رواية وردة يونس الفصل الحادي عشر 11 - بقلم رنا شريف

يونس وورد طلعوا أوضتهم، ويونس غير هدومه، وكانت ورد بتلبس الحجاب بتاعها. يونس جاتله رسالة، فتحها وبص فيها بتركيز، وبعدها بص لورد. يونس بصدمة: انتي لسه بنت؟ ورد بخوف وصدمة: ا.. انت .. عرفت إزاي؟ يونس قرب منها: يعني الكلام ده صح؟ ورد بدأت ترتجف من الخوف واتكلمت برعب منه ودموعها بدأت تنزل. ورد: .. أنا.. ه.. يونس مسك إيديها وبدأ يفرك فيها وهو بيقول بهدوء: ممكن تهدّي خالص، أنا مش هعملك حاجة بس اهدّي، لأن إيدك باردة أوي.

ورد بصتله بخوف: هتصدقني صح؟ يونس وهو بيمسح دموعها بحنان: أكيد، بس اهدّي دلوقتي. وكمل بضحك: يلا ننزل عشان هنلاقي عامر بيصوّت دلوقتي وهيكسر الباب ده. ورد بهدوء: حاضر. يونس وقف وحضنها واتكلم بهمس: أنا معاكي دايما ومحدش يقدر يقربلك طول ما أنا موجود. ورد شدّت على حضنه وهي بتدفن وشها فيه أكتر. وفجأة سمعوا صوت عامر. عامر بصراخ: يا عالم جعان بقا، انتوا مبتحسوشي! يونس وورد ضحكوا ونزلوا. والكل اتجمع على الأكل. عمار: يعني إيه؟

سعيد: شوف حد زي السكرتيرة بتاعته مثلاً. عمار: يونس مش بيشغل أي حد معاه، والبنت اللي بتتكلم عنها دي معاه من أكتر من خمس سنين، فمستحيل تخونه. سعيد: اسمع، المناقصة الجاية دي لو خسرها يبقى ابن الراوي انتهى. عمار: هشوف حد من الشركة واخليه تبعنا، متقلقش. سعيد: زياد كان بيقول إنه عرف هننتقم منه إزاي. عمار: أيوه، كان بيقول على أخته. سعيد بخبث: كويس أوي، إحنا كده نقدر ننفذ. عمار: أنا بقول بلاش أخته. سعيد: ليه؟

عمار: دي لو حد قربلها، مش بس يونس اللي هيموتها. سعيد باستغراب: إزاي؟ عمار: البنت دي تخص فهد، وأنت عارف. سعيد بابتسامة: مش كنت تقول كده، دي فرصة عظيمة جداً إني أنتقم منهم الاتنين بضربة واحدة. عمار بقلق: أنا قلقان من الحكاية دي و... سعيد بملل: بس أنا مش عايز رغي ملوش لازمة، وروح شوف شغلك. عمار خرج، وسعيد ابتسم بخبث وهو بيفكر هيعمل إيه مع يونس. الكل كان متجمع على الأكل، وفهد وصل وانضم ليهم.

آمال: ماشي يا فهد، مش كل يوم ببعتلك مع يونس، مش بتيجي ليه؟ فهد: أنا بروح مهدود حيلي والله، وكمان ابنك مش بيقولي حاجة. يونس ببرود: أها، بيتعب جداً وخصوصاً مع السكرتيرة بتاعته. ياسمين رفعت نظرها ل فهد بصدمة. فهد بارتباك: ي.. يقصد عشان جديدة يعني وفهمها بطيء شوية. عامر بضحك: فهمها بطيء إزاي يا فهد؟ فهد جز على أسنانه بغضب: أقصد الشغل، لأنها أول مرة تشتغل. ماجد بضحك: ربنا يعينك يا حبيبي. فهد بغيظ: أنا عايزكم في حاجة مهمة.

نبيل: خير يابني. فهد: أنا عايز أتجوز ياسمين. ياسمين بدأت تكح جامد، ويونس باصص ببرود ل فهد. آمال بابتسامة وهي بتدي ل ياسمين تشرب: اهدّي يا حبيبتي. فهد: قولتوا إيه؟ ماجد: رأيك إيه يا بابا؟ نبيل بص ل ياسمين بتركيز: الرأي رأي العروسة. ماجد: رأيك إيه يا ياسمين؟ عايزة وقت تفكري؟ ياسمين بخجل: اللي جدي وحضرتك تشوفوه. نبيل: أنا شايف مش هنلاقي أحسن من فهد. عامر بغيرة: مش نسأل عنه الأول؟ ماجد: نسأل عن مين؟ عامر: فهد.

فهد: انت بتهزر. ماجد: ده أنا اللي مربيه. يونس: أنا مش موافق. فهد بصّله بصدمة: ليه؟ يونس: عشان أنا أكتر واحد عارف مصايبك. ياسمين بصت ل فهد بتوعد. ماجد: بس كفاية بقا، وإحنا مش هنلاقي أحسن منك يا فهد. الكل اتفق على ميعاد الخطوبة، وفهد مشي. نبيل: أخبارك إيه يا ورد؟ ورد: بخير يا جدي. نبيل: شدوا حيلكم بقا، عايز أشوف ولادكم. يونس: ****** نبيل قام بغضب واتجه ناحية ورد و.........