رواية رعد والقاصر الفصل العشرون 20 - بقلم دنيا ثروت

رمت نهال ورقة عليه: أنا مش عايزة حاجة منك، لا قصر ولا فلوس. نفذ اللي في الورقة وطلق قمر وأنا همشي من حياتك. مسك رعد الورق ومسك القلم ومضى: يبقى أطلقها أحسن. مسك الورقة بإيديه الاتنين وقطعها قدام الكل: أنتي بتطلبي حاجة مستحيلة يا مدام نهال. نهال استغربت من رد فعله. قمر بصتله بكل حب وكانت في عينيها نظرة فخر رهيبة. قال رعد بكل قوة: لو مطلعتيش من بيتي دلوقتي هتقضي باقي حياتك كلها في السجن. نهال: يعني إيه؟

أنت متقدرش تطلعني؟ مسك رعد إيديها وطلعها برا: يعني الورق المزّور اللي معاكي بليه واشربي مايته، وعمي أيمن كتب كل حاجة باسم بنته قمر. وأنتِ ملكيش قرش واحد. ابعدي عن القصر وعننا، ولو فكرتي تقربي هتتحرقي بالنار اللي هتعمليها. وقفل الباب في وشها. قمر أول ما اتقفل الباب جريت عليه وحضنته بتملّك. دفنت راسها في عنقه: بحبك يا رعد، والله بحبك. كان رعد بيطلعها ببطء: على فكرة أنتي هبلة، فاكراني هطلقك؟

أنتي عايزاني أعيش من غير روحي؟ قال حامد بكل حب: ربنا يخليكو لبعض يا ولاد وميحرمكوش من بعض أبداً. رعد: شكراً، شكراً يا بوي. حامد: على إيه يا ابني؟ رعد وهو بيحضن قمر بحب: شكراً إنك دخلت قمر حياتي. حقيقي كل إنسان وليه نصه التاني، وفعلاً قمر بقت بالنسبالي نصي التاني والروحي. حامد: حبيبي، ربنا يديمكم لبعض وميحرمكمش أبداً. قمر كانت في حضن رعد وفجأة بقت تكح جامد والكحة مش بتوقف. وبعد دقايق بدأت ترجع دم من بوقها.

صرخ رعد: قمر! قمررررررررررر.