رواية وردة يونس الفصل الثامن 8 - بقلم رنا شريف

ورد بتوتر: منه دي شوفتها كتير مع عمار لما كنا متجوزين و… وقالي قبل كده إنهم متجوزينيونس بصدمة: إنتي بتقولي إيه؟ ورد بخوف: أنا قولت اللي أعرفه والله مش بكذب.يونس بهدوء مزيف: اهدى متخافيش بس إنتي متأكدة؟ ورد هزت رأسها بقلق: أيوه.يونس: ماشي لو عايزة تنزلي انزلي وأنا هنزل المكتب أخلص شوية حاجات.ورد: حاضر.ورد نزلت بسرعة ويونس فضل يفكر في كلامها وإن منه فعلاً متجوزة. وبعدها طلع موبايله واتصل بكريم. يونس: منه عبدالسلام.كريم

باستغراب: خطيبة سعادتك.يونس بعصبية: مبقتش خطيبتي بس أيوة هي. عايزك تعرفلي كانت متجوزة ولا لأ وعايز معلومات عنها قبل تلات سنين كمان.كريم: حاضر بالليل هكون جبت لحضرتك كل المعلومات عنها.يونس: تمام.

فهد: بس يا ستي وهي حالياً في المستشفى.ياسمين: أنا خايفة إنتوا كده في خطر يا فهد.فهد: لا مفيش حاجة تخافي منها وكمان إحنا مرتبين للموضوع ده وعارفين هنتصرف إزاي.ياسمين: ماشي ربنا يستر.فهد: يارب. بقا أنا عايز أتجوز.ياسمين: وقت هزار ده؟! فهد: بس ده مش هزار أنا زهقت بجد وعايز نتجوز بقا.ياسمين: يونس عندك أهو. سلام.ياسمين نزلت من العربية دخلت الكلية وهو ابتسم ومشى على بيته.

منه بدأت تفوق في المستشفى وأول ما فتحت عينها شافت جارتها. منه بضعف: أنا فين؟ سعاد: حمد الله على السلامة إنتي في المستشفى. منه: حصل إيه؟ سعاد: أنا لقيتك بتتصلي بتقولي الحقيني. جيت لقيت باب الشقة مفتوح وإنتي واقعة في الأرض وضربة بالسكينة وبتنزفي. وأنا كنت في البلكونة وشوفتك مع يونس بس كنتوا لسه في العربية ودخلت فقولت أكيد هو اللي عمل كده. منه: يونس! سعاد: أيوه يونس بس متقلقيش أنا بلغت عنه. منه بصدمة: نعم! ليه كده؟

سعاد: أنا قولت أكيد هو و… منه بعصبية ووجع: هاتى الزفت الموبايل وأخرجي دلوقتي. سعاد: ماشي. سعاد خرجت ومنه اتصلت بيونس. يونس: حمد الله على السلامة. منه براحة: الحمد لله إنك كويس. سعاد قالتلي إنها بلغت البوليس وكانت مفكرة إنك إنت اللي عملت كده فيا. يونس: أيوه ما أنا روحت فعلاً معاهم بس كانت مجرد شكوك فطلعت. منه بوجع: كويس. يونس: هكلم لك الدكتور ولو هتطلعي هخلص الإجراءات وهبعتلك واحدة تفضل معاكي والحرس بره الأوضة عندكم.

منه: مش هتيجي؟ يونس: معلش بس عندي اجتماع مهم ومش هقدر ألغيه بس هخلص وأجيلك. منه: ماشي يا حبيبي. منه رجعت بيتها ومعاها واحدة بتساعدها وبتبلغ يونس بكل حاجة بتحصل. بالليل في أوضة ياسمين. ورد بفرحة: وقالي هياخدني معاه الشركة أتدرب هنا. ياسمين: كويس أوي. ورد: أيوه وبعدين أنا زهقانة أصلاً. ياسمين: يونس عمل إيه معاكي؟ ورد: في إيه؟ ياسمين: في الموضوع اللي إنتي قولتيلي عليه. ورد بقلق: هو… ميعرفش يعني ومقربليش.

ياسمين: تمام ربنا يستر. ورد: يارب. أنا هنزل أساعد طنط عشان العشا. ياسمين: اسمها ماما. يلا انزلي وأنا هغير وأحصلك. ورد: ماشي. عامر فتح الباب براحة ودخل وكانت ورد في المطبخ وضهرها للباب وسايبة شعرها مفرود. عامر: وحشتيني. يونس جه من وراه بغضب…