رواية وردة يونس الفصل السابع 7 - بقلم رنا شريف

يونس: ليه؟ الظابط: بتهمة قتل منه عبدالسلام. يونس بصدمة: إزاي؟ أنا لسه سايبها من كام ساعة. الظابط: اتفضل معانا وهناك نتكلم. يونس راح معاهم وفهد وراه بالعربية. الظابط: جالنا بلاغ إن منه حد حاول يقتلها وأنها مضروبة بالسكينة وحضرتك كنت آخر واحد معاها. يونس: يعني ماتت؟ الظابط: لا بس حالتها صعبة شوية. يونس: أقدر أعرف أنا ليه متهم بقتلها، وأكيد مش عشان آخر واحد كنت معاها لأن ده مش دليل، وكمان... الباب اتفتح وحد دخل.

يونس بصدمة: أكرم! أكرم: سيبنا لوحدنا. ودخل فهد. الظابط اللي كان موجود خرج ويونس وأكرم وفهد بس اللي كانوا موجودين. أكرم: أنا عارف إن مش أنت. أكيد لازم أجيبك بالطريقة دي. يونس: ليه؟ أكرم: صاحبك عايز يخلص منك. فهد: عمار تقصد؟ أكرم: مش بس عمار وسعيد الهلالي كمان. فهد بصدمة: سعيد رجع إسكندرية؟ أكرم: أيوه وهيتفق مع عمار عشان يوقعك. يونس ببرود: وبعدين؟ أكرم: اسمعوني كويس... ورد صحيت من النوم ونزلت لآمال. آمال: نزلتي ليه؟

كنتي خليكي مرتاحة. ورد: زهقت أوي. آمال: تعالي أنا عايزة أتكلم معاكي. ورد: اتفضلي. آمال: انتي زعلانة إنك اتجوزتي يونس؟ ورد: أكيد. آمال بدهشة: ليه؟ ورد بحزن: عشان هو مكنش عايز ده وأنا مش عايزة... ورد سكتت وملامحها بدأ يظهر عليها الحزن. آمال: قوللي يا بنتي مالك ومتخافيش أنا جنبك.

ورد: حاضر. من سنتين لما اتجوزنا أنا وعمار كان المفروض إنه بيحبني وأنا وافقت لأني مكنش ليا حد وجدي كان مشغول بالشركة هناك وكنت مرتاحة بس مكملناش أسبوع كويسين وبعدها بدأ يضربني ومعاملته اتغيرت وعرفت بعدها إنه كان متجوزني عشان ورث ماما وخالي كان عارف إن ابنه بيعمل كده وسابني ولا اهتم بأي حاجة وفضلنا سنة كاملة عبارة عن عذاب بالنسبة ليا وموافقش إنه يطلقني غير لما اتنازلت عن الورث وكل حاجة ليه. آمال: ومقولتيش لجدك ليه؟

ورد: هدّدني إنه هيقتله لو عرفته. آمال حضنتها بحنان: الحمد لله إنك خلصتي منه. ورد ببكاء: مخلصتش ولا حاجة لسه. آمال: يعني إيه؟ ورد: لسه بيطاردني في كل مكان، بقيت مرعوبة طول الوقت وخايفة بسببه ومعاملة يونس كمان زودت ده. آمال بخضة: يونس ضربك؟ ورد بنفي: لا خالص بس هو بيكرهني زي عمار كده ويمكن أكتر وطريقته و... يونس من وراها: مالها طريقتي يا ورد هانم؟ ورد بعدت عن آمال بخوف وبصت للأرض. آمال: جاي بدري ليه يا يونس؟

