رواية رفيقة الدرب الفصل الثامن 8 - بقلم مي الحسيني

خالد: خلاص، أنا قررت أتجوز مي وهروح عندهم بكرة. تيجي معايا ولا إيه؟ خالد: طبعاً، بس هما عارفين؟ عبدالرحمن: لا، هما في إجازة. تاني يوم في بيت مي، كانت مي ومريم قاعدين مع بعض. مريم: تعالي نطلع فوق عشان ماما هتنزل تنفخني أنا وأنتي عشان اليوم كله قاعدة معاكي. مي: ماشي، بعد ما الكرتون ده يخلص. دخلت مامت مي ومعاها مامت مريم. فاطمة (مامت مريم) : يا بنات، إحنا عاوزينكم في موضوع. مي: خير يا طنط؟ تهاني (مامت مي)

: خير، إن شاء الله. مش عارفة أبدأ منين بصراحة، بس فيه اتنين عرسان جايين النهارده ليكم انتو الاتنين. مريم: هههههههه، عملتوها إزاي دي؟ جبتو الاتنين مع بعض؟ تهاني: والله مش إحنا اللي عملناها ياختي، لا وايه؟ الاتنين قرايب. مي: أيوه، مين هما يعني؟ فاطمة: هو في واحد دكتور في الجامعة والتاني مدير شركة. مريم ومي بصوا لبعض، لأن الصورة بدأت توضح معاهم. مريم: ماما، ممكن أعرف الأسماء لو سمحتي؟ فاطمة: واحد خالد والتاني عبدالرحمن.

(بكل عفوية) : آآآآه، قولي كده، هما دول. تهاني: نعم يختي، انتو تعرفوهم؟ مريم: أيوه يا طنط، هو عبدالرحمن الدكتور بتاع مي، أصلًا. تهاني: طيب، وخالد ده إيه؟ (وهي بتتكلم بسرعة) : هو ابن خالة عبدالرحمن، وهما الاتنين زي أنا ومريم بالظبط، وإحنا اتعاملنا مع الاتنين كام مرة كده في المكتبة وسمعلنا قرآن كام مرة كمان. تهاني: اهدى، اهدى، واتكلمي بشويش كده. قولي تاني. مي: لا، مانا قولت كل حاجة خلاص.

فاطمة: خلاص يا تهاني، نتكلم في الموضوع ده بعدين. عمومًا يا بنات، هما جايين بكرة، واللي في الخير يقدمه ربنا. تاني يوم، البنات قاعدين مع بعض. مي: هنعمل إيه يا مريم؟ أنا مش عاوزة أتجوز ولا أبعد عنك. مريم: وأنا كمان. إحنا نحاول نطفشهم بأي حاجة. مي: تمام يا أبو الصحاب. يلا نلبس. مريم: يلا. فاطمة: يا بنات، إحنا هنتفق هنا بس، في الرؤية الشرعية. مريم وخالد فوق عندنا في الشقة، ومي وعبدالرحمن هنا. البنات: تمام. عند خالد ومريم.

مريم: السلام عليكم ورحمة الله وبركاته. خالد: وعليكم السلام ورحمة الله وبركاته. اتكلمي يا مريم، ساكتة ليه؟ اسألي على كل اللي عاوزه تعرفيه. مريم: مش عارفة، أنا عارفة إنك شخص ملتزم ومش عاوزة أعرف أكتر من كده. بس أنا هقولك حاجة، أنا معرفش أطبخ. خالد: عادي، أعلمك. مريم: مش بحب أغسل المواعين. خالد: هغسلهم أنا. مريم: مش هنضف البيت. أنا بص، يا عم، أنا منفعة. خالد: بصي، إنتي عاوزة توصلي لإيه بالظبط؟ هو أنا فيا عيب يعني؟

طيب، إنتي خايفة مني يعني؟ متخافيش، أنا بحبك من أول مرة شفتك لما كنتي مستنية مي قدام السكشن. مريم: بص، إنت شخص كويس ومحترم، بس أنا ومي مينفعش نبعد عن بعض. إنت مش عارف العلاقة اللي بيني وبينها. خالد: بس كده؟ إنتي خايفة تبعدي عن مي؟ هو ده اللي إنتي رافضاه؟ مريم (بكسوف) : بصراحة، أيوه. خالد: سهلة. أنا وعبدالرحمن الشقق بتاعتنا فوق بعض، متخافيش. مريم: تمام. هصلي استخارة وأرد على حضرتك. عند مي وعبدالرحمن.

مي: السلام عليكم ورحمة الله وبركاته. عبدالرحمن: وعليكم السلام ورحمة الله وبركاته. اتفضلي، اتكلمي، أنا سامعك. مي: إنت بتحب الشعر الطويل ولا القصير؟ عبدالرحمن: إيه السؤال الغريب ده؟ مي: لا، جواب. عبدالرحمن: قصير. مي: طيب، أنا شعري طويل، منفعة؟ عبدالرحمن: عادي، أنا عاوز طويل. مي: اوف. طيب، إنت بتحب الشطة؟ عبدالرحمن: لا. مي: طيب، أنا بحبها جداً، مقدرش أعيش من غيرها. عبدالرحمن: سهلة، أحبها عشانك.

