رواية وتين الخاتمة بقلم ندى ياسر

الجن موجود في حياتنا وعادي جداً، ممكن يتلبس الإنسان اللي بيعجبه. وهو بيجي للإنسان اللي بيفضل يتعاين ويبص كتير في المرايا، وبتكون شبهه عارية، وخاصة بالليل. وبيجي للناس اللي بتدخل المرحاض من غير ما تتعوذ، والناس البعيدة كل البعد عن ربنا، سواء بترك الصلاة أو بعدم التحصين. الجن العاشق بيجي للنساء والرجال أيضاً. ومن أعراضه أن أمور الزواج متكملش، والزواج بيفركش بدون سبب.

أو الممسوس بيشوف الطرف التاني مشوه، أو في صورة كلب أو غيره. أو العكس، أن الطرف التاني يشوف الممسوس قبيح جداً. في فرق بين الدجال والشيخ. الدجال بيكون بيشتغل في أمور السحر السفلي، واللي بيروح لدجال مبيتقبلش ليه 40 يوم صلاة. أما الشيخ فهو اللي بيقرأ ويعالج بالقرآن الكريم وبالرقية الشرعية. للتحصين من الجن أو أي شيء سيء، نلتزم. خطوات الالتزام: الالتزام = الإسلام = التدين أن أكون مسلم، يعني أكون ملتزم ومتدين. فيه حاجات

أي مسلم ينبغي أن يعملها: 1. المحافظة على الصلاة في جميع أوقاتها. 2. النوافل وهي 12 ركعة: 4 قبل الظهر، و 2 بعده، و 2 الفجر، و 2 بعد المغرب والعشاء. الورد: خلي ورد ثابت يومي وداوم عليه، لا تهجر مصحفك. الحرف بـ 10 حسنات، والله يضاعف لمن يشاء. الذكر: خلي ليك ورد يومي للذكر. كثرة ذكر ربنا عز وجل بيلين قلبك. 5. المحافظة على أذكار المساء والصباح، مش بتاخد حاجة لكن هي حصنك.

قيام الليل: ربنا بيختار ناس معينة عشان تقوم في الوقت ده بالذات، التلت الأخير من الليل، ودعوات مستجابة. القيام! مستحيل ربنا يرزق القيام لمسلم غير لما يكون بيحبه. ربنا بينزلك للسماء الدنيا عشان بس يسمعك، يغفرلك، يعطيك، يرزقك. بيبقى مستني منك تسمع كلمة "يارب" عشان يقولك "لبيك يا عبدي". بيسمعك رغم لغبطتك، بكائك، ذنوبك، بيحبك أوي والله ونفسه يفرحك، بس هو مستني منك كلمة "يااااارب".

مستني منك رفعة يد وصدق طلب وركعتين في جوف الليل. كل ما أقرأ آية "وَالَّذِينَ يَبِيتُونَ لِرَبِّهِمْ سُجَّدًا وَقِيَامًا" ابتسم وأقول: يعني اللي بيصلي القيام من عباد الرحمن يارب؟ اللي هما أعلى منزلة يوم القيامة. الحاجة الوحيدة اللي ببقى عاجز عن التعبير عن جمالها هي قيام الليل. تعبان؟ روح قوله تعبان وهو هيشفيك والله. مخنوق؟ صلي قيام الليل وهو هيريح قلبك والله. يابني دا واحد راح الكعبة عاجز عن الحركة تماماً،

ولاده خدوه هناك وقالهم: سيبوني مع ربنا لوحدنا. وقال له: يارب والله ما هتحرك من هنا غير على رجلي. وصلى قيام ليل ونام. حلم إن حد بيقوله: قوم اتحرك، أنت بقيت تقدر تمشي. قام من النوم مفزوع، لاقى نفسه قادر يتحرك. ده القيام، ده الفانوس السحري بتاع المسلم. أجمل وأطهر ربع ولا نص ساعة. هو سبحانه مش بيقولنا تعالوا صلوا عشان عاوزكم، لا، دا بيقولنا: تعالوا أشوف انتو عاوزين إيه؟ نفسكم في إيه؟ محتاجين إيه؟ 7. الصيام (التطوع)

اثنين وخميس. 8. الصدقة لو في مقدرتك. 9. البر بـ أهلك، هتلاقي بركة في عمرك، ومتعلقش قلبك غير بالله. المطلقة إنسانة زيها زي أي بنت، إنسانة عاشت تجربة في الحلال في النور وفشلت فيها زيها زي أي إنسانة، لها احترام. المطلقة إنسانة مكملتش حياتها كزوجة فقط، لكن مازالت إنسانة. وفي منهم كتير أخلاقهم كويسة. المطلقة مش لعبة ولا فريسة سهلة. كتير من السيدات يتمنوا يبقوا أحرار زيها، بس خايفين

يشيلوا لقب مطلقة وبيقولوا: أهي عيشة والسلام. كفايا تفكير ونظرة ظالمة للمطلقة. هما مش مضطرين يتبهدلوا عشان المركب تمشي وتسير. هما بشر وكل حد فينا عنده طاقة ولما بتخلص خلاص ينهي كل حاجة لأنه مبقاش عنده طاقة يكمل فيها. المطلقة إنسانة ليها احترامها وتقديرها وكيانها وسط المجتمع. ويكفي أن هناك سورة في القرآن بسورة الطلاق، يعني إن الله حلل الطلاق وليس حرام. واللي بيشوف المطلقة بنظرة أخرى هو للأسف مريض.

العوض من ربنا حلو أوي، وبالذات لو جاي بعد تعب. إنك تتجوزي راجل ابن حلال دي حاجة بالدنيا وما فيها، وده نوع من أنواع رضا ربنا. الناس كلها بتتجوز، بس مش كلهم بيتجوزوا واحد ابن حلال. وده شيء ملوش علاقة ده كان جواز عن حب أو صالونات، دي حاجة في طبع الراجل نفسه. الراجل اللي يشتري خاطرك بالدنيا بحالها، واللي يحاوط عليكي برموش عينيه، اللي تكوني مالية عينه وقلبه وروحه وتفكيره وحياته.

اللي يسندك ويساعدك وييجي على راحته عشان فرحتك أنتِ. اللي يوعدك إنه هيكون نعم الزوج وفعلاً يطلع قد كلمته، يصدق. وفوق كله ده: "يكتفي بكِ"! اللي تحسي إن ربنا كرمك وجبر خاطرك بيه، دايماً حريص يسعدك ويحتويكي ويراعي ربنا فيكي بما يرضي الله. وميقدرش يخليكي تحتاجي لحد، ويبقى هو دنيتك ورزقك في الدنيا. الراجل ده موجود ومش بيجي بشطارتك. الراجل ده رزق من ربنا.

مش بيجي غير بكرم ربنا وأنك تدعي إنه يرزقك بواحد ابن حلال عشان يبقى نعم العوض الجميل من ربنا لقلبك عن كل لحظة صبر وتعب وانتظار.