يونس وهو مركز مع ورد: أبدًا، حاسس إني تعبان شوية ومش قادر أشتغل. آمال بقلق: مالك؟ يونس: متقلقيش ده صداع وأنا هطلع أنام واعملي حسابك عامر جاي بالليل. آمال بفرحة: بجد أخوك راجع؟ يونس: أيوه، هطلع أنام شوية. آمال: ماشي يابني. يونس: تعالي يا ورد عايزك. ورد هزت راسها بقلق وطلعت معاه. ياسمين خلصت الكلية وراحت الشركة ليونس وقابلت منى السكرتيرة. منى: يونس بيه مشي يا هانم. ياسمين: مشي إزاي ده لسه بدري؟

منى: مش عارفة، قالي ألغي المواعيد اللي باقية. ياسمين: ماشي. وفهد مشي؟ منى: لا موجود في مكتبه. ياسمين: ماشي. ياسمين راحت لفهد المكتب. ياسمين باستغراب: مين الولد اللي بره ده؟ فهد: السكرتير الجديد. ياسمين: والبنت اللي كانت... فهد: نقلتها قسم تاني. ياسمين بفرحة: أحسن بردوه. فهد قام وقعد قصادها: جايه ليه؟ ياسمين: يونس قالي أعدي عليه لما أخلص. فهد: الساعة ١٢ وانتي بتخلصي ٢. ياسمين بابتسامة: كان فيه وقت فاضي قولت أجي.

فهد: طب يلا على الكلية ويونس روح ومش جاي تاني. ياسمين: ليه؟ فهد: منه حد حاول يقتلها وهي في المستشفى وقال هيروح يزورها وهيروح. ياسمين بصدمة: إزاي ده؟ فهد: تعالي هوصلك وأحكيلك. ياسمين: يلا. ورد بخوف: أنا مجهزة لك الهدوم اهي. يونس أخد هدومه ودخل يغير وبعد شوية خرج. يونس: اقعدي يا ورد عايز أتكلم معاكي. ورد قعدت جنبه: حاضر. يونس: انتي وعمار كنتوا متجوزين عن حب صح؟ إيه اللي خلاه يطلقك؟

ورد بحزن: لا هو مكنش بيحبني هو بس كان بيمثل عشان أوافق ونتجوز. يونس: ليه؟ ورد: ورث ماما. يونس: احكيلي بهدوء كده. ورد حكت ليونس عن علاقتها بعمار وحياتهم. يونس: وهو إزاي سابك تروحي الكلية في السنة دي رغم إنه بيعاملك وحش؟ ورد بدموع: عشان ده عمار المرشدي يا يونس، أهم حاجة عنده اسمه وسمعته ومكنش عايز حد يقول إن مراته جاهلة. يونس بصالها باحراج وهي كملت.

ورد بحزن: أنا كنت هرفض زي ما أنت قولتلي بس جدي قالي إني لو موافقتش هيرجعني لعمار لأنه لسه عايز يرجعني تاني وأنا مستحيل أقدر أعيش معاه تاني. يونس حضنها بهدوء وهي بتعيط: خلاص اهدى أنا آسف. ورد: أنت ممكن تتجوز عادي وأنا... يونس بمقاطعة: لا مش هتجوز وكمان أنا عندي ليكي خبر هيفرحك. ورد باستغراب: خبر إيه؟ يونس: هتنزلي تدربي في الشركة معايا. ورد بفرحة: بجد! يونس بابتسامة: بجد. ورد: شكرًا أوي بس... يونس: بس إيه مالك؟

ورد بتوتر: ك... كنت عايزة أسأل عن حاجة. ورد: ي..يعني أنت... إزاي بتحب واحدة متجوزة وخطيبتها إزاي أصلًا؟ يونس بعدم فهم: مش فاهم. ورد: أقصد منه (في البارت السادس حصل غلطة هي "منه" مش "مها") يونس: مالها منه؟ ورد: ي..يعني هي... يونس مسك إيديها: اتكلمي متخافيش. ورد: منه دي شوفتها كتير مع عمار لما كنا متجوزين و... وقالي قبل كده إنهم متجوزين. يونس...