رواية رعد والقاصر الفصل الحادي والعشرون 21 - بقلم دنيا ثروت

قمر كانت في حضن رعد وفجأة بدأت تكح جامد والكحة مش بتوقف. وبعد دقايق بدأت ترجع دم من بوقها وانفجر. رعد بصريخ: قمر! قمر! قمر بدوخة رهيبة: رعد... ر... ولم تكمل جملتها وأغمي عليها على الفور. رعد شالها ووداها المستشفى بسرعة. "دكتور! دكتور! حد يلحق مراتي، ارجوكم الحقوها، ارجوكم! بعد ساعتين. الدكتور: مين هنا زوجها؟ رعد بدموع: أنا... أنا. هي كويسة يادكتور، ارجوك طمني، ارجوك.

الدكتور: بص، اللي هقولهولك ده قضاء ربنا، مينفعش تعترض على حاجة زي دي. رعد بخوف: في إيه يادكتور؟ خير؟ الدكتور: خير إن شاء الله. مدام قمر عندها سرطان، وإحنا لسه بنحاول نعرف مكانه. لو كملت الحمل هيكون خطر عليها، وهيبقى احتمال خروجها من عملية الولادة عايشة قليل جدا. عشان كدا قدامكم حلين، تنزلوا الجنين اللي في بطنها، أو تكمل الحمل بس هيكون خطر عليها. عن إذنك.

رعد سمع الخبر واتصدم. اتصدم قد إيه الحياة مش عادلة. في نفس اللحظة، شريط من أول يوم عرف فيه قمر لحد دلوقتي ووقوفها جنبه بيمر قدامه كأنه عهد بيمر. حس إن خلاص روحه بتروح منه. حاول يستجمع قوته ودخل الأوضة. قمر بتساؤل: في إيه يارعد؟ أنا عندي إيه؟ رعد اتقدم ليها وبيمسك إيديها وبيس في عينيها بدموع أكتر: حبيبتي، ارجوكي اسمعي كلامي المرة دي. قمر: في إيه يارعد؟ قول. رعد: لازم تجهضي. قمر بتشد إيديها: انت بتقول إيه؟

ووضعت إيديها على بطنها. مستحيل... مستحيل أتخلى عن ابني، انت بتقول إيه؟ رعد: قمر، انتي عندك سرطان. ولازم تجهضيه، وإلا هخسرك. قمر حست بصدمة للحظات، بعد كدا استجمعت نفسها: لا لا لااااا! ابني مش هتخلى عنه، ولو حتى على موتي. رعد: انتي ليه مبتفهميش؟ ليه مبتفهميششششش! حياتك بالنسبالي أهم. لازم ننزله، لازم! بيدخل حامد الأوضة هو وهدي، وكلهم بيحاولوا يقنعوها بكل الطرق، لكن هي رافضة تماما.

وكملت الحمل، وكان السرطان في مكان بعيد عن الرحم، وده اللي ساعد إن حملها يكمل. وصممت إنها تكمل الحمل، وكانت بتواجه صعوبات كتير. مكنش بيعدي يوم إلا وهي بتتوجع وبتتألم، ورعد كان بيتوجع زيها الضعف. في يوم من الأيام. قمر بصريخ: رعددد! رعددد! الحقني بولادتي! جري عليها، ولسه هيسندها، لقاها أغمى عليها.