رواية وصية واجبة التنفيذ الفصل الأول 1 - بقلم فدوى خالد

المحامي: الوصية هتتنفذ بس بشرط. كلهم: شرط، شرط إيه؟ المحامي: تتجوزوا ولاد عمكم لمدة سنة. يوسف: أنتَ دماغك فيها إيه؟ ليلى: نتجوز مين؟ إحنا بنطيق بعض أصلًا. ريم: حضرتك أنا عايزة أرجع إسكندرية تاني أنا وإخواتي. عمر: على أساس الواحد دايب في دباديبك يعني، مش عايزك هنا. سارة: اتكلم كويس مع إخواتي، إحنا أصلًا مش طايقينك ولا طايقين القعدة هنا. مروان: ولا إحنا كمان طايقينكم خالص، ومش هينفع أصلًا نقعد مع بعض لدقيقة.

المحامي: يمكن هدوء لثواني. كلهم انتبهوا له. المحامي: الجواز لمدة سنة واحدة، وبعد كده هيتوزع عليكم الورث، وإنتوا عارفين الورث ده يساوي ملايين. عمر: حضرتك إحنا لو قعدنا دقيقة يبقى خير وبركة. ليلى: نحن لا نتفق أبدًا. يوسف: دي الحاجة الوحيدة اللي متفقين عليها. ريم: دي كارثة في حد ذاتها. مروان: فيه ضرر لينا مش فايدة زي ما أنت فاهم. سارة: إحنا بدل ما بنتخانق بالساعات هنتخانق طول اليوم.

المحامي بصوت عالٍ: بس بقى، إيه مصيَّبة ماية وانفتحت. افهموا ده الشرط الوحيد عشان تاخدوا الورث بتاعكم، ولو موافقتوش على كده هتروح فلوسه كلها للدولة، ومش هتاخدوا مليم واحد. ريم: محتاجين وقت نفكر. المحامي: جدكم عامل لكم لغاية اليوم اللي بعده، وبعد كده لو ماضيّتوش على الوصية، كل حاجة بقت ملك الدولة. يوسف: هو كتب ده امتى؟ المحامي: قبل ما يموت. سارة: بس ده محتاج تفكير طويل. المحامي: ليكم لحد بكرة زي ما موجود في الوصية.

مروان: والورث ده عبارة عن إيه؟ المحامي: القصور والكام فيلا، والشاليهات، والدهب وكل اللي انتوا عارفينه. عمر: هنقولك بكرة عن رأينا. المحامي: وأنا هستنى. خرجوا البنات وراحوا لوالدتهم، والشباب نفس الفكرة. عند والدتهم. ريم ماشية يمين وشمال وهي بتتحرك بغيظ. ريم: آآه منه، شوفتي مستفز مش عارفة أعمل إيه؟ سارة: أهدي يا ريم مهما كان أنتِ الكبيرة. ريم: هو خلّى فيها كبيرة، ده مستفز، قال إيه المحامي عايزنا نتجوز، يبقى بيحلم خالص.

صفية (والدتهم) : اهدوا وفهموني إيه اللي حصل. ليلى: أصل المحامي المجنون قال إن الورث هناخده بس نتجوز ولاد عمنا. صفية: إيه الكلام ده. ريم: أنا دمي محروق. صفية: أهدي يا حبيبتي وخلّينا نشوف هنتصرّف إزاي؟ عند والدهم. عمر نفس ريم بالظبط، بيتحرك وعايز يكسر كل حاجة. عمر: مستفزة، مستفزة، هقتلها. سعاد (والدتهم) : أهدي يا حبيبي وفهمني. عمر: مستفزة أوي. يوسف: كلهم مش هي لوحدها. مروان: الواحد عايز يقتلهم خالص.

سعاد: يمكن أفهم المحامي قال إيه؟ يوسف: قال نتجوزهم عشان ناخد الورث. سعاد: وإنتوا قررتوا إيه؟ مروان: ردنا هيبقى بكرة. اليوم التالي. المحامي: قررتوا إيه؟ كلهم بصوا لبعض وبصوت واحد: ...