رواية وتين الفصل الثاني عشر 12 - بقلم محمد احمد

حور بدموع: يوسف أنتَ هنا بجد واللهِ.. يوسف: ايوا بجد.. حور: يعني انا مش بتخيل؟! يوسف: لا مش بتتخيلي! حور: اقرصني عشان انا مش مصدقة.. يوسف: يا بنتي اعقلي شوية اقرصك اي.. قالت وهي تمد له يدها: اقرصني يلا.. يوسف وهو يقرصها: اهو ياستي صدقتي.... حور: اهاا براحة شوية واتنفضت بسرعة وقامت والقت نفسها داخل أحضانه وانهارت في البكاء... حور ببكاء:

وحشتني اوي يا يوسف وحشتني جدًا جدًا كده هونت عليك تسيبني شهر بحالة متسألش عني وأنتَ عارف أني مقدرش اعيش من غيرك ولا حتى يوم لي عملت كده لي بطلت تحبني صح قول قول متتكسفش.... يوسف: اهدي يا حوريتي اهدي بالراحة كده وبعدين أنتِ وحشتيني جامد اوي.. حور: عشان كده سبتني شهر بحالة من غير ما تسأل عني لولا ارن عليك وكنت بترد الكلمة بكلمة بالعافية... يوسف:

خلاص بقى يا حوريتي وبعدين ما أنتِ كنتِ عايزة تسبيني وتروحي عند بيت أهلك صح ولا غلط... حور: ايوا أنا مكنتش هسيبك اصلا لأني عارفة أنك مش هتوافق ولو كنت وافقت مكنتش هقعد أكتر من يومين وهرجع عشان أنا مش بقدر اعيش من غيرك أنا بحبك اوي بحبك اوي بجد... يوسف: خلاص يا حوريتي متعيطيش بقى وأنا آسف مرة تانية يا ستي أنا عارف أني غلطان خلاص بقى قلبك أبيض... حور: استغل أني مش بقدر أزعل منك استغل كده... يوسف بحب:

ما أنا استغليت كده خلاص.. حور: واللهِ؟! يوسف: بموت فيكِ على فكرة... حور: لا لا متحاولش تثبتني.... يوسف: حبيبييييي... حور: أنا اتثبت خلاص.... يوسف: بالله بعشقك.. عمر: بس أنا عايز أكتب الكتاب يا سما عشان نكون براحتنا. سما: يا عمر افهمني أنا معرفكش وفترة الخطوبة للتعارف افرض دلوقت كتبنا الكتاب وبعد كده مرتحناش مع بعض هنشيل لقب مطلقين على الفاضي... عمر:

وانا مش هغضب ربنا يا سما علشان فترة تعارف أنا عايز علاقتنا تبقى بما يرضي الله علشان ربنا يبارك فيها. افهمي يا سما طالما بدأنا غلط من الأول فحياتنا كلها هتكون غلط أنتِ لي مش فاهمة أني عايز مصلحتنا.... سما: أنا مش شايفة حاجة غلط في كده ما الناس كلها بتتخطب وبتعمل كده أي الغلط فيها بقى... عمر: وعشان الناس كلها بتتخطب وبتغضب ربنا نعمل زيهم احنا ملناش دعوة بالناس متخليش تفكيرك عقيم يا سما.. سما:

أنتَ عمال تغلط فيا من الصبح وأنا ساكتة... عمر: أنا ماشي يا سما وفكري كويس وردي عليا عن إذنك... سمية: استنى يابني اتغدى معانا.. عمر بلطف: لا يا أمي مش هقدر عشان سايب أخواتي في البيت وأكيد منتظريني عشان نتغدى مع بعض.. سمية: ماشي يا حبيبي... تسنيم: مازن أنتَ لازم تعمل العملية.. مازن: مش هعمل حاجة يا تسنيم.. تسنيم: لا طبعًا حالتك متأخرة جدًا يا مازن أنتَ عندك كانسر فاهم يعني إيه.. مازن: عادي ما أنا كنت عارف من الأول..

