رواية ويأتيك العوض الذي تستحقه الفصل الثالث 3 - بقلم سهيلة ياسر

مستقبل بنتي.. مراد: ازاي.. محمد بحزن: حياة كانت لسه يدوب 17 سنة واتقدملها عريس وهو كان كويس ومقتدر وكنا شايفينه محترم.. فعملنا خطوبة.. بس هو كان هيسافر واصر إنهم يتجوزوا قبل ما يسافر وأنا وافقت.. بس هي مكانتش تمت السن القانوني.. فعملنا الجواز بعقد عرفي.. بس كان اتفاقنا أول ما هي تتم السن القانوني نسجل جوازهم في المحكمة.. بعد ما تم الجواز قال إنه السفر بتاعه اتلغى.. قولنا بما إن اتكتب كتابهم نعمل فرح بقي وخلاص..

مراد بحزن على حياة: وبعدين.. محمد: بعد ما تمت الـ 18 بكام يوم رمى عليها يمين الطلاق وقالها ملكيش حاجة عندي.. أنا قولت مش عايزين حاجة منه.. هدخلها كلية وتكمل تعليمها وخلاص.. بس طلعت حامل.. بس مكنتش متخيل إنه يطلع بالحقارة دي ويرمي ابنه كده.. أنا قولت لحياة إني هكلمه بس لما روحتله النهارده ملقيتهوش.. مراد بأندهاش: هرب!!!!

محمد بكسرة: سافر.. وساب بنتي وابنها اللي هويته لحد دلوقتي مجهولة.. ومش عارف أواجهها إزاي.. عشان كده عايز محامي يحلها.. ياخد الفلوس اللي عايزها أنا مش طالب منه غير يسجل الولد بس مش عايز أكتر من كده.. مراد بحزن: لا حول ولا قوة إلا بالله.. بس متقلقش ياعمي أنا هكلم محامي وأقوله التفاصيل دي وأشوف رأيه.. متقلقش أنا معاكوا.. محمد بأمل: تسلم يابني.. اشرب الشاي بقي قبل ما يبرد..

مراد بدأ يفكر في القصة اللي اتعرضت لحياة وبص عليها وهي قاعدة في الأرض وحواليها زين وعمر جنبها وهي بتلعب معاهم وبيضحكوا بكل براءة.. بعد أسبوع في الجامعة.. مراد: حياة تعالي عاوزك.. حياة: نعم يادكتور.. مراد: انتي إيه اللي جابك الكلية وسايبة ابنك كده.. حياة بابتسامة وجع: سايباه مع ماما.. بس لازم أشوف الكلية عشان بعد كده أعرف أشتغل وأصرف على ابني.. إحنا خلاص ملناش إلا بعض.. مراد بحزن: طيب تعالي معايا عاوزك شوية..

حياة: نعم.. مراد: تعالي هنروح كافيه نشرب قهوة وهكلمك في موضوع مهم.. يلا.. وصلوا الكافيه وقعدوا.. حياة: ادينا جينا وطلبنا قهوة.. إيه الموضوع بقي.. مراد: أنا كلمت المحامي في موضوع جوازك وكل اللي حصل.. حياة بصدمة: انت عرفت منين حكاية جوازي.. مراد: باباك حكالي كل حاجة عشان أشوفله محامي.. وأنا شفت محامي.. وقالي إن القضايا اللي من النوع ده حق البنت بيضيع لأن مفيش حاجة قانونية.. وهتتبهدلي..

حياة بدموع: طب أعمل إيه.. أنا ابني لما يسألني على أبوه هقوله إيه.. ولا هسجله إزاي ويدخل مدرسة ويتعلم ويبقي ليه كيان.. هقوله مين أبوه! مراد: أنا.. حياة بصدمة: إيه!!! مراد: بصي ياحياة أنا زين ابني من وقت ما والدته ماتت كانت حالته صعبة.. كان متعلق بيها أوي.. وبقى انطوائي وبيخاف من أقل حاجة وأنا مكنتش عارف أساعده إزاي.. لحد ما شفتك وحاله اتبدل 180 درجة.. انتي محتاجة تنقذي ابنك وأنا كمان محتاجك عشان ابني..

حياة بتوتر: بس.. بس.. مراد: فكري الأول كويس وردي عليا.. حياة: بس أنا حتى لو وافقت بابا مش هيوافق.. مراد بابتسامة: لأ مهو أنا مكنتش هقعد معاكي كده لوحدنا وأقولك كده من غير إذن والدك.. هو كان عارف من الأول إن ملهاش حل.. ها قُلتي إيه! حياة بتفكير: مش عارفة آخد قرار ممكن تسيبني أفكر شوية.. مراد بابتسامة: خدي وقتك..

حياة روحت وهي بتفكر.. ولقيت موافقة أهلها اللي كانوا بيتعلقوا بأي قشاية تنقذ بنتهم.. وبعدين دخلت أوضتها وكان ابنها نايم على سريرها زي الملاك الصغير.. قربت منه وباسته من خده وضمته ليها ونامت جنبه.. تاني يوم في الجامعة.. حياة بابتسامة وتوتر: اا.. دكتور مراد.. مراد ابتسم لها: إزيك ياحياة.. حياة: الحمد لله.. أنا كنت عايزة أقولك إني موافقة.. بس عندي شرط.. مراد: إيه هو..

حياة: تكتب وصية يعني بعد عمر طويل يعني ربنا يديك طول العمر.. إن كل ما تملك يبقى بإسم زين.. زين بس.. مراد: بس.. حياة برجاء: لو سمحت هو ده شرطي الوحيد.. مراد بقلة حيلة: ماشي ياحياة موافق.. بس ده مش ممكن يعمل مشكلة للولاد بعد ما يكبروا.. حياة: أنا مش ناوية أخبي عن ابني أي حاجة يادكتور مراد.. مراد بأعجاب: قرارك وهحترمه.. حياة بابتسامة: شكراً..

مراد: تمام هجيلكم البيت النهارده أنا ووالدتي.. أنا والدي متوفي على فكرة ومليش غير والدتي.. حياة: ربنا يخليهالك.. تنورونا في أي وقت أنا هبلغ بابا.. مراد: تمام.. حياة بابتسامة: بعد إذنك.. بعد شهر.. النهاردة كان جواز حياة ومراد.. مراد: احم.. إيه رأيك في البيت.. حياة بابتسامة: جميل أوي.. أومال زين فين.. مراد: احم ماما أخدته يبات عندها عشان عرسان وكده.. حياة بتوتر: وماما أخدت عمر بردو.. مراد بضحك ومرح: طب إيه!

حياة بتوتر: إيه! مراد: ادخلي غيري فستانك وتعالي نتعشى..