رواية ويأتيك العوض الذي تستحقه الفصل الرابع 4 - بقلم سهيلة ياسر

حياه: حاضر. بعد شويه حياه خرجت. مراد: تعالي ي حياه عايزه اتكلم معاكي. حياه: عارفه من غير ما تقولي عارفه. مراد بإستغراب: عارفه إيه؟ أنا لسه ما اتكلمتش. حياه: هتقولي إنك كنت بتحب مراتك الله يرحمها ومش هتقدر بقي إنك تعيش مع واحدة غيرها كزوجة وكده وهتعتبرني زي أختك. عارفه كل حاجة. مراد بضحك: لا ما كنتش هقول كده. أنتي بتفكري في كده؟ حياه بإحراج: لا لا. هما كلهم بيقولوا كده. مراد بضحك: هما مين؟

حياه بكسوف: أبطال الروايات يا باشا. مراد بضحك: أيواااا خلاص عرفتهم. لا لا يا ستي أنا مش معقد خالص على فكرة. أنا شخص عادي وبسيط. أيوه كنت بحب مراتي، هي كانت بنت عمي، بحبها وبحترمها وهي بنت ناس وأصيلة ومحترمة. حياه: ربنا يرحمها. طب كنت هتقول إيه؟ مراد: بصي ي حياه أنا وأنتي مع الوقت هنتعود على بعض. وأنا معجب بيكي على فكرة وشايفك بنت محترمة وحلوة. حياه بكسوف: احم شكراً.

مراد: وعلى فكرة أنا ما بعتبركيش أختي خالص. لا انتي مراتي. وعشان كده بقي عايزك في الخطوة الجاية تكوني أم لزين. وأوعدك إني هكون أب لعمر ومش هفرق في المعاملة بينهم أبداً. حياه: أوعدك. والله ربنا أعلم أنا بحب زين قد إيه. مراد: طيب هو ده يا ستي اللي كنت عايزك فيه. مش حاجة تانية يا بتاعت الروايات. حياه بضحك ومرح: هما اللي ضحكوا علينا يا باشا. مراد بضحك: طب تعالي كلي يلا. حياه: حاضر. بس ممكن أطلب منك طلب. مراد: اطلبي.

حياه بتوتر: احم ممكن أنام في أوضة الأطفال يعني لحد ما أتعود على المكان وكده. مراد بخبث: على المكان ولا عليا؟ حياه بكسوف وخدودها احمرت: حسبي الله. مراد بضحك على منظرها: خلاص خلاص. ماشي موافق. المهم تكوني مرتاحة. بعد ثلاث شهور. حياه بزعيق: هتاكلها يعني هتاكلها ي زين. زين: ي ماما مبحبهاش. حياه: يبني حرام عليك تعبت أصوت. دي مغذية ومليانة عناصر مفيدة. زين: مبحبهااااش. حياه: حد يقول على نعمة ربنا كده. مش كده حرام ولا إيه؟

زين: طب خلاص هي اللي مبتحبنيش. مراد: إيييه؟ عاملة نفس الدوشة على الصبح ليه؟ حياه: لنفس السبب. مراد: حياه هو مش ده التيشيرت بتاعي! حياه: أيوه هو. عندك مانع؟ مراد بضحك: لا خالص براحتك ي قمر. حياه: أيوا كده ناس مبتجيش غير بالعين الحمرا. شايف طبق البطاطس المسلوقة. تاكله للواد المفعوص ده على ما أخش أغير للعيوطة اللي جوه هو كمان. مراد بصدمة من حياه: مين دي؟ زين: دي ماما اللي كانت كيوته. بقت شرسة. مراد بصدمة: شرسة!!!

الله يخربيتك. تعالي يلا كل البطاطس دي. حياه بصوت عالي من جوه: مراااااااااااد خليه ياكل البطاطس. زين بهروب من حياه: أنا نازل عند تيتة مش عايزة أقعد معاكوا. مراد: خد يلا. مشي. هخش ألبس أروح الجامعة. حياه: أنت وديت الواد فين؟ مراد: ي فضيحتي. حياه: ما كنتش أعرف إنك هنا. أنا هروح أشوف زين. مراد بتوتر: نزل عند ماما.