مي: طيب، أنا متهورة جداً ولساني طويل، منفعة؟ إنت اللي زيك عاوز واحدة هادية، مش أنا خالص. عبدالرحمن: ما أنا عارف، وبحبك كده، ومش عاوزك تتغيري. مي: يادي النيلة يا عم ارحمن. في اللحظة دي، تليفون عبدالرحمن رن. عبدالرحمن: بعد إذنك، أرد على التليفون. خالد: أيوه يا خالد، في إيه؟ إنت هتفضل طول عمرك فصيل كده؟ عبدالرحمن: يا عم، أنا غلطان عشان عاوز أفهمك. هي بتهرب منك ليه؟ خالد: ليه يا بارد؟ وإنت عرفت إزاي أصلا؟

عبدالرحمن: عشان كنت قاعد مع واحدة زيها. هي مش عاوزة تسيب مريم. خالد: آه، هي كده يعني. تمام يا خالد، سلام. عبدالرحمن: مي، أنا عرفت اللي فيها خلاص. مي: عرفت إيه يا ناصح؟ عبدالرحمن: عرفت إنك خايفة تتجوزي وتبعدي عن مريم، صح؟ مي: شكلك فاهم يا نصة. عبدالرحمن: أنا وخالد الشقتين بتوعنا فوق بعض أصلاً. أنا وخالد مع بعض على طول، وعلى ما أظن إنك عارفة. مي: من حيث كده، هصلي استخارة وأرد عليك. عبدالرحمن: تمام.

بعد فترة من الموافقة، مي ومريم طلبوا خالد وعبدالرحمن عندهم في البيت. الشباب: السلام عليكم ورحمة الله وبركاته. مي ومريم: وعليكم السلام ورحمة الله وبركاته. خالد: في حاجة ولا إيه؟ إنتوا طلبتونا. مريم: آه، كنا عاوزينكم في موضوع كده. عبدالرحمن (بقلق) : موضوع إيه ده؟ اتكلموا. مي: لا، دي حاجة بسيطة. إحنا مش عاوزين فرح. خالد: ممكن أعرف ليه؟ مريم: إحنا نكتب الكتاب ونروح بفلوس الفرح، عمرة أحسن.

مي: أيوه، ده أحسن بكتير، حتى لو كنا هنعمل فرح إسلامي، ده هيكون أحسن لينا كلنا. مريم: أيوه، نبدأ حياتنا صح بحاجة ترضي ربنا. خالد: تمام، أنا موافق. إنت إيه رأيك يا عبدالرحمن؟ عبدالرحمن: طبعاً، دي حاجة مينفعش إني أرفضها أصلاً. خالد: إحنا نبدأ في إجراءات العمرة من بكرة، وقبل معادها بيوم يكون كتب الكتاب. حلو كده؟ عبدالرحمن: تمام، كلام مظبوط جداً. البنات: تمام. يوم كتب الكتاب. خالد: عبدالرحمن، إنت اشتريت النقابات؟

عبدالرحمن: أيوه، اشتريتهم. يلا، يا دوب نوصل، اتاخرنا على الناس. خالد: تفتكر المفاجأة هتعجبهم؟ عبدالرحمن: طبعاً هتعجبهم، دي أمنية حياتهم أصلاً وأهلهم رافضين. الشباب وصلوا عند مي ومريم. الشباب: السلام عليكم ورحمة الله وبركاته. البنات: وعليكم السلام ورحمة الله وبركاته. خالد وعبدالرحمن: إحنا عملنالكم مفاجأة. البنات (بفرح) : بجد؟ وهي إيه؟ عبدالرحمن: ممكن تلوفوا وتغمضوا عنيكم؟ (بعفوية) : إيه الهبل ده يا عبدالرحمن؟ نلف ليه؟

عبدالرحمن: هبل؟ ماشي يا مي، أنا هعرفك الهبل بجد، بس مش دلوقتي. لوفوا وخلصوا. البنات لفوا، وعبدالرحمن وخالد لبسوهم النقابات. البنات فرحوا جداً، لأنهم أخيراً حلمهم اتحقق بعد الانتظار ده كله. مي: ده بجد يا مريم؟ بجد؟ مريم: هو ده حلم، صح؟ أكيد ده حلم. أخيراً بقيت ذات النقاب يا مي، حلمنا اتحقق. مي: أيوه يا قلبي، أخيراً. وبعدين حضنوا بعض. عبدالرحمن: لا، مش وقت انبهار خالص دلوقتي. المأذون هيمشي، يلا.

وتم كتب الكتاب بحمد الله، وأطلق المأذون جملته الشهيرة: "بارك الله لكم وبارك عليكما وجمع بينكما في خير". عبدالرحمن: مبارك يا حبايب. الكل: الله يبارك فيك يا عبدالرحمن. مي: إلى متى يا سُكّر؟ مريم: إلى الأبد يا لوز. تم.