رواية وردة يونس الفصل السادس عشر 16 - بقلم رنا شريف

ورد: أيوه يا يونس، أنت فين؟ يونس: أنا من مستشفى... وصاحب الموبايل ده مات. ورد قامت مفزوعة وهي بتصرخ باسمه. ورد: يونس! يونس بقلق: مالك؟ اهدى، أنا معاكي أهو. ورد بخوف وبترتجف: ك... كابوس. يونس بقلق: خدي اشربي بس الأول واهدي. ورد شربت واتكلمت بقلق. ورد: أنت كويس؟ يونس: أيوه، أنا جيت من شوية. ماما قالت إنك نمتي وإنتي تحت وبابا طلعك هنا. ورد: أنت كنت فين؟ يونس: متشغليش بالك.

ورد بمقاطعة: لا يا يونس، هشغل بالي. قول لي كنت فين؟ يونس اتنهد. يونس: تعالي هقولك. ورد قعدت جنبه وهو ماسك إيدها. يونس: عمار اتقبض عليه. ورد بصدمة: إزاي؟ يونس: كان بيستلم مخدرات هو وسعيد. ورد: وسعيد؟ يونس: مات. كان هيُهرب وواحد من الظباط ضرب عليه نار ومات. ورد: وأنت كنت فين؟

يونس: متقلقيش، وصلت بعد ما خلصوا أصلاً. بس كفاية إنّي شفت عمار وهو بيدخل السجن. وكمان فيه قضايا تانية. المهم إنه مش هيكون ليه مكان في حياتنا تاني وهنرتاح منه. ورد اتنهدت براحة. ورد: الحمد لله. يونس بابتسامة: عملتي إيه في الفستان؟ ورد بغضب: مختارتش حاجة بسببك. يونس: ليه؟ ورد: كنت قلقانة عليك ومكنتش مركزة في حاجة. يونس بخبث وهو بيقرب منها: قولتي لي قلقانة عليا. ورد: أيوه. يونس: طيب بعد ما شوفتيني، مش عايزة حاجة؟

ورد: أيوه، عايزة أنام. يونس: روحي يا ورد نامي، روحي. ورد بضحك: وأنت مش هتنام؟ يونس: هنام يا أختي، يلا. يونس نام وورد جنبه وفضل باصص بشرود. ورد: مالك يا يونس؟ يونس بصلها بحيرة. يونس: مش عارف. ورد: حاجة مزعلاك؟ يونس: لا، بس أنا شكلي بحبك. ورد: طيب خير إن... ورد بصتله بصدمة وعيونها بتلمع. يونس: بجد، شكلي بحبك، واوي كمان. ورد دخلت في حضنه بفرحة. ورد: تصبح على خير يا يونس. يونس با*س راسها.

يونس: وإنتي من أهل الخير يا عيون يونس. تاني يوم كانوا متجمعين على الفطار وفهد معاهم. فهد: أنا المفروض خطوبتي النهاردة يا جماعة، إحنا قاعدين ليه؟ يونس: لا، مش خطوبتك. فهد: أنت بتهزر؟ يونس: لا، بس النهاردة الفرح. ماجد ونبيل بصوا ليونس. نبيل: إزاي يا حبيبي؟ مش هنلحق نجهز حاجة. يونس بثقة: متقلقش، كل حاجة جاهزة. ياسمين: أبيه، أنت بتتكلم جد؟

يونس: أيوه يا حبيبتي، وفيه ميك أب أرتيست هتكون هنا كمان 3 ساعات كده، وكل حاجة مترتبة. فهد بص لياسمين بفرحة. البيت كله بقى دوشة والكل بيستعد لحد ما جه الليل. ياسمين: لا، بس فستانك جامد يا ورد. ورد بفرحة: أول مرة أعرف إن ذوق يونس حلو كده. ياسمين: أنا فرحانة أوي. ورد: ربنا يسعدك يا حبيبتي، إنتي وفهد. ياسمين: يارب. آمال دخلت. آمال: بسم الله ما شاء الله، ربنا يحميكم. ورد وياسمين حضنوها بفرحة.

في القاعة، يونس وورد بيرقصوا وجنبهم فهد وياسمين. عامر شاف منى قاعدة مع آمال وماجد ونبيل. عامر: تسمحي لي بالرقصة دي يا آنسة منى؟ منى: لا، مش قادرة والله. عامر: نعم؟ منى شاورتله ينزل لمستواها. منى: الكعب ده رخم أوي وأنا مش متعودة عليه. عامر: هو إنتي مش بتلبسي كعب في الشغل؟ منى: لا طبعًا. عامر: طيب كويس، أنا عايز أتوزجك. منى بصدمة: إيه؟ عامر سحبها ترقص معاه. عامر: تبقى موافقة. ألف مبروك. يونس: مالك يا أكرم؟

أكرم: منه، أنا كنت حاطتها تحت المراقبة لأن مكنش عليها حاجة تدخلها السجن مع عمار. وعرفت إنها اشترت سلاح وجاية على هنا وشكلها ناوية على الشر. يونس بصدمة: إزاي يعني؟ أكرم: م... أكرم سكت لما سمع الناس بتصر*خ وشاف منه واقفة عند باب القاعة وماسكة مسد*س موجهاه ناحية ورد. منة بجنون: مش هسيبك تفرحي يوم واحد يا يونس، وهخليك تم*وت بحسر*تك على السنيورة. صوت رصاصة طلعت من مسد*س منه. يونس بصدمة: ورد...