رواية رعد والقاصر الفصل التاسع 9 - بقلم دنيا ثروت

رعد كان مره وسمع حاجات وقعت في الحمام. قعد ينده على قمر كذا مرة. اتجه للباب وكسره وشاف قمر كان هيغمى عليها. مسكها وسندها وخرجها من الحمام وقعدها على الكرسي. رعد وهو بيزيح شعرها وبيبل إيديه مايه وبيحسس على وشها بهدوء: = انتي كويسة ياقمر ياحبيبتي. قمر وهي بترتعش: = كويسة. رعد: = طب إيه رأيك تلبسي ونروح للدكتورة. قمر: = بس يارع.. رعد وهو بيحط صباعه على بقها: = مفيش بس. صحتك أهم عندي. قمر: = حاضر.

ورعد ساعتها لبس ونزلوا راحوا للدكتورة. الدكتورة بعد ما كشفت على قمر: = مبروك يارعد بيه مدام قمر حامل. قمر بصدمة: = إنتي بتقولي إيه. رعد بفرحة جداً: = بجد بجد يادكتورة إنتي بتتكلمي بجد. وقرب من قمر شالها ولف بيها ونزلها وباس راسها: = شكراً شكراً إنك هتديني أحلى حاجة في حياتي. قمر ابتسمت ابتسامة خفيفة. رعد شدها من إيديها ونزلوا ووصلوا القصر بسرعة. رعد وهو بينده: = بابا بابا بابا. ودخل المكتب. حامد بهدوء:

= في إيه يارعد مالك مبسوط كده ليه. فرحني معاك. رعد قرب منه وباس إيديه: = هتبقى جد. هتبقى جد يابابا. هتبقى جددد. كل ده وقمر في ذهول. حامد: = بجد يارعد. وقام من المكتب وقرب من قمر: = مبروك يابنتي. ألف ألف مبروك. يتربى في عزك إنتي ورعد يابنتي. قمر: = الله يبارك فيك ياعمي. وبصت على رعد: = رعد أنا تعبانة شوية. هطلع أرتاح. ماشي. رعد قرب منها بابتسامة وباس إيديها: = اطلعي ارتاحي. بس جهزي الشنط عشان هنسافر بكرة ياقلبي.

قمر طلعت ومر اليوم وهي نايمة وبتهرب من الحقيقة والصدمة اللي فيها. صحت الصبح وجهزوا الشنط وسافروا السخنة. أول ما وصلوا. رعد وهو بيدخل الفندق وبيحضن سليم: = حبيبي حبيبي كنت واحشني والله. سليم: = والله يارعد وانت كنت واحشني أكتر. رعد: = هطلع الأوضة هرتاح شوية وأنزل نسهر مع بعض. أشطا ياصاحبي. سليم: = تمام. قمر طلعت مع رعد وارتاحوا. وكل ده رعد مستغرب من نظرات قمر وتعاملها مبقاش زي الأول. رعد وهو بيقعد جنب قمر على الكنبة:

= قمر إنتي مش عايزة الولد. قمر وهي بتضحك: = لا طبعاً. إنت بتقول إيه يارعد. أنا بس مصدومة شوية لأني حاسة مش هعرف أشيل المسئولية. رعد مسك إيديها: = هتعرفي. وأنا معاكي. هنعرف سوا. واخدها في حضنه وهو بيبوس راسها: = في فستان جميل في الدولاب. أتمنى تلبسيه وتنزلي على الساعة 6. وحضنها وسابها ونزل قعد مع سليم. وجت الساعة 6. 7. 8. كل ده لسه منزلش.

رعد طلع فوق الأوضة دور عليها ملاقهاش. خبط على الحمام لاقاه مقفول. وكسر الحمام مرة اتنين تلاتة. لاقها على الأرض والأرض مليئة بالدم.