تسنيم: ازاي كنت عارف طيب ومتعالجتش لي يمكن وقتها حالتك مكنتش ادهورت.. مازن: قدري وأنا مش معترض اللي ربنا كاتبه أكيد هشوفه. تسنيم: أنتَ مش معترض بس قدامك إنك تتعالج من خلال العملية لي تستسلم هاا لي حرام عليك نفسك... مازن: تسنيم ابعدي عني أرجوكِ أنا اللي فيا مكفيني.... تسنيم: أنتَ كده بتغلط جامد في حق نفسك وأنتَ هتعمل العملية يعني هتعملها... مازن: وانتِ مالك اصلاً اخرجي وياريت متتدخليش وشكرًا ليكِ إنك جبتيني هنا...

تسنيم: ماشي يا مازن صدقني هتعملها... ليلى: أنا آسفة يا بني عمري ما اتخيلت إني أكون كده بخرب حياتك أنا كنت أحسب إنك كده هتكون سعيد أرجوك ساعدني... يوسف: أنا مش زعلان منك يا ماما أنا بس المرة اللي فاتت كنت جايب أخرى لكن مقدرش أزعل منك.. ليلى: وانتِ كمان يا حور ياريت متزعليش مني أنتِ ووتين أنا ظلمتكم كلكم أنا آسفة.. وتين:

حضرتك يا طنط مش ذنبك حاجة وأنا مش زعلانة منك أنا زعلانة من أخويا اللي جبرني من الأول لكن حضرتك مغلطتيش.. ليلى: وانتِ يا حور والله أنا كنت متخيلة إنك هتاخديه مني أنا يوسف بالنسبالي غالي أوي أنتِ متعرفيش والده الله يرحمه اتوفى وهو كان عنده سنتين أنا اللي ربيته وكنت بالنسبالي الأب والأم كنت بغير جامد وكنت بخاف تيجي واحدة تاخده مني لكن كنت غلطانة أنا آسفة. حور:

عارفة والله متعيطيش أرجوكِ أنا مقدرة خوفك هو أنا صح مجربتش إحساس الأمومة لكن مقدرة وعارفة وأنا مش زعلانة منك نهائي والله أنتِ زي ماما وتأكدي مليون في المية إني مستحيل أبعد يوسف عنك.. ليلى: أنا مش عارفة ازاي كنت غبية أوي كده سامحوني... يوسف: مخلاص بقى يا أم يوسف صافية لبن محدش زعلان منك... وتين: عن إذنكم هرد على أخويا... حور: روحي.. وتين: ايوا عايز إيه... تسنيم: ايوا حضرتك أنا مش مازن.. وتين:

أومال مين وده رقم مازن هو فين.. تسنيم: أنا تسنيم السكرتيرة بتاعت المهندس مازن.. وتين: اتفضلي محتاجة إيه.. تسنيم: موضوع مهم أوي لازم أقابل حضرتك والموضوع يخص مازن... وتين: نتقابل بس المهم طمنيني مازن كويس.. تسنيم: لا مش بخير عشان كده لازم أقابلك.. وتين: بالله ما تقلقيني مازن ماله.. تسنيم: متخافيش بس أرجوكِ لازم نتقابل... وتين: ماشي أقابلك فين.. تسنيم: هنتقابل في ***** وتين: ماشي.... سما:

ماما أنا موافقة إننا نكتب الكتاب بلغي عمر بموافقتي.. سعاد: يا زين ما سمعت مبارك يا عيون أمك.... سما: شكرًا يا ماما. سعاد: العفو هروح أبلغ عمر ده هيفرح جدًا... سما: تمام يا ماما. يوسف: رايحة فين.. وتين: خارجة أقابل واحد صاحبتي عن إذنك.. يوسف: تمام بس مش من الواجب كنتِ تبلغيني... وتين: معلش أصلي مستعجلة يلا السلام عليكم ورحمة الله وبركاته.. يوسف: وعليكم السلام ورحمة الله وبركاته.... حور: يوسف... يوسف: عيونه. حور:

