رواية وردة يونس الفصل العاشر 10 - بقلم رنا شريف

الكل متجمع عالسفرة بياكلوا. فجأة دخل حد، والكل بص عليه باستغراب. ورد جريت عليه وحضنته. يونس، بغضب مكتوم، بيشاور لجده: مين ده؟ نبيل بابتسامة: ده أحمد ابن خالتي. يونس: أخو عمار؟ نبيل: أيوه. يونس راح ناحية ورد وسحبها من حضن أحمد وبصله بضيق: خير، جاي هنا ليه؟ ورد بقلق: يونس، ده ابن خالتي. يونس بغضب همسلها: اخرسي عشان حسابك تقل معايا. نبيل: اتفضل يا أحمد، تعالى. الكل قعد، ويونس مقرب ورد ليه وبيبص لأحمد بضيق.

نبيل: أحمد يبقى أخو عمار، طليق ورد، بس من الأم. ماجد: نورتنا يا أحمد. أحمد: بنورك يا ماجد بيه. عامر همس لياسمين بتوهان: هو أنا غبت كتير؟ ياسمين: تقريباً، بس هحكيلك لما نطلع. عامر: اشطا. ورد بتردد: شمس أخبارها إيه يا أحمد؟ أحمد بابتسامة: بخير الحمد لله. أنا كنت هجيبها معايا، كانت عايزة تشوفك بس قولت مرة تانية. آمال: تنورنا في أي وقت يا حبيبي. أحمد: ربنا يخليكي. هستأذن أنا بقى. ماجد: انت مشربتش حاجة؟

أحمد: مرة تانية بقى، أنا كنت جاي أطمن على ورد. يونس حضن ورد وبيصل لأحمد بغضب. أحمد مشي والكل متجمعين. عامر: أنا مش فاهم حاجة بصراحة. نبيل: ورد بنت عمك اتجوزت واتطلقت، وده أخو طليقها. إيه اللي مش مفهوم؟ عامر بص لورد بصدمة: ده بجد؟ ورد بحزن: بجد. بعد إذنكم. ورد طلعت أوضتها. يونس: الظاهر كده تقصيرنا في حقها بعد موت عمي جاي على دماغنا. نبيل: دي حقيقة. يونس سابهم وطلع لورد، اللي أول ما شافته مسحت دموعها بسرعة.

يونس: بتعيطي ليه دلوقتي؟ ورد: ولا حاجة. يونس: تعالي يا ورد. ورد قعدت جنبه وبصتله باهتمام. يونس: أنا مقدر إن حياتك مع عمار مكنتش أحسن حاجة، بس ده مش معناه إنك تفضلي دافنة نفسك في اللي فات. حاولي تنسي، وأنا معاكي والكل هنا جنبك. ورد: ليه أنت أصلاً مكنتش موافق على الجواز مني؟ يونس: كنت بفكر بسطحية، بس قررت أدي لجوازنا فرصة. مش يمكن نتفق، وخصوصاً إني مرتاح. ورد: تمام.

يونس: هتقومي تغسلي وشك عشان ننام، والصبح بدري تكوني جاهزة عشان آخدك معايا. وبداية الأسبوع الجاي هتنزلي الكلية تاني، مفهوم؟ ورد حضنته بفرحة: مفهوم، مفهوم. يونس بتذكر: صحيح يا ورد. ورد: نعم؟ يونس: أنتِ أول ما أحمد ده دخل، إيه اللي عملتيه ده؟ ورد باحراج: كان واحشني جداً، وكنت بقالي كتير أوي مشوفتهوش. يونس بغضب: وإيه كمان؟

ورد: يا يونس افهمني، ده الوحيد اللي كان بيسقف معايا وكان معتبرني أخته ب.. بس عمار فكر إن بينا حاجة و.. ومنعني أكلمه خالص أو أشوفه. يونس: عشان كده سألتيني هسيبك تتكلمي مع عامر ولا لأ؟ ورد: أيوه. يونس: تمام، بس اللي حصل ده لو اتكرر فيها موتك يا ورد. ورد هزت راسها وماشي: على فكرة أحمد متجوز ومراته حامل. يونس: حتى لو إيه، متقربيش منه كده تاني. ورد: حاضر.

فات شهر ويونس وورد علاقتهم بقت كويسة، ويونس مراقب منه. وفهد وياسمين بيحاولوا يقربوا يونس وورد أكتر. يونس: خلصتي يا ورد الملف؟ ورد: أيوه، اتفضلي. يونس بإعجاب: لا حلو، دماغك عالية. ورد بغرور مصطنع: عارفة. يونس: طيب يلا عشان مستنيين ع الغدا عشان ناكل معاهم. ورد: ماشي، يلا. يونس وورد ركبوا العربية واتجهوا للبيت. يونس: اعملي حسابك، عازمك ع العشا بره النهارده. ورد: بجد؟ يونس: أيوه. دخلوا

الاتنين وقابلهم عامر: إيه التأخير ده؟ أنا هموت من الجوع. ورد بضحك: أنت على طول هموت من الجوع يا عامر. يونس: خمس دقايق هنغير وهننزل. ورد ويونس طلعوا أوضتهم ويونس غيروا، وكانت ورد بتلبس الحجاب بتاعها. ويونس جاتله رسالة، فتحها وبص فيها بتركيز، وبعدها بص لورد.