رواية رغد وجاسر الفصل الأول 1 - بقلم حنين محمد

بنزل من على سلم عمارتنا وأنا ببص حوليّا، خايفة أقابل ولاد عمي. إحنا ساكنين في الدور الأول وهما في الدور التاني. ياسمين: إزيك يا رغد، رايحة فين؟ رغد: يلهوي، خضتيني. ياسمين بضحك: إيه دا، انتي شوفتي عفريت؟ من خلفهم: إنتي لسه ممشيتيش يا ياسمين؟

مهاب أخو ياسمين. ولاد عمي محمود ملتزمين أوي على عكسي. ياسمين بنت عمي مختمرة ولبسها محتشم. أما أنا فبلبس بناطيل متقطعة وشعري. مش عارفة هي إزاي بترتاح في اللبس دا، أنا مبحبش الدريسات والحاجات دي، أنا برتاح بشعري وبنطيل. مهاب ابن عمي ملتزم برضه بس مش أوي زي جاسر أخوه. أنا مبحبش أقابلهم عشان بيكلموني في لبس الطرحة واللبس المحتشم، بس أنا مبحبش اللبس دا، أنا بحب أكون براحتي. قلت بعد ما فقت من شرودي:

إزيك يا مهاب، إزيك يا ياسمين. مديت إيدي أسلم عليهم، سلموا عليا. ياسمين: عاملة إيه يا روحي؟ رغد: الحمد لله كويسة. مهاب: طب يلا يا ياسمين روحي مشوارك، وانتي يا رغد روحي كليتك. رغد في سرها: الحمد لله، جاسر مش هنا. رغد: أوك، يلا يا ياسمين. جاسر من وراهم: السلام عليكم. عينه جت في عيني، بصلي بقرف وبعد عينه وقال بزعيق: إيه اللي انتي لابساه دا يا ست هانم؟ أهلك ربوكي على كده؟

الله يرحمه عمي بقا ملحقش يربيكي، بس أنا اللي هربيكي من اليوم ورايح. امشي غيري اللي انتي لابساه دا. رغد بدموع من كلامه: أنا متربية كويس يا دكتور، وأنا مش هغير لبسي. جاسر بتريقة: أه، منتي عاجبك الولاد في الكلية يبصوا للحم المعروض لهم ببلاش. رغد عيطت جامد من كلامه، إزاي يهين شرفها كده. وسبتهم ومشيت راحت على كليتها. أنا مش عارفة هو بيعاملني كده ليه ومبيحبنيش ليه.

مشيت وأنا زعلانة وقلبي مكسور، بقا دا جاسر حب طفولتي. من دلوقتي لأ، أنا مبقتش أحبه ومش هسمحله يهين شرفي تاني. مسحت دموعي ومشيت وأنا بفكر، هو أنا بلبسي دا بعرض جسمي؟ نفضت الأفكار دي من دماغي وركبت تاكسي للكلية عشان متأخرش. عند جاسر: إزاي تسيبني وتمشي كده وأنا بكلمها وكمان متسمعش كلامي؟ ياسمين:

اهدّي كده يا جاسر، انت عارف رغد دماغها ناشفة وبتعمل اللي هي عايزاه. وبعدين براحة عليها شوية، مينفعش الكلام اللي انتي قولتهولها دا غلط. جاسر في نفسه: والله لربيكي من أول وجديد يا رغد وأعلمك إزاي تسمعي كلامي. جاسر: طب يلا، أنا همشي دلوقتي على الكلية عشان هتأخر. أشوفكم بعدين. ومشى. مهاب: ربنا يهديه. ياسمين: يا رب. دا الاتنين أعند من بعض. عند رغد في الكلية: رغد تليفونها بيرن: الو، إيه يا زفتة، انتي فين؟ سارة:

أنا قدام باب الكلية أهو يا ختي. رغد: طب يلا سلام يا هبابة البرك. وقفت بسرعة قبل ما ترد عليها. رغد راحت لسارة. سارة بمشاكسة: انتي مفكرة نفسك هتروحي فين؟ بقا أنا هبابة البرك؟ سارة بعد ما حست إن رغد فيها حاجة، فهي صديقتها المقربة: مالك يا رغد؟ رغد والدموع بدأت تتجمع في عنيها: أنا مش عارفة عملتله إيه عشان يعاملني كده. سارة بزعل: جاسر مش كده. رغد بدموع: مفيش غيره بيزعلني على طول، دايماً بيزعقلي من غير سبب. سارة:

زعقلك النهارده؟ رغد: اه. قال أنا بلبس كدا عشان أعرض جسمي للولد. سارة بعد ما نظرت للبس صديقتها، وهو عبارة عن تيشرت قصير وبنطلون ضيق: الصراحة يا رغد، انتي مأفورة في لبسك النهاردة. وأكملت بضحك: يا حمارة، هو زعقلك عشان غار عليكي. قوليلي يا آخر صبري، هببتي إيه؟ رغد: مسمعتش كلامه وعيطت ومشيت بسرعة. سارة: غبيه، هو كدا مش هيحبك زي ما انتي عايزة. رغد:

مش مهم بقا، أنا مبقتش عايزاه يحبني. أنا مش هحضر أول محاضرة عشان هو اللي هيدخلها. ابقي اكتبيها وهاتيهالي، أنا هستنى في الكافتيريا. سارة: خلاص براحتك. أمشي أنا بقا عشان لو اتأخرت انتي عارفة اللي هيحصل. رغد بضحك: ماشي يا قلبي. مشيت سارة، وراحت رغد على الكافتيريا قعدت تذاكر. جاسر: السلام عليكم. الطلاب: وعليكم السلام يا دكتور. جاسر قعد يدور بعينه عليه بس ملقهاش. بعد انتهاء المحاضرة: جاسر بقلق: آنسة سارة، هي فين رغد؟

سارة بتوتر: رغد تعبت شوية وراحت على الكافتيريا. جاسر سابها ومشي راح الكافتيريا. رغد: الو يا بنتي، انتي فين كل دا؟ سارة: الدكتور جاي ليكي. رغد باستفهام: دكتور مين؟ شخص من خلفها: أنا يا رغد. رغد في نفسها: أنا عارفة الصوت دا، يا رب ما يكون هو.