رواية وتين الفصل الرابع 4 - بقلم محمد احمد

حور: ياريت يا يوسف لو بتحبني بجد هتحارب عشاني ومش هتتجوز. يوسف: وانا بعشقك أكتر مما تتخيلي يا حوريتي وقولتلك مليون مرة أني مقدرش ألمس واحدة غيرك أصلًا صح ولا غلط. حور: صح بس أنتَ وافقت إنك تتجوز صح ولا غلط. يوسف: صح بس أنا وافقت عشان ماما مش أكتر. حور: بس برضوا وافقت يا يوسف بس أنا زعلانة منك جامد. يوسف: ويوسف ميقدرش على زعل حوريته أبدًا. حور: لا بس أنتَ زعلتها يبقى تصالحها زي ما زعلتها.

يوسف: وأنا عيوني لحوريتي اللي تؤمر بيه طبعًا. حور: وأنا مش عايزة حاجة في الدنيا غير إنك تفضل جنبي ومتسبنيش أبدًا. يوسف: ودي حاجة أكيدة يوسف ميقدرش يبعد عن حوريته. حور: بعشقها. يوسف: أي هي؟ حور: بعشقك حوريتي وهي طالعة من بوقك. يوسف: وأنا بعشقك أنتِ. سعاد: يا مازن يا بني أختك صغيرة والف مين يتمناها أشمعنا عايز تجوزها لواحد متجوز؟ مازن: والله يا خالتو يوسف معندهوش عيوب ومهندس قد الدنيا ويقدر يفتح بيتين مفيهاش حاجة.

سعاد: بس أنتَ كده بتظلم وتين يا يوسف حرام عليك يا بني مينفعش كده. مازن: أنا عايز أعرف يا خالتو بظلمها فين بقى؟ سعاد: بتظلمها في إنك هتجوزها لواحد متجوز. مازن: هتكون مبسوطة مع يوسف وأنا متأكد من كده. سعاد: وأي اللي مخليك متأكد يا يوسف ما يمكن يطلع مش كويس. مازن: خالتو متحاوليش تقنعيني لو سمحتي خلاص أنا أخدت قراري. سما: مازن أنتَ اتغيرت كده ليه حرام عليك اللي عايز تعمله في أختك وأنتَ عارف إنها ملهاش غيرك.

مازن: أنا مش عارف الكل مطلعني أنا اللي غلطان ليه أنا معملتش حاجة غلط عشان الحوار ده كله. سما: خليك كده يا مازن أنتَ اللي هتندم. مازن: لو سمحت يا سما متدخليش هي أختي ومحدش هيعرف مصلحتها قدي. سما: ماشي يا مازن شكرًا جدًا يا أبن خا. مازن: بقى رايحة تشكي لخالتك يا وتين أنتِ فاكرة إن في حد هيقدر يرجعني عن قراري تبقي غلطانة يا وتين. وتين: وأنا مش شكيت لحد يا مازن وأنتَ عارف كده.

مازن: ماشي يا وتين أنتِ جبتي أخري معاكِ على فكرة. وتين: وأنا بكرهك يا مازن عمري ما اتخيلت منك كده أبدًا وعمري ما اتخيلت إني أكره حد قد ما بقيت بكرهك. صفعها مازن صفعة قوية على وجهها. مازن بزعيق: اخرسي.. اخرسي يا وتين مش عايز أسمع صوتك تاني. وتين اتصدمت وامتلأت عينيها بالدموع ولم تتحدث اكتفت بالنظر إليه نظرات تحمل الخيبة والوجع والعتاب وتركته وذهبت لغرفتها. يوسف: ماما يا ماما. ليلى: نعم يا يوسف في أي.

يوسف: عاملة إيه يا ست الكل. ليلى: الحمدلله يا يوسف جيب من الآخر عايز إيه. يوسف: دايمًا فهماني كده. ليلى: أيوة ويلا اخلص قول عايز إيه. يوسف ببساطة: كنت هقولك يا ستي إني مش هتجوز على حور. ليلى: أي اللي بتقوله يا يوسف ده هو لعب عيال مرة توافق ومرة ترفض. يوسف: أيوة يا ماما أنا قلت اللي عندي مش هتجوز أبدًا غير وتين. ليلى: طب اقسم بالله يا يوسف لا أنتَ ابني لا أعرفك يا يوسف إن ما اتجوزتش وتين وده آخر كلام عندي.

يوسف: أي اللي بتقوليه ده يا ماما أنتِ فكرتي في اللي قولتيه ده. ليلى: أيوة يا يوسف وزي ما قولتلك كده ده آخر كلام عندي. يوسف: ماشي يا ماما وده آخر كلام عندي أنا كمان أنا عمري ما هتجوز على حور أبدًا. ليلى: والله ومبقتش تفرق معاك أمك يا يوسف. يوسف: متقوليش كده يا ماما بس اللي حضرتك بتقوليه ده استغلال. ليلى: استغلال؟! بقى أنا بستغلك عشان عايزة مصلحتك يا يوسف. يوسف: فين مصلحتي يا ماما في إنك تخربي بيتي.

ليلى: خلاص يا يوسف طالما أنت شايف كده. يوسف: يعني مش هترجعي عن قرارك؟ ليلى: لا يا يوسف. يوسف: وأنا كمان مش هرجع عن قراري يا ماما. حور: مالك يا يوسف متعصب ليه؟ يوسف: مفيش يا حور. حور: لا فية يا يوسف باين جدًا إن في حاجة. يوسف: ابعدي عني يا حور لو سمحت. حور: لا مش هبعد يا يوسف وهتقولي في إيه. يوسف: عايزة تعرفي إيه يا حور أمي مصرة إنها تجوزني هتتبرى مني لو متجوزتش يا حور هو ده اللي عايزة تعرفيه.

حور بصدمة: لا أكيد طنط متقدرش تعمل كده. يوسف: لا هتعمل يا حور أمي وأنا عارفها. حور: وأنتَ هتعمل إيه يا يوسف. يوسف: مش عارف يا حور أنا تعبان ومش عارف أعمل إيه. اقتربت منه حور واحتضنته. حور: كل حاجة وليها حل يا حبيبي اهدى أنتَ. يوسف: أنا تعبت بجد يا حور أنا مقدرش أعيش من غير أمي يا حور هي كل حاجة ليا وفي نفس الوقت مقدرش أعيش من غيرك أنتم حياتي أصلًا أنا مليش غيركم في الحياة يا حور.

حور: خلاص يا حبيبي اهدى أنتَ وربنا هيحلها من عنده صدقني. يوسف: ونعم بالله بس أنا بجد مش عارف أعمل إيه. حور: الحل هيجي لوحده يا يوسف من عند ربنا. يوسف: الحقني. يوسف بخوف: في إيه مالك؟ حور بعياط: كنت بتكلم أنا وطنط وفجأة وقعت ومش بترد عليا. يوسف بخوف: مامااا مالك في إيه. حور: بسرعة يا يوسف تعالى نروح المستشفى. يوسف: ماشي.

حمل يوسف والدته بين ذراعيه وذهب بها سريعًا إلى سيارته وبجانبه حور وانطلق سريعًا متجهًا إلى المستشفى. ــ وتين أي اللي بتعمليه ده. وتين: ابعد عني يا مازن مش أنتَ قرفت مني ومن عيشتي معاك أنا هريحك من وجودي في الدنيا دي كلها. مازن: اهدي يا وتين أي الهبل ده؟! وتين: متحاولش تقنعني أنا هريحك من وجودي ومش هتجوز برضو.