رواية ويأتيك العوض الذي تستحقه الفصل الأول 1 - بقلم سهيلة ياسر

"حياه" بصړاخ: ااااه.. بولد ي دكتور الحقني.. "مراد": بتولدي إيه ي مجنونة، انتي في نص اللجنة.. الامتحان ياه.. "حياه": امتحان إيه ي ابن المجنونة دلوقتي.. "مراد": احترمي نفسك! "حياه": اااااه.. الحقوني.. "مراد": طب.. طب أعملك إيه.. رقم جوزك طيب.. "حياه": هو إيه اللي أعملك إيه.. هو أنت مش دكتور.. "مراد": بس أنا دكتور علم نفس.. "حياه" بصړاخ: وديني مستشفى ي ابن الظريفة اخلص.. "مراد": طب.. طب قومي معايا يلا..

"حياه": مش قادرة.. أاااا.. "مراد": طب أعمل دلوقتي.. هشيلك طيب وأمري لله.. ي لهوي انتي تقيلة كده ليه.. "حياه": طلعت نفخ ع الفاضي ي دكتور.. "مراد": خلي بالك ألفاظك دي هتوديك في داهية.. وصلوا المستشفى.. "حياه": منك لله ي مراد ي ابن أم مراد.. "مراد": أنا مالي ي بت هو أنا اللي عملت كده.. "حياه": أعاااااا.. بتتخلي ع عني ي مراد.. "مراد": أتخلي عنك!!! يخربيتك هتلبسيني مصيبة.. "حياه"

بدموع: طب.. متسبنيش.. ممكن متسبنيش.. أنت لو سبتني أنا هبقى لوحدي.. "مراد" حاول يطمنها: متقلقيش هتبقي كويسة.. بس قوليلي رقم جوزك أكلمه يجي.. "حياه": أنا مش متجوزة.. كلم بابا ييجي.. "مراد" پصدمة: مش متجوزة!!!! دخلت أوضة العمليات ومراد كان واقف بره متوتر وخاېف عليها وكلم أهلها من تليفونها.. وبعدين وقف مرة واحدة وهو بيفتكر حاجة مهمة..

"مراد": ي نهار أبيض.. زين.. طب.. طب أعمل إيه دلوقتي.. أسيب البنت وأمشي ولا أروح لزين ولا أعمل إيه.. مهو أكيد مش هسيب ابني واقف في الشارع.. وهي حواليها دكاترة كتير ومش هتتأخر يعني.. خرج مراد من المستشفى وبسرعة وصل قدام مدرسة زين ابنه.. لقااه واقف لوحده بعيد عن كل الطلبة.. ودي مشكلته.. زين شخص انطوائي جداً.. خاصة بعد ۏفاة والدته.. أخده معاه المستشفى وبسرعة رجع ل حياه.. "مراد": ها ي دكتور هي عاملة إيه..

"الدكتور": ألف مبروك جالك ولد.. والمدام كويسة.. "مراد": مد... ام. طب أقدر أشوفها.. "الدكتور": أيوه إحنا نقلناها أوضة عادية.. تقدر تشوفها.. "زين": هي مين دي ي بابا.. "مراد": دي واحدة أعرفها ي حبيبي.. تعالي يلا.. دخل مراد وزين الأوضة..... "مراد": الحمد لله ع السلامة.. "حياه": الله يسلمك.. مين ده.. "مراد": ده زين ابني.. "حياه": ااه.. إيه ده ابني فين.. هو كويس.. عايزة أشوفه..

"مراد": حاضر هخليهم يجيبوه اهدي بس.. خليك هنا ي زين ومش عايزك تخاف.. "حياه": ماله ده.. حد قاله إني بخوف أطفال.. احم. تعالي ي زين كده لما أقولك.. "زين": هز رأسه بالرفض.. "حياه": إيه تااا.. ده أنت خاېف مني بجد.. طب بص ممكن تجيبلي الشنطة دي كده.. "زين": راح جاب شنطتها وادهالها وبعد تاني.. هي أخدتها وطلعت منها شوكولاتة.. "حياه": طب مين اللي هياخد الشوكولاتة القمر دي.. تعالي ي حبيبي متخافش مني..

"زين": قرب ببطء وقرب منها واخد الشوكولاتة من بعيد.. "حياه": كده بقينا صحاب صح! "زين": لا.. "حياه": كده طب مش هخليك تشوف النونة الصغنونة.. مش أنت عايز تشوفه.. "زين": أيوه.. "حياه": يبقي الأحسن نبقى صحاب عشان أخليك تشوفه موافق ولا لأ.. "زين": موافق.. بصي النونة جت.. "حياه": قلبها دق بسرعة وعيونها دمعت ربنا يرزق كل مشتاق.. كان مراد داخل وشايل الولد بين ايديه.. وعطاه ل حياه اللي ضمته بحنية وقربته لقلبها.. "حياه"

بدموع: إحساس حلو أوي.. "مراد": أحلى حاجة في الدنيا.. "زين": مش أنت قولتيلي هخليك تشوفه.. "حياه": أيوا ي صاحبي.. تعالي اطلع ع السرير هنا.. "زين": ماشي.. "حياه": هااا في شبه مني.. "زين": عينيه ضيقة.. وأنت عينيكي واسعة.. "حياه": أيوه شبه عينين أبوه.. "زين": بس أنا بابا عينيه واسعة.. "حياه" پصدمة: لا ي حبيبي ده مش ده أبوه.. "زين": بجد.. كنت فاكر بقي عندي آخر صغير.. "حياه": مش مشكلة اعتبره أخوك الصغير..

"زين": طب هتسميه إيه!! "حياه": هسميه عمر.. إيه رأيك! "زين": جميل أوي.. "مراد" بإستغراب: أنا شايفك مندمج أوي ي زين.. عمرك ما قدرت تتكلم مع حد غريب.. "حياه": مش غريب إلا الشيطان ي دكتور.. ده بقي أعز أصحابي خلاص ولا إيه ي زين.. "زين": أيوه.. فجأة دخل والد حياه ووالدتها.. "والد حياه": بنتي.. عاملة إيه.. الدكتور قالك إيه.. "حياه": أنا كويسة ي بابا.. "والدة حياه": م شاء الله.. ابنك قمر.. هتسميه إيه..

"حياه": أنا وزين قررنا نسميه عمر.. إيه رأيك. "والد حياه": اسمه عمر.. "مراد": بس متقلقيش ي حياه أنا معاكي واللي عمل كده لازم يعترف بالولد.. "حياه": يخربيتك.. أنت فهمت إيه.. "والد حياه": إيه اللي أنت بتقوله ده ي ابني.. "حياه": دكتور مراد.. الموضوع مش زي ما أنت فاهم.. أنا مطلقة.. "مراد": إيه... أنا.. أنا آسف مكنتش أعرف انتي قولتيلي إنك مش متجوزة ف أنا...