رواية رعد والقاصر الفصل الثالث 3 - بقلم دنيا ثروت

خالد طلع على الفور وكشف عليها. "للأسف مات." رعد مسكه من رقبته. "انت بتقول إيه؟ انت مجنون؟ خالد: "صدقني يا رعد، أنا فحصت نبضها. مفيش." وزقه واتكلم بعصبية جداً. "بعدين قولتلك إن لازم تتنقل المستشفى وإنها ممكن تموت." رعد مسكه تاني وهو بيهزه بقوة وبيتكلم وعينيه بتطلع شرار. "انت تعمل كل حاجة تعرفها وترجعها تاني فوراً فوراً!

خالد من خوفه حاول يعمل أي حاجة وخلى الخدم بسرعة يجيبوا جهاز الصدمات الكهربائية وعملها صدمات. واحدة، اتنين، تلاتة. مفيش تجاوب منها. رعد: "تاني." خالد: "رعد ال... رعد بعصبية حادة جداً: "بقولك تاني! خالد من كتر رعبه عمل صدمات تاني والأجهزة بدأت تشتغل. خالد من كتر صدمته رجع لورا وقع كل اللي في إيده. رعد بنظرة انتصار: "مش قولتلك إنها هترجع." خالد مشي وقمر بدأت تفوق وتفتح عينيها. قمر بتوهان: "أنا... أنا... إيه اللي حصل؟

رعد قرب منها وقعد على السرير ومسك إيديها ورتب عليها بحنية. "كنتي ناويه تمشي تقريباً." قمر: "إيه اللي حصل أصلاً؟ وبصت على السرير واي الدم ده." رعد وشوشها في ودانها: "إيه اللي حصل يا قمري." *** تحت عند حامد وهدي. هدي بصريخ: "الحقوني! الحقوني! الحقوني! رعد طلع على صريخها. هدي بعياط وصريخ: "رعد الحق! الحق! ابوك ابوك وقع على الأرض ومش بينطق! الحقه! دخل الأوضة ولاقى قمر كانت بتحاول تقوم. راح لها ووقفها.

"أياكي تتحركي من هنا. ولو حصل أي حاجة برا مش هتطلعي من هنا." نزل تحت ووصى الخدامة تبقى مع قمر. وكان في الوقت ده خالد بيعمل الإسعافات الأولية وبيحاول ينقذه. رعد أخده وطلعوا على المستشفى. وبعد عدة ساعات من العملية الدكتور خرج بتعب وإرهاق. "العملية الحمد لله نجحت، بس للأسف المريض اتشل." الكل في صدمة: "إيييييه؟! رعد من صدمته وقع على الأرض.