رواية رفيف قلبي الفصل السادس 6 - بقلم نجلاء عبد الظاهر

وفجأة نزل كف على وشها. رفيف حطت إيدها على خدها مكان الكف ورفعت عيونها اللي مليانة بالدموع وبصت له بعتاب. آسر بندم: رفيف أنا مقصدتش أعمل كدا، بس إنتي عصبتيني وأنا حذرتك قبل كدا من الصوت العالي. رفيف بغضب وبقت تضربه في صدره: عايزني أعمل إيه لما أعرف إن الشخص اللي حبيته طول عمري واتمنيته أبو عيالي يتجوزني عشان يبيعني لصاحبه، عايزني أعمل إييييه؟ آسر اتصدم من كلامها: أبيعك لصاحبي، إنتي عرفتي الكلام دا منين؟

رفيف مسحت دموعها بعنف: شيء ميخصكش يادكتور. آسر بعصبية: رفيف متعنديش معايا، مفيش حاجة من اللي قولتيها دي صحيحة. رفيف بغضب ودموع بتنزل غصب عنها: أومال إيه اللي صح، انطقققق وقولييييي إيه الصححح في حياتييي دي، كل حياتييييي بقت وجع من أووول معرفتك. وقعت على الأرض تبكي بهستيريا: كل حاجة راحت من أول ما أمي سابتني عشان الفلوس، وجيت إنت عايرتني برضوا عشان الفلوس. آسر بحزن على حالها وندم نزل لمستواها وضَمها

لحضنه: آسف، آسف على كل وجع اتوجعتيه في حياتك وكنت أنا السبب فيه، أوعدك هعوضك عن كل دا، بس إنتي أوعديني متبقيش زيها. رفيف رفعت عيونها له وبعدت عن حضنه وبإستغراب: هي مين دي؟

آسر قرب منها وشدها لحضنه: أوعى تكوني في حضني وتبعدي تاني، وبعدين مش مهم هي مين، المهم إنك جمبي. بس اوعي يارفيف قلبي في يوم تكدبي عليا أو تخدعيني، أنا أكتر حاجة بكرهها هي الكدب والخيانة، خليكي فاكرة دا كويس، لأن لو اكتشفت إنك بتكدبي عليا وقتها عقابك هيبقى كبيير أوووي. رفيف بتحاول تبعد عنه وتبص في عيونه: آسر، هو ممكن ييجي يوم وتحبني من قلبك؟ آسر

مكنش عنده إجابة لسؤالها: رفيف، إنتي جميلة وقلبك طيب، لو أنا محبتكيش يبقى أنا مستاهلش قلبك ولا حبك. وباسها على جبينها بحنية. آسر: إنتي عايزة تعرفي اتجوزتك ليه مش كدا؟ رفيف بخوف أومأت برأسها بمعنى نعم. آسر بخوف من القادم: قومي البسي يلا، هنخرج وهتعرفي كل حاجة. رفيف قامت تغير هدومها. وبعد شوية خرجت لابسة دريس كحلي عليه خمار أوف وايت ونقاب من نفس اللون وخرجوا.

آسر وقف قدام فيلا شكلها جميل جداً، كلها من اللون الأبيض وسقفها على شكل تاج، كان شكلها جميل جداً. رفيف بإنبهار: واو، الفيلا دي شكلها حلو اووى، بس إحنا ليه جايين هنا؟ آسر بحزن: أوعديني إن كل اللي هيحصل جوا دا مش هيخليكي تفقدى ثقتك فيا، وعايزك تعرفي إني بح... قاطعه صوت رفيف وهي مصدومة: بابا!

آسر بص شاف والدها، بس هيئته مختلفة، كان باين عليه من الطبقة الراقية جداً، مش عم محمد بواب العمارة اللي ساكن فيها، كان لابس بدلة تاكسيدو باين عليها غالية جداً. رفيف بصدمة: آسر، مش دا بابا؟ بس جاب الهدوم دي منين وإزاي هو هنا؟ آسر حاوط وشها بين إيديه وبص في عيونها: أه هو، لسه إنتي واثقة فيا؟ رفيف تاهت في عيونه وهزت راسها بـ نعم.

آسر تلقائي نزلت عيونه على شفتيها واقترب منها وأسرهم بين شفتيه يتذوق طعمهما وكأنها المرة الأخيرة التي سيتذوقهم بها. ابتعد عندما أحس بحاجتها للهواء. رفيف كانت بتاخد نفسها بالعافية وبصت حواليها من الخجل وخدودها احمرت. آسر بحب: أوعديني إن كل اللي هيحصل قدامك جوا ميأثرش على علاقتنا ببعض، اوعديني يارفيف قلبي. رفيف بقلق: آسر، أنا مش عايزة أعرف حاجة، رجعني البيت تاني.

آسر مسك إيدها وباسها ونزل ونزلها من العربية. وفجأة رفيف وقفت بصدمة من اللي شافته. رفيف بصدمة: ماما!