رواية وردة الفهد الفصل الثاني 2 - بقلم مريم محمد

فهد: انتي عندك كام سنة يا ورد؟ ورد: 19. فهد: تشتغلي عندي في الشركة. ورد: انت بتقول إيه؟ انت بتتكلم جد يا بيه؟ فهد: آه، هيا دي حاجة فيها هزار؟ ورد بفرحة: ربنا يخليك يا بيه. فهد: بلاش بيه دي، انتي ممكن تقولي ليا يا مستر فهد. ورد: حاضر يا بي... قصدي يا مستر فهد. فهد: تقدري تبدئي شغلك من بكرة. ورد بتسأل: شغلي هيكون إيه؟ فهد: السكرتيرة الخاصة بيا. ورد: إمال البنت اللي بره دي تبقى مين؟

فهد: دي سكرتيرة عاصم صاحبي شريكي في الشركة هنا، بس أنا كنت محتاج سكرتيرة عشان شغل كتير، وهو قالي أخليها معايا عقبال ما ننزل إننا عايزين سكرتيرة، وإنتي جيتي لحد عندي. ورد: بس أنا مش بفهم في شغلكم. فهد: من بكرة هتبدائي تدريب وأنا هكون معاكي، متقلقيش. ورد: طب حضرتك هتشغلني عندك ليه؟ فهد: اعتبري اعتذار على اللي أخويا عمله. ورد: طب ممكن سؤال كمان؟ فهد: اتفضلي. ورد: انت مش هتعمل حاجة وحشة فيا ومش هتقتلني؟

فهد: بتقولي كده ليه؟ ورد: عشان أنا بسمع إنكم عيلة خطر شغالة في المافيا. فهد: لا متقلقيش. ورد: معلش آخر سؤال. فهد: خير يا ورد. ورد بخجل: المرتب بتاعي هيكون كام؟ فهد: 5000 جنيه. ورد: انت بتهزر يا بيه صح؟ فهد: لا بتكلم جد، وقولت بلاش بيه. ورد: حاضر يا مستر فهد، عن إذنك أنا هروح. فهد: اتفضلي، بس متنسيش معاد شغلك بكرة، توصلي الساعة تمانية. ورد بفرحة: أنا تحت أمرك. طلعت بره المكتب وقابلت عمرو وهي طالعة.

عمرو: ممكن متزعليش مني يا أنسة ورد. ورد: حصل خير يا عمر بيه. عمرو: طب عشان أصدق إنك مسامحاني تسمحي لي أوصلك. ورد بتردد: م... م... ماشية. عمر خدها وركب عربيته. في العربية عمر في أفكاره. يا ترى أنا حبيتك ولا إيه يا ورد؟ لأول مرة أكون خايف على حد وعايزاه يسامحني، ونفسي يفضل معايا على طول، وبفكر في إن يكون ده هو الحب؟ لا بجد مستحيل. قلبه: وليه مستحيل؟ عقله: إحنا من امتى بنفكر في الحب؟ إحنا بنفكر في شغلنا وبس.

قلبه: وليه مش نعمل أسرة سعيدة؟ عقله: إحنا مش عندنا قلب عشان نحب بيه، إحنا منعرفش غير القسوة، والحب ملغي من قاموسك. عمر بصوت عالي: بس بقى كفاية أفكار بقى. وقف العربية وهو بينهج. ورد بخوف: عمر انت كويس؟ عمر: آه آه مفيش حاجة. ورد: متأكد؟ عمر: قولت كويس أهو. كمل طريقه. عند فهد كان قاعد في مكتبه والباب اتفتح من غير ما يطرق عليه. عاصم: سلامو سلامو. فهد بغضب: مش تخبط يا حيوان قبل ما تدخل. عاصم: آه بشرب قهوة.

فهد بغضب شديد: بره يا عاصم. عاصم: أيوه يا فهودي قهوة مظبوط. فهد ضحك دون إرادته. عاصم: أيوه اضحك كدا، إحنا واخدين إيه من الدنيا. فهد بضحك على صديقه الذي يعشقه: ولا أي حاجة. عاصم بفضول: قولي بقى مين البنت اللي كانت عندك الصبح. فهد بابتسامة لما جت سيرتها: ورد، اسمها ورد. عاصم: اممم، ومالها ورد دي. فهد قص له كل شيء من أول ما فعل أخيه حتى الآن. عاصم: كويس الانت عملته يا فهد. فهد: عشان أنا عارف إنه كويس عملته.

