رواية رعد والقاصر الفصل التاسع عشر 19 - بقلم دنيا ثروت

رعد: الو هدي: رعد.... أبو رعد: ازاي ده حصل؟ ازاي؟ هدي: تعالي بسرعة أرجوك يا رعد. رعد ساق وكان بيسوق بأكبر سرعة. قمر: رعد اهدي اهدي ونبي كدا هنعمل حادثة. رعد مكنش بيسمعها، كان بيسوق ومش شايف قدامه. وصلوا القصر ومكنش فيه حد. رعد: ماما انتي فين؟ بابا؟ باباااا! الخادمة: رعد بيه، الحاج هنا. رعد جري بأقصى سرعة. لاقي حامد دماغه ملفوفة بشاش، وفي ست واقفة من ضهرها بس وقفتها مش غريبة عليه. رعد: انتي مين يا ست انتي؟

نهال بتلف بكل شموخ: أمك يا رعد الأنصاري. رعد بصدمة رجع لورا وبدأ يفتكر كل حاجة، وكان هيقع بس قمر سندته. قمر: رعد انت كويس؟ رعد؟ رد عليا. نهال بخبث بتبص على قمر: انتي أكيد مرات رعد صح؟ وقربت منها: حبيبتي، انتي قمر فعلاً. ولسه كانت هتحط إيديها على وشها. رعد مسك إيديها وبقوة شدها لتحت: امشي اطلعي برااا بيتي. نهال: حاسب على كلامك، البيت ده زي ما هو بيتك، هو بيتي برضه. رعد: انتي بتقولي إيه؟

انتي أكيد بتخرفي وأنا مش ناقصك. امشي اطلعي برا، واللي عملتيه في أبويا هاخده منك. نهال: وأنا مش ماشية. أيمن عمك كتب كل نصيبه في القصر ده ليا. وراحت قعدت على الكنبة وحطت رجل على رجل: يعني لو هتخرجني من هنا، اديني فلوسي وأنا أمشي. قمر جرت منها بعياط هستيري وصريخ: انتي إيييي؟ إيييي يابعيدة مبتفهميش؟ بيقولك اخرجي، اخرجي برا حياتنا بقا. مش كفاية اللي أخدتيه؟ أخدتي أبويا من أمي وخلتيني يتيمة طول حياتي؟ مش كفاية؟

خليني رعد يفتكرني زيك لي؟ لي عملتي كده لييييي؟ نهال قامت بكل قوة وجبروت: أنا مخدتش أبوكي من أمك. أبوكي جالي برضاه وأنا الصراحة كنت بحبه ومقدرتش أرفض. قوليلي انتي لو مكاني مش هتعملي كدا؟ رعد بصوت عاليييي جداً: اخرسييييي! أياكي تحطي قمر في مقارنة معاكي، اياااااك. نهال تبلعت ريقها: ان... رعد: انتي هتطلعي برا ولا أطلعك على نقالة؟ نهال وهي بتاخد شنطتها: همشي، بس لسه حسابنا مخلصشي يابن الأنصاري. ومشيت نهال.

رعد طلع لوالده وفضل جنبه لحد لما فضل بصحة كويسة. بعد يومين. رعد: بابا، إزاي حصلك كدا؟ أنا مرتضيش أسألك ساعتها عشان كنت تعبان، لكن دلوقتي أنا بسألك بكل صراحة. إيه اللي حصل بالظبط يا بابا؟ حامد لسه هيتكلم، الباب خبط بكل قوة. وكانت نهال. نهال وهي بتقدم خطوة بخطوة لرعد. رعد: انتي إيه اللي جابك هنا؟ مش قولت متجيش. نهال رمت ورقة عليه: أنا مش عايزة حاجة منك، لا قصر ولا فلوس. نفذ اللي في الورقة وطلق قمر وأنا همشي من حياتك.

رعد مسك الورق ومسك القلم ومضى: يبقى أطلقها أحسن. قمر كانت واقفة و....