رواية وتين الفصل الثاني 2 - بقلم محمد احمد

هو انتوا مفيش عندكم إحساس خالص؟ عايزيني أروح معاكم؟ انتوا متعرفوش جرح قلبي، سيبوني في حالي بليز. ليلى: إيه يا حور؟ مش عايزة تشوفي جوزك مبسوط؟ مش عايزاه يكون مرتاح في حياته ويتجوز ويكون أب؟ متكونيش أنانية يا حور. حور: أنانية؟ أنا أنانية يا طنط؟ ليلى: أيوه، طالما مش بتفكري غير في نفسك تكوني أنانية طبعًا. حور: خلاص يا طنط، اللي تشوفيه أنا هعمله.

ليلى: أيوه كده يا بنتي، ربنا يكرمك. روحي جهزي نفسك وقولي ليوسف يجهز نفسه هو كمان. حور: حاضر يا طنط. وتركتها حور وهي تحبس دموعها من الهطول. مازن: خلصتي يا وتين؟ الناس على وصول. وتين: مش هلبس يا مازن، وقولتلك إني مش موافقة ومش هوافق بس. مازن بزعيق: خلصي يا وتين عشان أنا جبت آخري منك. يلا قومي البسي وبطلي العند اللي فيكي. وتين: لا يا مازن، مش هبطل عند، وشوف مين بقى اللي هيلبس. اقترب منها مازن وأمسك يدها بقوة.

مازن: يلا يا وتين زي الشاطرة، خمس دقايق والاقيكي لابسة، مفهووووووم؟ وتين: لا، أنا مش بخاف على فكرة. مازن: وتيييييييين. وتين: حاضر، بس عشان تكون عارف، أنا مش خايفة، أنا بحترمك بس. مازن: ماشي يا وتين، يلا من وشي. حور بدموع محبوسة: يلا يا يوسف، طنط بتقولك جهز نفسك. يوسف: طب ليه الدموع دي يا قلبي؟ حور بتهرب: مفيش، بس باين في حاجة دخلت في عيني. يوسف: والله هتكدبي عليا؟ على أساس إني معرفكيش، صح؟ حور: عايز إيه يا يوسف؟

يوسف: عايز أعرف حبيبة قلب يوسف مالها؟ بتعيط ليه؟ حور: حبيبة قلب يوسف بتعيط عشان خلاص معادش حبيبة قلبه، بعد النهاردة هيسيبها ويتجوز عليها. يوسف: ومين قال إن يوسف يقدر يعيش من غير حوريتة؟ حور: خلاص يا يوسف، بالله عليك روح البس عشان طنط هتقول إني بعطلك. يوسف: كل حاجة تولع يا حبيبتي، بس أهم حاجة انتِ. حور بعتاب: وأنا بحبك أوي، بس أنا هونت عليك، وهتتجوز عليا.

يوسف: خلاص يا حوريتي، انتِ عارفة أنا هتجوز ليه، متقعديش تأنبيني فيا كل شوية. حور: صح، أنا آسفة. وتركتة وذهبت إلى الحمام. يوسف: هووف يا ربي، أعمل إيه. مازن: أيوه كده، زي القمر. وتين: وأنا بكرهك برضوا يا مازن. مازن: شكرًا يا قلبي، وأنا بحبك أوي. وتين: مازن، ارجوك ابعد عني، أنتَ معادش أخويا من بعد ما هتجوز، مش عايزة أشوفك أبدًا. مازن: ماشي يا وتين، لما تتجوزي ابقى يحلها ألف حلال.

وتين: نينينينيني، ابعد عني عشان أنا مش طايقة نفسي. وبعد القليل من الوقت، أتى يوسف ووالدته وزوجته. مازن: شرفتونا يا جماعة، اتفضلوا. ليلى: شكرًا يا بني، أنتَ طبعًا عارف إحنا جايين ليه. مازن: طبعًا، ويشرفنا إننا نناسب ناس زيكم. ليلى: تسلم يا بني، ربنا يخليك. مش هتنادي العروسة ولا إيه؟ مازن: لا إزاي، هقوم أناديها حالًا. مازن: يلا عشان الناس بره. وتين: مش هترجع في كلامك برضوا؟ مُصِر على كده.

مازن: أيوه يا وتين، ويلا عشان تخرجي دلوقتي، ومش عايز أسمع منك ولا كلمة قدام الناس. وتين: ماشي يا مازن، ماشي يا خويا، يا بن أمي وأبويا. ليلى: ما شاء الله، تبارك الله، قمري يا حبيبتي، ربنا يحفظك. وتين: شكرًا يا طنط. ليلى: طب مش هنسيب العرسان مع بعض شوية؟ حور بإندفاع: لاااا. ليلى بتبريقة: في إيه يا حور؟ حور بدموع: مفيش يا طنط، أنا آسفة. مازن: إيه ده؟ طنط، أنا كنت أحسب الآنسة أخت الأستاذ يوسف؟ يوسف بغيظ: لا، دي المدام.

وتين: وكمان معندكش دم وجايب مراتك معاك؟ أنا أعرف إيه البجاحة دي. مازن بزعيق: وتيييييين، اسكتييي. وتين: سكتنا يا خويا، لما نشوف آخرتها، حاضر. وتين: بس من الآخر كده، أنتَ ترفض إنك تتجوزني عشان أنا مش عايزة أتجوز، ماشي. يوسف برفعة حاجب: والله المشكلة عند حضرتك، يبقى تخرجي أنتِ تقولي مش عايزة تتجوزيني. وتين: لا، أنا مش هقول، مفهوم؟ أنتَ اللي هتقول. يوسف: لا يا اسمك إيه؟ المشكلة عندك مش عندي. وتين: إيه اسمك إيه دي؟

أنا اسمي وتين. يوسف: مش هتفرق كتير. وتين: هووف، أنتَ يا عم مش بتحب مراتك، عايز تتجوز عليها ليه؟ يوسف: أسبابي الخاصة، مش مجبر أقولك. وتين: ماشي، براحتك، عنك ما قولت، مش هتفرق معايا كتير. ليلى: ها يا ولاد، مبدئيًا مرتاحين لبعض؟ يوسف: جدًا يا ماما، مرتاحين أوي. نظرت له حور نظرة مليئة بالو#جع والكس#رة والع#تاب. ده شكلة مجنون أصلًا. مازن: أنا سكتلك كتير يا وتين، لكن عيب اللي أنتِ بتعمليه ده.

وتين: مش عيب يا مازن، ارجوك ارجع عن قرارك، وأنا هوافق على أي عريس يتقدملي إلا ده، ده متجوز، أنتَ ترضى لأختك إنها تتجوز واحد متجوز؟ مازن: أيوه يا وتين، أنا موافق وراضي، وأنتِ بطلي العند اللي فيكي. وتين: والنبي يا مازن، ما تعمل كده، أنا أختك ومليش غيرك في الدنيا. مازن: ملهوش لازمة الكلام ده يا وتين، الموضوع انتهىٰ. وتين بزعيق: لا، منتهاش يا مازن، وأنا قولت إني مش هتجوزه، يعني مش هتجوزه.

مازن: مش عايز أتعصب عليكي، اتقي شري يا وتين. وتين: هت*قتل#ي؟ اقتل*ني، أهون عندي من إني أتجوز. مازن: وتين، يلا على أوضتك، مش عايز أشوف وشك، يلا. وتين: ماشي يا مازن.