عاصم: بس شكل ورد ظي مززة. فهد بغضب: قوم اطلعععع بررهه يا زفت. عاصم طلع يجري: طب ليه النرفزة، غلط عليك يا بيبي هيهيهي. فهد: سوسن وزبالة. في صباح يوم جديد مليء بالأحداث على أبطالنا. عند ورد قامت بنشاط شديد وخدت شاور وطلعت لبست بنطلون بوي فريند أسود وتيشيرت بنص كم أبيض وتركت لشعرها العنان ولبست كوتشي أبيض وطلعت. مامتها اللي هي قمر: رايحة فين بدري كده يا بنتي؟ أنا لسه بحضر الأكل.

ورد: معلش يا ماما امبارح جيت لقيتك نايمة مش رضيت أصحيكي أقولك. قمر: تقولي إيه يا بنتي؟ ورد: أنا جالي شغل في شركة والقبض 5000 جنيه. قمر: إزاي جالك الشغل ده؟ ورد بكذب: شفت ورقة متعلقة في الشارع إنهم محتاجين في شركة بنات وأنا قدمت وروحت واتقبلت. قمر: ربنا يقدم اللي فيه الخير يا بنتي. ورد: يارب يا ماما، عن إذنك. قمر: مش هتستني تفطري؟ ورد: هفطر في الشغل، باي.

وصلت ورد الشركة في معادها بالظبط وراحت مكتبها اللي بره جنب باب المدير وقعدت تستريح. بعدها بخمس دقائق وصل فهد وهي قامت وقفت. فهد ببرود: تعالي المكتب عايزك يا ورد. دخلت ورد وراه. ورد: تأمر بحاجة يا مستر فهد؟ فهد: تعالي هعلمك كام حاجة تعمليهم ليا ضروري. ورد: اتفضل. قعد نص ساعة يفهمها. فهد: ما شاء الله طلعتي شاطرة. ورد: شكراً. فهد: خدي الست ملفات دول جهزيهم في ساعة. ورد: حاضر. وخدت الملفات وطلعت على مكاتبها.

عند فهد رن تليفونه. فهد: الو. صوت: ألو يا باشا، إن شاء الله صفقة الأسلحة الجديدة هتم يوم الثلاثاء الساعة اتنين بالليل. فهد: تمام، جهز كل حاجة يا معاذ، وأنا وعمر إن شاء الله هنكون موجودين في الوقت ده. معاذ: تمام يا باشا. وقفل معاه. في معاد الصفقة تحديداً في الشركة. فهد: خليك أنت يا عمر، وإنها رده أنا هروح. عمر: لا انت خليك عشان الاجتماع وأنا هروح. وبعد مناقشات كتير عمر راح وفهد فضل في الشركة. وتم استلام صفقة الأسلحة.

قبل معاد الاجتماع بخمس دقائق. فهد رن الجرس بتاع المكتب عشان ورد تدخل. ورد: تأمر بحاجة يا مستر فهد؟ فهد: في ميتينج هيبدأ كمان خمس دقائق، عايزك تجهزي عشان هتدخلي معايا. ورد بتوتر: حاضر. فهد: بلاش توتر يا ورد. ورد: حاضر. دخل فهد غرفة الاجتماع وقعد على الكرسي الرئيسي وورد في الكرسي اللي على الجهه اليمين جنبه. فهد: طبعاً انتوا عارفين هتدخلوا صفقة مع مين. أحد الشركاء: طبعاً يا فهد باشا، بس إحنا الأول عايزين نعرف نسبتنا.

فهد: 30%. أحد الشركاء: بس ده مش قليل. فهد ببرود: أظن مش قليل لو انت هتشتغل مع فهد الدمنهوري، ولو مش عاجبك تقدر تعتبر الصفقة اتلغت. أحد الشركاء: لا يا باشا انت بتقول إيه؟ خلاص اعتبر الصفقة تمت. فهد: تمام. أحد الشركاء كان قاعد جنب ورد، فضل حاطط عينه عليها. فهد بغضب: أظن الاجتماع خلص، عن إذنكم. يلا يا ورد. طلع وورد قدامه. فهد: تعالي معايا المكتب يا ورد عايزك. ورد: حاضر يا مستر فهد. رن تليفون ورد في الوقت ده.

ورد: عن إذنك هرد على ماما. فهد: اتفضلي. ورد: ألو يا ماما. قمر بدموع: الحقيني يا بنتي صاحب البيت طردنا في الشارع و بيرمي حاجتنا. ورد بدموع: إزاي ده يا ماما؟ وطلعت تجري بره الشركة.