومعاه ورد. فهد: مساء الخير. الجميع كانوا قاعدين قدام الـ tv. الجميع: مساء النور.

قعدت ورد جنب والدتها، وفهد في وشها. عمر بغيرة على ورد: إممم يا فهد، بعد كده ابقى سيب ورد أوصلها. فهد بغيرة هو أيضاً: لا، أنا هوصلها. عمر: لا، سيبها، متتعبش نفسك. فهد: لا، متتعبش نفسك إنت، أنا مديرها وهي هتروح معايا أنا. قلب بغمز: إيه يا شباب؟ إنتوا بتتخانقوا على مزة ولا إيه؟ فهد بغضب: اخرسي يا بت إنتي. عمر: يا ريت فعلاً تخرسي. قلب بضحك: خرست.

ورد: شكراً يا عمر على تعبك، بس مش لازم خلاص. هو مستر فهد مكتبه قريب مني وأقدر أشوفه وهو طالع، وهنروح سوا. عمر بغيرة: تمام. فهد بفرحة بداخله: تمام. تاني يوم، فاق فهد على رزعة على الباب. فهد بخضة: مين؟ إيه؟ الخدامة بخوف: الحق يا بيه، الست قمر فقدت الوعي من سبب اللي حصل. فهد فتح بخضة: حصل إيه؟ عمر بعصبية: هقولك أنا.