رواية وتين الفصل الحادي عشر 11 - بقلم محمد احمد

هتفضل لأمتى بتهرب يا يوسف؟ انتَ بقالك شهر هنا مش راضي ترجع. مراتك هتموت عليك وأمك..... يوسف: أنا زهقت يا يامن تعبت من الكل طاقتي نفذت.... يامن: متبقاش ضعيف يا يوسف متتهربش من مشاكلك. لازم تواجها لكن أوعى تفكر أن التهرب ده حل... التهرب عمرة ما كان حل يا يوسف.. يوسف: يامن بالله عليك أنا مش ناقص.... يامن: أنا مش جاي عليك يا يوسف بس أنا عايز مصلحتك واللي انتَ بتعمله غلط... يوسف:

حاضر يا يامن اللي فيه الخير يقدمه ربنا..... حور: اعتذرت كتير يا شهد أنا هموت بس يوسف يرجع. واللهِ أنا تعبانة أوي من غيره. هو عارف أني مقدرش أعيش من غيره ومع ذلك سابني... روحتله واعتذرتله بس مرضيش يرجع معايا ولا يخليني أفضل معاه.. شهد: يا حور انتِ عارفة يوسف شوية ويرجع. وبعدين مش انتِ روحتي واتطمنتي عليه خلاص يا ستي. عايزة إيه تاني أكتر من كده... حور: عايزة يوسف يرجع... مش هقدر أقعد أكتر من كده من غيره... شهد:

دلوقتي يرجع يا حور... حور: هيرجع أنا عارفة هو أصلاً بيحبني... شهد: بيحبك يا حور ربنا يديمكم لبعض يارب... ليلى: إيه اللي انتِ عملاه في نفسك ده ورايحة فين دلوقت؟؟؟؟ وتين: عاملة إيه في نفسي؟؟؟ ليلى: لابسة ومتشيكة وخارجة؟؟ وتين: أيوة النهاردة خطوبة بنت خالتي... ليلى: وانتِ ليكِ نفس تخرجي وتفرحي وجوزك مش موجود.. وتين: في إيه يا طنط بقولك خطوبة بنت خالتي وزي أختي. وبعدين يوسف سافر أنا هعمله إيه بقى.. ليلى:

أي البرود اللي انتِ فيه ده يا وتين انتِ مش مقدرة جوزك.. وتين: وهو جوزي فيه إيه ولا كل واحدة جوزها هيسافر هتقعد تموت نفسها بقى... ليلى: وتين اتكلمي معايا بطريقة كويسة وكده هبدأ أزعل منك... وتين: وياترى بعد ما تزعلي هتعملي إيه هتكرهيني صح؟؟ وبعد كده تروحي تقنعي يوسف يتجوز عليا صح ولا غلط.... ليلى: انتِ بتتكلمي معايا كده ليه!؟ ... وتين: سوري يا طنط بس دي الحقيقة.

مهما كنتِ مش بتحبي حور مكنتيش برضو خليتي يوسف يتجوز وخربتي حياتنا احنا التلاتة... ليلى: الغلط كله بقى عليا أنا دلوقتي بقيت أنا الوحشة... وتين: لا طبعاً يا طنط أنا آسفة لو خاني التعبير مش قصدي كده. لأن اللي حصل حصل خلاص فمفيش داعي للوم والعتاب... ليلى: قومي يا بنتي قومي يلا عشان متتأخريش على خطوبة بنت خالتك.. وتين: ماشي يا طنط بعد إذنك... ــــــــــ وتين: مبارك يا نور عيني مبسوطة أوي عشانك مش مصدقة نفسي بجد. سما:

مش قادرة أنبسط يا وتين. وتين: ليه يا هبلة.. سما: مش عارفة..... وتين: أي هو اللي مش عارفة ده. قلبك لسة مع مازن.. سما: أنا قلبي عمرة ما كان مع مازن وانتِ عارفة ده كان هبل طفولة... وتين: أومال مالك بقى... سما: أنا معرفوش يا وتين ازاي هعيش معاه... وتين: زي السكر في الشاي... سما: يخرب بيت الظرافة يا شيخة.. وتين: بجد يا سما وكلي أمرك لله ومتفكريش في اللي هيحصل في المستقبل. خليكِ في النهاردة دع الغد خليكِ في اليوم... سما:

