رواية ويأتيك العوض الذي تستحقه الفصل الثاني 2 - بقلم سهيلة ياسر

مراد: فكرت إن خلاص، خلاص سوء تفاهم، أنا همشي أنا بقى. زين: لا لحظة واحدة. زين طلع كراسة وقلم من شنطته وراح لحياة. زين: اكتب لي رقمك هنا عشان أبقى أكلمك. حياة: عيوني. زين: يلا باي. حياة: باي. محمد والد حياة قال: أنا هكلم طليقك يجي عشان نسجل الولد. حياة: ماشي يا بابا. محمد: احم، السلام عليكم. رامي: عليكم السلام. محمد: أنا بكلمك يا ابني عشان أقولك إن حياة ولدت وكنا عايزين تيجي عشان شوية إجراءات للولد. رامي: ولدت؟

اه ألف مبروك، أنا علاقتي إيه بقى يا حاج؟ محمد: هو إيه اللي علاقتك إيه؟ هي ما كانت مراتك ومطلقين من كام شهر وعرفنا بعدها إنها حامل، ولا إحنا ما قلناش ليك ساعتها ولا حاجة؟ رامي: عندك اللي يثبت كده يا حاج. محمد بغضب: قصدك إيه؟ رامي: أنت عارف إن الجوازة كانت عرفي عشان هي سنها مكانش قانوني، يعني قدام القانون هي مش مراتي ولا طليقتي حتى. محمد: والله، والعقد اللي معاك؟

رامي: يااه، قطعته من زمان أوي، وبما إن مكنش فيه جواز يبقى مفيش طلاق. محمد: يا ابني استهدى بالله مش كده، وزي ما دخلنا بالمعروف نخرج بالمعروف، وإحنا اتنازلنالك عن كل حاجة، بس ده ابنك، أعمل إيه دلوقتي ولا أروح فين؟ رامي: معرفش بقى، مشكلتكم وحلوها، مع السلامة. صفاء والدة حياة: قليل الأصل والتربية، هو في كده. محمد بدموع: حقك عليا يا بنتي، أنا السبب، أنا اللي جوزتك قاصر. حياة بدموع: يعني هنعمل إيه دلوقتي يا بابا؟

محمد: معرفش يا بنتي، المهم إحنا هنروح بيتنا، أنتي تعبانة، أجهزوا، أنا هروح أشوف إجراءات المستشفى. بعد أسبوع. مراد: بتعمل إيه يا زين؟ زين: بكلم حياة وعمر. مراد: أووه، ده أنتم بقيتوا أصحاب بقى. زين: أيوه بقينا صحاب، وكمان هي عزمتني على سبوع عمر. مراد: وهتروح بقى؟ زين: أيوه، مش أنت هتوَديني ولا مش عايزني أروح؟ مراد: لا لا إزاي، هوديك وأجي معاك، مينفعش أسيبك لوحدك. زين بفرحة: هييييه، بحبك أوي يا بابا.

مراد بحب: وأنا كمان بحبك يا حبيب بابا، أوي، أكتر من أي حد في الدنيا، مش أنت كمان بتحبني أكتر حد؟ زين: أيوه، بس بحب حياة وعمر. مراد: ده أنا هبدأ أغير بقى. زين: لا يا بابا، أنا بحبك أكتر حد في الدنيا، وبحب ماما أكتر حد مش في الدنيا. مراد: ربنا يرحمها يا حبيبي، إيه رأيك نقرأ لها الفاتحة سوا؟ زين: يلا. عند حياة. حياة: بابا فين يا ماما؟ صفاء: راح يكلم رامي يمكن يرجع عن اللي بيعمله فينا ده.

حياة: خاېفة بابا يتخانق معاه، رامي يعمله حاجة. صفاء: أبوكي بيحاول يهدي نفسه معاه عشان إحنا روحنا في إيده يا بنتي. حياة: ربنا يستر، أنا بقيت أكره رامي ده أوي يا ماما بجد، ومش عارفة أفرح بأي حاجة من اللي أنتي بتعملوها دي، ولا السبوع وكل الحاجات دي. صفاء: محلولة يا حياة، ربنا هيحلها من عنده. الباب بيخبط، شوفي مين يا حياة. حياة بفرحة: زينو، إزيك يا بطل، أنت جاي لوحدك إزاي؟

مراد: مش جاي لوحده، هو سبقني، أنا كنت بركن العربية. حياة: دكتور مراد، اتفضل اتفضل. زين: فين عمر؟ حياة: عمر جوه في الأوضة، نايم، تيجي تشوفه. زين: أيوه يلا. الباب اتفتح ومحمد دخل، وحياة سابت زين مع عمر وخرجت. صفاء بأمل ولهفة: عملت إيه؟ حياة: ها يا بابا إيه اللي حصل؟ محمد: السلام عليكم، حضرتك اللي كنت في المستشفى صح! مراد سلم عليه. مراد: أيوه أنا يا فندم.

محمد: أنا متشكر أوي يا ابني إنك ساعدت حياة يومها، أسف معرفتش أشكرك وقتها من اللغبطة. مراد بابتسامة: لا حضرتك، ده واجبي، أنا هستأذن أنا بقى. محمد: لا لا يا ابني مينفعش، تعالي بس نقعد في البلكونة ونشرب كوبايتين شاي بالنعناع. حياة: أيوه وكمان أنا لسه مقعدتش مع زين. مراد: ماشي. حياة دخلت الأوضة ولقيت عمر صحي وزين كان قاعد يلاعبه عشان ما يعيطش. حياة: أي تا تاا، شطور، ده على طول بيصحي ويعيط.

زين: هو عايز اللي يلاعبه ويفضل معاه. حياة شالت عمرو وقالت: طب تعالي يلا نقعد بره. زين: يلا. محمد: أنت شغال إيه بقى يا ابني؟ مراد: أنا دكتور جامعي وبدرس لأسيل. محمد بأحراج: متعرفش محامي كويس؟ مراد بإستغراب: محامي! أه أعرف محامي كويس. محمد: يعني ليه في قضايا النسب وكده. مراد بإستغراب وفضول: نسب!! أه يعني أكيد ليه فيها. مراد الفضول كان هيقتله. مراد: خير يا عمي هو في مشكلة! محمد بتنهيدة وحزن: تقدر تقول كده، أنا ضيعت.