حياه بصويت: ي لهووي. ليه كده. نزلته وهو معمص ومتبهدل كده. دلوقتي أمك تقول إنك متجوز واحدة معفنة. أنا هيجيلي جلطة منكم كلكم. مراد بتمثيل: أنا غلباااان أنا وابني. حياه وهي هتموت منه: أوي أوي يا خويا أنت هتقول. مراد: آه صحيح بقولك مش أنتي عندك كلية النهارده. حياه بتذكر: أيوه. هنادي زين عشان أغير لهدومه عشان يروح المدرسة وهعدي عمر على ماما الأول. مراد: طب يلا غيري لزين وأنا هروح أودي عمر وبعدين آخدك ونروح سوا.

حياه: اشطا يباشااا. مراد بضحك: متجوز سرسجية ي ربي. بس قمر. هييح. حياه: استني نزلني هنا. مراد: ليه هندخل بالعربية أنا بركن جوه الكلية. حياه: عشان محدش يشوفنا سوا. مراد بردح: نعم ي أختي. ليه شاقطك أنا يعني. حياه بضحك: لا بس يعني. مراد: مفيش بس. إحنا ما بنعملش حاجة غلط. أنتي مراتي. حياه بضحك: أقنعتني والله. خلاص انطلق. مراد: طيب خدي محفظتي. خدي منها مصروفك ولو محتاجة تشتري كتب أو حاجة. حياه: اللي ماشيينـا وصل ي حارة.

مراد بحب: تعيشي وتتصرفي في فلوسي. حياه بضحك: تعيش وتجيبلنا الفلوس يا زوجي العزيز. مراد: واطية واطية يعني. انزلي يلا. حياه بضحك: ماشي سلام يا قره عيني. مراد بضحك وحب: مجنونة. حياه: إيه ده بقي محفظة مراد معاياا. هروحله مكتبه أديهاله ولا أخليهـا معايا وخلاص. لا لا أكيد هيحتاجهااا. مراد: إيه نسيتي إيه؟ حياه: لا محفظتك نسيتها معايا. مراد: آه صح. اممم أنتي محاضرتك إمتى. حياه: بعد نص ساعة. مراد: طب اقعدي هنا لحد ما تبدأ.

حياه: دي محاضرتك أنت على فكرة. مراد: أيوه ما أنا عارف. اقعدي. حياه: حاضر. مراد بإستغراب: إيه ده. غريبة!! حياه: في إيه! مراد: دي مدرسة زين بتتصل. حياه بخضة: ابني جراله حاجة! مراد: لا لا خير. الو. المديرة: أستاذ مراد أهلاً بحضرتك. مراد: أهلاً يا فندم. في مشكلة ولا إيه. المديرة: أيوه. حضرتك زين ضرب ولد النهارده في المدرسة بطريقة وحشة وأنا أول مرة أشوف منه التصرف ده. مراد بصدمة: زين ابني أنا. طب إيه السبب.

المديرة: اتفضل اسأله. زين: يا بابا كان عمال يضرب في بنت معانا ويشتمها. قمت ماسكه ومدياله بالبوكس في وشه. حياه بفخر وتسقيف: تربيتي. مراد: اسكتي خالص. بس كان ممكن تشتكي للمدرسة ي زين. زين: بس كان بيضرب البنت ي بابا ومكنتش عارف أخليه يسيبها. وهو مش عارف إن لازم نحترم البنت وما نظلمهاش أبداً. وإن البنت مش لعبة هو يقدر يأذيها زي ما هو عايز. مراد بصدمة من ابنه: مين اللي قالك الكلام ده.

زين ببراءة: ماما. عارف ي بابا لما يجيلي أخت بنت مش هخلي.