يارب وكلت أمري إليك... وتين: أيوة كده جدعة أوي يلا بقى فكيها النهاردة خطوبتك وكتب كتابك... سما: إيه صحيح عجبك فستاني... وتين: روعة بس زعلانة منك مش كنا متفقين أن ساعة فرحك أنا هنزل معاكِ.. سما: الله مش أنا قولتلك ومرضتيش... وتين: أيوة صح كان في مشكلة بسيطة منعتني... سما: خلاص بقى اللي حصل.. وتين: يلا بقى العريس وصل... سما: أومال فين جوزك مجاش معاكِ ليه؟؟ وتين: يوسف مسافر... سما: وه بجد.. وتين:

أيوة يلا بقى فكك من أي حاجة دلوقتي عيشي اللحظة.... حور: هترجع أمتى بقى يا عيوني... يوسف: هرجع يا حور واللهِ هرجع... حور: يوسف.. يوسف: نعم؟ حور: انتَ لسة زعلان مني صح؟؟ يوسف: انتِ عملتي حاجة عشان أزعل. حور: مش عارفة يا يوسف أنا كنت غبية ومش بفكر غير في نفسي أنا آسفة. يوسف: متعتذريش... حور: ارجع يا يوسف أرجوك ارجع أنا مش قادرة أعيش من غيرك.

انتَ اتغيرت معايا جدًا انتَ في الأول مكنتش تقدر تسافر وتسيبني حتى كلام مش بتكلمني غير كل فر ومر.. يوسف: حاضر يا حور هرجع.. حور: امتى؟؟؟ يوسف: في أقرب وقت ممكن... حور: ياريتك متتأخرش عشان غيابك طال.. يوسف: حاضر يلا سلام دلوقتي... حور بحزن: حاضر سلام هتوحشتني.. يوسف: غيابي طال ولازم أرجع... يامن: أخيرًا حسيت يا خي.... يوسف: مش قادر حور عمرها ما كانت كده أنا لازم أرجع عشانها. نبرة صوتها وجعتني..

وهي مغلطتش في حقي بل بالعكس هي كمان مظلومة... يامن: بصراحة أنا مبقتش عارف مين اللي مظلوم ومين اللي ظالم في القصة دي... يوسف: ولا أنا يا بني واللهِ... يامن: هتوحشتني أوي يا صاحبي ياريت المرة الجاية تيجي انتَ ومراتك... يوسف: بأذن الله واللهِ وانتَ هتوحشني يا أبو الصحاب... يامن: ياريت تفتكرني يا عم متنسانيش كده... يوسف: مقدرش أنساك يا راجل... يامن: الله انتَ هتجوزلي.... مازن: وحشتيني أوي يا وتين وحشتيني أوي يا قلبي...

وتين: ياريت تبعد عني يا مازن عشان أنا مش طايقاك.... مازن: بتقولي كده ليه يا وتين.. ده أنا أخوكِ. وتين: انتَ لسة فاكر دلوقتي إنك أخويا يا مازن؟ مفتكرتش ليه وانتَ بتجوزني لواحد متجوز وبيحب مراته. اتوجعتك عشان متجوزوش لكنك أصريت قولتلك حياتي هتخرب ومع ذلك أصريت.. مازن: انتِ مش مبسوطة مع جوزك محبتهوش؟؟؟ وتين: محبتهوش ولا عمري هحبه عمري ما هسمح لقلبي يدقله أبدًا.....

أنا من ساعة ما دخلت بيته وأنا مقتنعة مليون في المية إنه مش ليا. هو بيحبها هي وبس... مازن: وتين.... وتين: مازن أرجوك لو سمحت دلوقتي سيبني عشان أنا بجد مش طايقاك أنا بكرهك... قالت جملتها وتركته واقفًا مصدومًا مما سمع منها. تسنيم بخضة: مستر مازن حضرتك بخير؟ مستر مازن ردّ أرجوكِ متقلقنيش.. يلاهوي أعمل إيه أنا دلوقتي يا مستر مازن.. استاذ سامي أرجوك تعالى شوف مستر مازن واقع من طوله وأنا مش عارفة أتصرف... سامي:

متقلقيش تعالي نشوفه. استاذ مازن فوق لو سمحت.. تسنيم بخوف: ارفعه يا استاذ سامي والنبي وناخده المستشفى... سامي بقلق: ماشي إيدك معايا بقى... وبعد فترة كان سامي وتسنيم ومازن في السيارة. سامي يتولى القيادة وتسنيم تجلس في الخلف ومازن بجانبها مغشي عليه. تسنيم: يلااهوي الحق يا استاذ سامي.. سامي بتعرق وقلق: في أي إيه اللي حصل مالك؟؟؟ تسنيم: بيجيب دم من مناخيره وبوقة أسرع شوية من فضلك عشان نوصل المستشفى... سامي:

اهدي عشان مش هينفع أسرع أكتر من كده هنعمل حادثة..