رواية رفيف قلبي الفصل الرابع 4 - بقلم نجلاء عبد الظاهر

آسر بصدمة: رفييييف! جرى عليها بصدمة وخوف. كل الطلاب اتلموا عليها. آسر اتدخل وبعدهم عنها وشالها وراح بيها على مكتبه. وسط صدمة الطلاب. آسر حطها على الكنبة اللي في مكتبه وأزاح عنها نقابها وبعدها حرر شعرها. وبأصابعه بدأ يتحسس وجهها الملائكي بحنية. آسر لنفسه: مش عارف عملتي فيا إيه في يوم وليلة يا رفيف وإزاي اتحولتي وبقيتي بالجمال ده كله. بقا يتأمل ملامحها الساحرة اللي سحرته. وبعدها استدرك نفسه وإنها فاقدة الوعي.

وراح بسرعة جاب برفان وبدأ يفوقها لحد ما فاقت. آسر بلهفة قرب منها وسندها تتعدل. : انتي كويسة؟ رفيف بوجع وحطت إيدها على راسها: آاه كويسة. وفجأة آسر بعد عنها واتكلم بجمود. آسر بجمود: يلا علشان هنرجع البيت. وساعدها تلبس خمارها والنقاب وخرج قبلها. بعد مدة خرجت رفيف تحت همسات الطلاب. لم تهتم بهم وخرجت من الجامعة. وجدت آسر بإنتظارها بنفس المكان اللي نزلت منه. راحتله وركبت وهو ساق. وصل البيت ونزل وهي نزلت وراه.

آسر بجمود مسكها من إيدها: دلوقتى عايزك تحكيلي كل حاجة وإزاي اتحولتي بالشكل ده في يوم وليلة. آسر فجأة قرب منها وبقا يحسس على وشها: احكيلي يلا إزاي بقيتي كدا. رفيف اتوترت من قربه: ك كدا إزاي يعني. آسر بغضب زقها بعيد عنه: بت انتي! انتي عايزة تفهميني إنك كنتي كدا من الأول وأنا اللي ماكنتش شايف. وكان بيشاور على وشها. رفيف

فهمت قصده واتكلمت بخجل: مهو أنا قولتلك ماكنتش عايزة حد يشوفني غير الشخص اللي هفتح له قلبي ويفتح لي قلبه وأكون حبيبته ومراته وكل دنيته. وطلبت من بابا البس نقاب بس هو رفض وقالي لما تتجوزي اعملي اللي تحبيه. وبعدها بقيت بحط ميكب بطريقة بحاول بيها أغير ملامحي وكمان كان ميكب غامق علشان كدا كانوا زميلاتي وكل دفعتي بيتنمروا عليا في الجامعة علشان ماكنتش عايزة حد يشوفني جميلة غير اللي بحبه وبس. آسر قرب منها

وبقا يبص في عيونها بتوهان: يعني انتي بتحبيني أنا وأنا بس اللي شوفتك بالجمال ده. يعني مفيش حد يعرفك أو شافك قبل كده غيري. رفيف اتوترت وبقت تفرك في إيدها من كتر التوتر: آاه مفيش حد شافني كدا غيرك انت وبابا بس. آسر بتوهان: طيب قوليها. قولي بحبك يا آسر. رفيف اتذكرت لما رفضها وعايرها بوالدها ولبسها: لا أنا بقيت بكرهك ومبكرهش في حياتي قدك يا آسر.

آسر بغضب مسكها من شعرها: الكلمة دي لو سمعتها منك تاني هتشوفي وش مش هيعجبك مفهوم. رفيف الدموع لمعت في عيونها ونزلت غصب عنها. آسر أول ما شاف دموعها شدها لحضنه. آسر بحنية: هشش اهدى أنا آسف والله آسف. وقعد وشدها على رجله وبقى يمسح دموعها بإيديه بحنان وطبع قبلة سريعة على وجنتيها وأخرى على عنقها. رفيف كانت هتموت من الخجل. وبعدها ضمها ليدفن وجهه بين ثنايا عنقها يشم رائحتها اللي تشبه رائحة الأطفال.

