رواية رعد والقاصر الفصل الثامن 8 - بقلم دنيا ثروت

هدي وهي بتدخل المكتب، علي حامد: يعني مش ناوي تقوله الحقيقه ياحامد؟ حامد وهو بيحاول يتكلم علي قد مايقدر: حقيقه إيه ياهدي... إنتي عارفه رعد لو عرف الحقيقه هيعمل إيه. هدي: بس لو معرفهاش دلوقتي إنت اللي هتخسر بعدين وكلنا هنخسر في الآخر صدقني.. حامد وهو بيفتح الدرج وبيمسك في إيديه ورقه كان باين عليها قديمه جداً: وأنا مش هقدر أخون الأمانه اللي في الورقه دي ياهدي. هدي وهي بترتب علي دراعه ودموعها بتنزل:

لازم ياحامد لازم تقوله هو ملهوش ذنب... هو لازم يعرف.. *** عند رعد وقمر قمر قاعده في حضن رعد وهو بيلعب في شعرها وبيتفرجوا علي التلفزيون: الأ صحيح يارعد هو البيت ده بتاع مين يعني شكله قديم أوي بس في نفس الوقت شكلك مهتم بيه وبتنظفه أول بأول. رعد طلعها من حضنه: قمر أنا قولتلك نمشي وإنتي أصرتي إن نقعد وقعدنا وأنا أصلاً مش مرتاح ومش عايز أقعد. قمر وهي بتقوم: ليه يارعد كل ده عشان سألت سؤال تعمل كدا؟ وكانت لسه هتعيط.

رعد مسك وشها بإيديه: ياروحي اهدي أنا بس عايزك تفهمي وجهة نظري. قمر: يعني البيت ده بالنسبالك إيه برضه مش فاهمه. رعد بعصبيه جداً: مش بالنسبالي حااااجه... عايزه تعرفي ده بيت إيه ده البيت اللي خانت أمي أبويا فيه هااا ارتحتي كده ياهانم؟ وسابها وطلع بره وهو متعصب جداً. قمر خرجتله ووقفت وراه: متزعلش مني يارعد أسفه والله مكان قصدي أعمل كدا أسفه. وبدأت تعيط جداً. رعد ماهانتش عليه دموعها وقرب منها مسح دموعها وحط وشها بين

إيديه وبيحسس علي عينيها: مش عايز الدموع تنزل من هنا تاني ماشي ياروحي.. قمر وهي بتحاول تهدي: يعني مش زعلان مني؟ رعد: تؤ تؤ. قمر حضنته جامد: متسبنيش يارعد لأي سبب عشان خاطري.. رعد: عمري ماهسيبك... التلفون رن ورعد طلع قمر من حضنه وبص علي التلفون بيرد. رعد: ألو... حبيبي عامل إيه؟ رعد: سليم بتهزر... إنت فين ياعم من بدري؟ وكل ده بيمشي هو وقمر وبيركبها العربيه عشان يروحوا. سليم:

والله يارعد إنت واحشني أوي بقولك إيه ماتيجي تبات في السخنة كام يوم وبالمرة أقابلك ده إنت واحشني ياصاحبي. رعد: والله إنت جيت علي السيرة إحنا كده كده كنا هنروح شهر عسل كويس أوي إحنا هنيجي السخنة ونتقابل.. وقفل المكالمه وكانوا وصلوا القصر. قمر طلعت أوضتها ودخلت الحمام بسرعه تغسل وشها بصت في المرايه وهي بتعيط: بس بس أنا حبيته إزاي إزاي أذيته. رعد كان مره وسمع حاجات وقعت في الحمام قعد ينده علي قمر كذا مره.

أتجه للباب وكسره وشاف قمر...