احم احم. يوسف: في إيه يا حوريتي.. حور: مفيش مفيش بس كنت عايزة أسألك سؤال.. يوسف: اسألي. حور: أنتَ هتعمل إيه مع وتين... يوسف: هطلقها. هطلقها عشان تعيش حياتها ده حقها.. حور: زين ما اخترت يا جو يلا بقى هطلع أكل أنا.. يوسف: خديني معاكِ لأحسن هموت من الجوع. حور: الله أنتَ مش لسة واكل دلوقت.. يوسف: على أساس إنك مأكلتيش معايا أصلاً... حور: عد عليا الأكل وقول إني باكل كتير قول قول... يوسف بضحك:

خلاص خلاص كلي براحتك بالهنا والشفا يلا يلا نطلع فوق.. حور: لا أنتَ متطلعش معايا أنتَ تفضل هنا مع أمك يلا باي.. يوسف: استني هنا يا هبلة. تسنيم: مازن عنده كانسر... وتين بصدمة: أنتِ بتقولي إيه. تسنيم:

للأسف دي الحقيقة وهو محتاج عملية بس هو مش موافق وأنا مقدرتش أقنعه وأنا توقعت إنك أنتِ أكتر حد هيقدر يقنعه عشان مازن بيحبك أوي وكان دايمًا بيحكي عنك على فكرة أنا كنت معاه في الجامعة وكنا أصحاب أوي بس جة في الفترة الأخيرة واتغير.. وتين بدموع: هو هيموت؟؟ تسنيم: فال الله ولا فالك يا شيخة لي كده.... وتين انفجرت في البكاء: لا طالما عنده كانسر يبقى هيموت أنا عارفة... تسنيم:

اهدي اهدي ربنا وحده اللي يعلم بالأعمار والدكتور قال إن نسبة نجاح العملية كبيرة بس هو مش موافق يعملها.. وتين: أنا عايزة أروح عنده أرجوكِ خديني عنده.... تسنيم: طيب خلاص حضرتك اهدي وأنا هوديكِ عنده يلا... وتين: يلا بسرعة.. يا غبي يا غبي يا غبي أنتَ أغبى واحد شوفتة في حياتي... مازن: وتين؟؟ وتين: ايوا هي يا مازن يا غبي طول عمري بقول إنك غبي.. مازن: يا بت احترمي نفسك أنا أكبر منك... وتين: بس عقلك أصغر مني بكتير..... مازن:

لا بقى ده أنتِ. قاطعته وتين: اغلط اغلط ما أنتَ غبي برضو.. وبعدين مش راضي تعمل العملية ليه.. مازن: هي البت تسنيم قالتلك. وتين: ايوا قالتلي مش راضي تعملها ليه بقى.. مازن: عادي مش عايز أنا.. وتين: أنتَ أناني أوي على فكرة ومش بتفكر غير في نفسك.. مازن: وتين أنتِ عايزة إيه. وتين: عايزاك تعمل العملية يا مازن. مازن: وانا مش عايز أعمل يا وتين أنا حر... وتين: وانا هعمل إيه من غيرك عايز تموت وتسيبني يا مازن.... مازن:

أنتِ ليكِ بيتك ووجوزك... وتين: أنا هطلق أصلاً مش حوار.. مازن: لي. وتين: عشان مش هينفع نكمل مع بعض يا مازن هو بيحب مراته وأنا مش بحبه وهو خلاص هيطلقني وأنتَ كمان عايز تسبني ومش هيبقالي حد في الحياة.. مازن: خلاص يا وتين.. وتين: هتعملها؟؟ مازن: هعملها.. وتين: يعيش مازن يعيش.