رواية رغد وجاسر الفصل الثاني 2 - بقلم حنين محمد

رغد في نفسها: أنا عارفة الصوت ده. يا رب ما يكون هو. مراد: رغد. لفت رغد لتجد مراد. رغد: عايز إيه يا مراد؟ مراد: عايزك تحبيني زي ما بحبك. كان جاسر قرب عليهم. ولما سمع مراد بيقول كده، كان فقد أعصابه وهيروح يضربه، بس أوقفه رد رغد عليه. رغد: وأنا قولتلك مبحبكش يا مراد. وابعد عني لو سمحت. مراد بزعل لردها اللي بترده عليه كل مرة: ليه بس؟ أنا فيا إيه؟ رغد: مفيش فيك حاجة يا مراد. جاسر لما سمعها بتقول كده حس

بغيره عليها وقال في نفسه: هو أنا غيران عليها ليه؟ ما تولع. بس دي بنت عمي عشان كده غيران عليها. أنا همشي من هنا أحسن. ولسه هيمشي، سمعها بتقول. رغد: أنا بحب واحد يا مراد. وأكملت بزعل حاولت تداريه: وهو كمان بيحبني. فلو سمحت ابعد عني. مراد وقد يأس من محاولاته: خلاص يا رغد. ربنا يهنيكوا ببعض. بس ممكن نبقى صحاب؟ رغد بابتسامة: إن شاء الله تلاقي اللي يحبك وتحبها. مفيش مانع نبقى صحاب. مراد: تمام. اتفقنا.

مشي مراد وسابها في الكافتيريا. جاسر في نفسه: هي بتحب واحد وهو بيحبها. وأنا اللي فاكرها بتحبني. جاسر ببرود عكس اللي جواه: عادي. أنا أصلاً مش بحبها. جاسر حس بنغزة في قلبه، بس فاق من شروده وراح لها. جاسر: رغد. رغد بخوف منه: في إيه يا دكتور؟ جاسر: مجتش حضرتي المحاضرة ليه؟ رغد: كنت تعبانة شوية. جاسر زعل عليها: تعبانة ولا مش عايزة تشوفيني؟ رغد بدموع: أنا بخاف منك عشان علطول بتزعقلي.

جاسر قلبه زعلان على دموعها اللي بتنزل بسببه، بس هي اللي غبية، دايماً بتستفزه بلبسها وتصرفاتها: أنا بزعقلك عشان انتي مبتسمعيش كلامي. رغد: لو تفهمني براحة، أنا هسمعلك. بس انت... سارة: يا رغد يلا هنتأخر على محاضرة دكتور سامح. جاسر بحب: روحي دلوقتي محاضرتك ونكمل كلامنا بكرة. رغد بفرحة إنه بيكلمها كدا: حاضر. ومشيت هي وسارة راحوا على المحاضرة. دخلوا المحاضرة. بعد انتهاء المحاضرات اللي عليه.

رغد بتعب: إيه اليوم المرهق ده يا بت يا سارة؟ سارة: آه والله. بس قوليلي المز كان بيقولك إيه؟ رغد: الله يخربيتك. وضربتها على كتفها. وقالت وهي سرحانة في ملامحه: عيونه الزرقا ولا دقنه الرجولية وشعره اللي نفسها تلمسه وتنعكشه. الصراحة هو مز أوي. سارة بضحك: والله ووقع الجميل بتاعنا. رغد بعد ما فاقت: بس يا بت يلا امشي روحي من قدامي. سارة: آه والله، دا أنا هروح أنام علطول. رغد: يلا يا غيبوبة هانم.

مشيت سارة وفضلت رغد واقفة مستنية مواصلات. رغد في سرها: يبختك يا بت يا سارة بيتك قريب من الكلية. عدى وقت ومفيش ولا عربية وقفت لرغد. جاسر بعد ما خلص محاضراته لقي رغد لسه واقفة. جاسر بجدية: إيه اللي موقفك لحد دلوقتي؟ مروحتيش ليه؟ رغد: مش لاقية. ولم تكمل كلامها. جاسر بغرور: طب يلا تعالي اركبي معايا عربيتي. رغد بعند: لا مش عايزة، شكراً يا دكتور. جاسر بغضب: خلاص براحتك. ومشي وسابها. رغد في سرها: مغرور. هو ما صدق ولا إيه؟

مشي على طول حتى ما اتحايلش عليا. بعد مدة. جاسر قلق عليها. رن عليها تليفونها لقاه مقفول. نزل الدور اللي تحت عند بيت عمه. فتحت ست كبيرة الباب. فوزية: إيه يا جاسر يا ابني؟ جاسر: هي رغد هنا؟ فوزية: لسه موصلتش. بقلق: فيه إيه ولا إيه؟ جاسر مرضيش يقلقها: لا مفيش حاجة يا مرات عمي، كنت بس بسأل عليها. ومشي جاسر من عند مرات عمه. ركب عربيته بسرعة ورن عليها لقى تليفونها مغلق لسه. وصل عند المكان اللي كانت واقفة عنده ولقا...