رفيف بخجل وتوتر: آآسر لو لو سمحت ابعد. آ آسر. آسر بضعف: مش قادر. بعد مدة بعد لما حس بدموعها. آسر اتضايق من فكرة إنه السبب في الدموع دي: طيب بتعيطي ليه دلوقتي أنا عملتلك إيه. رفيف بدموع وخجل: أصل ااا نت يعني. اانا. آسر بحنية مسح دموعها بإيده: طب خلاص اهدى. إيه رأيك نعمل بيتزا مع بعض مش انتي بتحبيها. رفيف بفرحة وحماس طفولي: بجد هنعمل بيتزا. أنا بحبها أووي. يلا يلا. وشدته من إيده للمطبخ.

آسر عملها بيتزا وحطها على السفرة. رفيف بحماس: الله. ريحتها حلوة أووي. أنا اللي هدووق الأول. آسر بإبتسامة: بس كدا يا رفيف قلبي. تؤمر. رفيف اتوترت من الكلمة: ط ط يب يلا ناكل. آسر ابتسم على توترها وخجلها. مسك قطعة صغيرة من البيتزا بإيده. آسر بحنان: يلا أنا هاكلك. رفيف بتذمر طفولي: لا لا أنا هاكلها لوحدي. آسر ضحك على تذمرها اللطيف: لا أنا هاكلك أنا عارف إنك طفلة وهتبهدلي نفسك. رفيف بتذمر: على فكرة أنا مش طفلة ماشى. آسر

ضحك على تذمرها المحبب له: طيب يلا كلي بقا وإلا هاكلها لوحدي. رفيف بسرعة فتحت بوقها وأكلت القطعة من إيده. وبقا يأكلها بحنية. رفيف بشبع: خلاص يا آسر شبعت. آسر: طب إيه رأيك أذاكرلك شوية وبعدها نتفرج على فيلم مع بعض. رفيف بفرحة: بجد موافقة. يلاا. أنا هجيب الكتب بتاعتي. بعد ما مشيت رفيف. آسر لنفسه: حاسس إنك طفلة بريئة متستاهليش اللي كان هيحصلك. ياترى لو عرفتي سبب زواجي منك هيحصلك إيه. وفي نفس الوقت خايف أحبك.

فاق على صوتها. رفيف بقلق: آسر انت كويس. آسر: هاا نعم. فين الكتب. رفيف بتوتر: أنا بصراحة كنت عايزة أطلب منك طلب. آسر بإستغراب: إيه. رفيف بتوتر أكتر وخوف ليرفض طلبها: بصراحة أنا كنت عايزة أنزل أطمن على بابا تحت. ارجوك مترفضش ارجوك. اتفاجأت من رده. آسر بإبتسامة قام وقف: موافق يلا بينا. رفيف بفرحة سقفت بإيدها زي الأطفال ومرة واحدة باستُه من خده وحضنته. آسر اتصدم من حركته وبعدين بادلها الحضن. رفيف: يلا ننزل.

وكانت رايحة تفتح الباب. آسر بغضب: رفيييييف! رفيف اتخضت من صوته وبخوف: نعم. آسر بغضب: انتي هتنزلي كدا. رفيف بصت على نفسها كانت بهدوم البيت. شهقة بصدمة: ينهار! أنا هروح أغير. بعد مدة خرجت بفستان أسود جميل بنقوش بيضاء. وخمار أبيض ونقاب أبيض. وحطت لينسز أسود على عيونها وخرجت. آسر بتصفيرة إعجاب: قمر يا رفيف قلبي. وهمس في ودانها: وعيونك وانتي لابسة اللينسز قمرين علشان البحر اللي في عيونك مش مسموح لحد يشوفه غيري.

وبعدين بعد كدا تنزلي بيشة النقاب على عيونك. ومسك إيدها: يلا بينا. رفيف ابتسمت بخجل وتوتر ومسكت إيده: يلا. بعد 10 دقايق كانوا قاعدين مع بعض ورفيف كانت قاعدة في حضن باباها. رفيف: على فكرة أنا زعلانة منك. والدها ضحك على طفولتها: ليه يابنتي. رفيف: علشان مجتليش فوق وبوستني زي كل يوم. آسر قاطعها. آسر: رفيف قلبي روحي اعمليلنا شاي عايز أكلم عمي محمد في موضوع. رفيف بتوتر: شاي بس احنا معندناش.

والدها سريعا: فيه سخان في الكشك برة حببتي استخدميه. رفيف بإبتسامة: حاضر. خرجت رفيف تعمل شاي. وفجأة لاقت اللي بيشدها لحضنه. تعرفي إن النقاب حلو عليكي جدا بس من غيره أحلى. وفجأة شد نقابها و.