رواية وتيني الفصل العشرون 20 - بقلم شيماء أشرف

وفي اليوم التالي استيقظ ادم مبكرا وارتدى ملابسه وذهب إلى الشركة. وبعد ساعات عمل طويلة، قال ادم: "سيرين، ابعتيلي حمدي المحامي." ردت سيرين: "تحت أمر حضرتك." وبعد قليل، كان حمدي يقف أمام ادم. "اتفضل اقعد." قال حمدي: "تحت أمرك يا بشمهندس." سأل ادم: "شهادة وفاة جني فين؟ أجاب حمدي: "حضرتك أنا كنت بطلع فيها، وشخص أنا معرفهوش جاني المكتب وقالي إن ادم بيه بيقول إنه هو اللي هيطلع الشهادة." تساءل ادم:

"بس أنا مبعتش حد. أنت تعرف الشخص ده؟ قال حمدي: "لأ يا باشا، بس ممكن تراجع الكاميرات." قال ادم: "خلاص، روح شوف شغلك." قال حمدي: "تسلم يا بشمهندس." وبعد قليل، خرج ادم إلى مكتب سيف. "سيف، تعالى عايزك." قال سيف مازحا: "إيه ده كله، ادم بنفسه في مكتبي؟ ألعب؟ قال ادم: "يلا ياض بدل مرجعلك." قال سيف: "في ديلك يا كبير." كان يتجه ادم نحو غرفة المراقبة. سأل سيف: "إيه ده، مش هنروح مكتبك ولا إيه؟ قال ادم:

"لأ يا خفيف، ومليكش دعوة بالبت." قال سيف: "لأ ليا، دي أم العيال." قال ادم: "أم العيال، داهية تاخدك. تعالى وأنت ساكت." وذهبوا إلى غرفة المراقبة. وبعد مشاهدة الكاميرا، وجدوا ذلك الشخص. قال سيف: "أنا أول مرة أشوف الشخص ده." قال ادم: "وأنا برضه. صورة وتجبلي كل المعلومات عنه." قال سيف: "تمام، بعد كده عشان أصور بضمير." قال ادم: "أنا رايح مكتبي عشان هموتك لو فضلت." وبعد ساعات كثيرة من العمل، رن هاتف ادم. "السلام عليكم."

قال أحمد: "وعليكم السلام يبني. إيه، فينك؟ طلعت بدري؟ قال ادم: "معاي شغل كتير، معلش يا بابا، اعذرني." قال أحمد: "تمام يبني. كنت عايز تيجي نزور مالك أخو جني." قال ادم: "مش هروح، ولو روحت هقتله." قال أحمد: "يبني، هو ندم، وده آخر حاجة فاضلة من جني." قال ادم: "بعدين يا بابا. روح أنت وخد بالك من نفسك." قال أحمد: "السلام عليكم." وانتهت المكالمة. شغل تفكيره هل تكون جني لم تمت؟

وبعد الكثير من التفكير، جمع كل شيء وذهب إلى المستشفى. قال ادم: "لو سمحتي، محتاج الدكاترة اللي في قسم السرطان كلهم." قالت الممرضة: "ثواني، هستدعي المدير لحضرتك." وبعد قليل، كان المدير والأطباء أمام ادم. كان يسأل عن الطبيب الذي كان يتابع حالة جني. قال المدير: "حضرتك، ده سافر أوروبا من فترة." قال ادم: "عايز كشف الوفيات في تاريخ... /... قال المدير: "حاضر يا بيه." وبعد قليل، كان الكشف أمامه. قال ادم:

"إزاي في اليوم ده جني طلعت من هنا؟ قال المدير: "تأكد سعادتك، مش مكتوب." تذكر ادم والده واتصل عليه. قال ادم: "بابا، أنت في البيت؟ قال أحمد: "أيوة يبني." سأل ادم: "يوم وفاة جني، دخلت مشرحة ولا لأ؟ قال أحمد: "لأ يبني، موفقناش ندخل مشرحة. بس الممرضات هما اللي جهزوها." قال ادم: "ماشي يا بابا، سلام." قال أحمد: "إيه فيه يا... ولكن كان فات الأوان، وادم أغلق الخط. قال ادم: "عايز كل شخص كان موجود اليوم ده والدكتور يتجاب برضه."

قال المدير: "تحت أمرك، بس ممكن بكرة. النهاردة مش موجودين كلهم." قال ادم: "تمام، بكرة." في اليوم التالي، استيقظ ادم على رنين هاتفه. "الوووو، مين؟ لم يأتِه رد. قال ادم: "هعرف مين، بس ساعتها متلومش إلا نفسك. سلام." ثم أغلق الخط سريعًا. وارتدى ملابسه وهو ينزل الدرج. قال أحمد: "افطر ومتجادلش، أنت التفاهم مبقاش ينفع معاك." قال ادم: "معلش يا بابا، بس مش هقدر، مستعجل وشوية مشاكل." قال أحمد:

"افطر. أنت مش بتاكل غير لما بنقولك. متتعبنيش يبني." قال ادم: "حاضر، هفطر." وبعد قليل، ذهب ادم إلى الشركة. قال سيف: "لو سمحتي يا أم العيال، بلغي عم العيال إني برة." قالت سيرين بغضب: "مين أم العيال وعم العيال؟ لو سمحت يا أستاذ سيف، احترم نفسك." قال سيف: "معذورة، معلش. أنتِ أم العيال، وادم عمهم، وأنا أبوهم. يلا يا سيرين، الموضوع مهم وهطلع نتفاهم." قالت سيرين بغضب: "حاضر." وبعد قليل، قالت سيرين: "اتفضل يا بشمهندس."

قال سيف: "قلبه، يلا باي." وفي الداخل، قال ادم: "لو جاي في تفاهة، غور. مش عايز دلوقتي." قال سيف: "وأنا اللي تاعب نفسي الليل كله أدور على الشخص اللي أنت عايزه، وجاي من مكتبي لهنا وسايب أم العيال برة لوحدها." سأل ادم: "لقيته ولا؟ قال سيف: "لو عايزه حالا، يبقى قصادك. بس مش بسهولة كده." قال ادم: "قول عايز إيه." قال سيف: "تروح معايا نخطب البت اللي برة دي." قال ادم: "خد ابوك معاك. أنا مالي." قال سيف:

"افهم يلا. أول مرة هروح أقعد مع أبوها. هجيب باقي العيلة. تعالي معايا أول مرة." قال ادم: "أمري لله. غور هات الراجل ده، وبعدين نتكلم." قال سيف: "تسلملي يا عم عيالي." وذهب إلى الخزن وأحضر ذلك الكائن. تري ماذا سيحدث.