رواية وردة يونس الفصل السابع عشر 17 - بقلم رنا شريف

أكرم سكت لما سمع الناس بتصرخ وشاف منه واقفة عند باب القاعة وماسكة مسدس موجهاه ناحية ورد. منه بجنون: مش هسيبك تفرح يوم واحد يا يونس وهخليك تموت بحسرتك على السنيورة. صوت رصاصة طلعت من مسدس منه. يونس بصدمة: ورد! جه ظابط تبع أكرم وحاول ياخد من منه المسدس بس جات في منه وهو سحب منها المسدس وقبض عليها. منى وقعت بين إيدين عامر بعد ما الرصاصة جات فيها. عامر بصراخ: حد يطلب إسعاف. أكرم: اهدى، هي هتكون كويسة، دي في كتفها.

بعد شوية وقت كانوا في المستشفى وكلهم حوالين منى. آمال بحزن: سلامتك يا بنتي. منى بتعب: الله يسلمك يا طنط. عامر بقلق نزل لمستواها وهمس: انتي كويسة؟ حاجة بتوجعك؟ منى بهمس مماثل: عامر أنا واخدة رصاصة فـ أكيد موجوعة. عامر: سلامتك، يا ريتني كنت أنا. منى: ياسيدي بعد الشر، روح اقعد في حتة فاضية. عامر بهمس: ولا ليها في الرومانسية. ماجد: أنا بقول تروحوا عشان ورد وياسمين لوحدهم في البيت. منى: اها يا جماعة يلا، وأنا كمان مروحة.

فهد: مروحة فين! منى: بيتي يا فندم. فهد: انتي واخدة رصاصة يا ماما. منى: معلش عايزة أروح. نبيل: خلاص تعالي معانا، على الأقل اليومين دول لحد ما تتحسني. منى باعتراض: لا مش هي... عامر: ده اللي هيحصل، يلا اسبقوا وأنا هجيبها. الكل بص لـ عامر باستغراب. عامر: خلص إجراءات الخروج يا يونس. يونس: ماشي. كلهم خرجوا وفضل عامر ومنى. عامر: شوفتي لو كنتي وافقتي عليا كان زمانك اتجوزتي قبل ما يحصل فيكي كده.

منى: هو حضرتك واقي رصاص يعني ولا إيه؟ عامر: قومي، انتي لسانك عايز يتقطع. منى سندت على عامر وقامت وقفت. عامر: يلا. منى: على فكرة أنا موافقة، يلا. عامر: موافقة بجد؟ منى هزت راسها بخجل. عامر كان هيحضنها. منى: اثبت يا عسل، انت رايح فين؟ عامر: هحضنك. منى: قدامي يا نحنوح، قال هحضنك قال. الاتنين وصلوا البيت ومكنش موجود غير آمال وماجد ونبيل. عامر: الباقي فين؟ نبيل: اختك راحت مع جوزها ويونس وورد سافروا. عامر: نعم؟

نبيل: سافروا بالطيارة بتاع أخوك ياسيدي. عامر: ماشي. عند ياسمين وفهد. فهد: وأخيراً. ياسمين: فرحان؟ فهد: حاسس إني هموت من كتر الفرح. ياسمين بسرعة: بعيد الشر، ربنا يخليك ليا. فهد باس راسها: ويخليكي ليا يا عمري. ياسمين بعدت: أنا جوعت أوي، انت مش جعان؟ فهد بخبث: جعان أوي والله. ياسمين: بتقرب ليه انت؟ فهد: هقولك. يونس: يا ورد بالله عليكي خلاص، أنا كويس. ورد بقلق: بس هي...

يونس بمقاطعة: بقولك إيه، انسيها خالص، هي طلعت من حياتنا ومش هيكون ليها أثر بعد كده. ورد حضنته بقوة: حاضر. يونس ضمها ليه أكتر واتكلم: ادخلي غيري هدومك وتعالي، عايز أتكلم معاكي كلمتين. ورد: حاضر. ورد غيرت هدومها ويونس كمان، وبعدها قعدت قدامه. ورد: نعم. يونس: أنا آسف. ورد باستغراب: على إيه؟ يونس بحرج: على كل حاجة، يعني في الأول كنت بقول إنك... يونس سكت وورد كملت بابتسامة: جاهلة تقصد؟

يونس بص لها: غضبي كان عاميني وخصوصاً إن جدك كان بيغصب عليا وأنا كنت مرتب حياتي على حاجات تانية، وكمان آسف عشان معاملتي معاكي و... ورد: أنا نسيت كل ده. يونس: عارف إن أسفي مش هيعمل حاجة، بس صدقيني أنا بحبك وحابب أبدأ معاكي من جديد. ورد: يبقى ننسى بقى، وأنا كمان بحبك، يلا عشان تاكل. يونس: قولتي إيه؟ ورد: يلا عشان تاكل. يونس: ورد! ورد بخجل: أنا كمان بحبك. يونس حضنها بفرحة وبعدها مال باسها بهدوء و... بعد ٧ سنين.

ورد بصراخ: يا بنتي اقفي بقى، هديتي حيلي. وردة: مش عايزة. ورد: انتي متعبة ليه كده؟ جاسر: سيبيها يا ماما دلوقتي، بابا ييجي ويأكلها. ياسمين: أنا مش عارفة إيه السر في إنها تسمع كلام أبوها. آمال: خلصتوا يا ولاد؟ ورد: أيوه خلاص كده. آمال: ماشي، يلا نحطه على السفرة، هما وصلوا بره. منى: ماما كارما صحيت؟ آمال: اها يا حبيبتي مع جدها نبيل، متخافيش. اتجمعوا كلهم على السفرة في جو دافي، وبعد ما خلصوا أكل يونس وورد طلعوا أوضتهم.

يونس: مالك يا حبيبتي؟ ورد بضيق حطت حاجة في إيد يونس. يونس بفرحة: انتي بجد حامل؟ يونس حضنها: لازم أكون فرحان. ورد: بس إحنا قولنا اتنين بس و... يونس: أنا لو عليا عايز 20 عيل طالما منك. ورد بتساؤل: لسه بتحبني؟ يونس: لا طبعاً. ورد بقلق: بجد! يونس: بقيت بعشقك. ورد: وأنا كمان بعشقك.