رواية رغم احزاني الفصل العاشر 10 - بقلم ياسمين غنيم

أميرة: انتي عايزة مني إيه؟ أنا عملتلك إيه في حياتك عشان تعملي معايا كده؟ ريم: ساكتة مش بترد. أميرة: مترديش عليا. ريم: انتي عايزة إيه؟ مش اتجوزتي برق وخلاص؟ عاوزة إيه تاني؟ أميرة: عايزة أعرف ليه وافقتي تتجوزي برق وإنتي عارفة إني بحبه؟ وإنتي بتحبي محمد، ليه عملتي كده؟ ريم: بتوتر: محمد مين؟ أميرة: انتي فاكرة إني معرفش عنك حاجة؟ تبقي غلطانة. ريم: قصدك إيه؟

أميرة: صورك الزبالة مع الحيوان ده معايا كلها، حتى التسجيلات اللي بينكم كلهم معايا، وفيديوهاتكم. ريم: أنا مش فاهمة حاجة. أميرة: لا، عارفة أنا بتكلم عن إيه. أوعي تكوني نسيتي محمد. ريم: إنتي بتراقبي؟

أميرة: لا طبعاً، ده مش طبعي. أستاذ محمد بتاعك كان طالب من نور فلوس عشان مينشرش صورك يا هانم، وكان طالب مبلغ كبير. نور مكنش معاها فلوس تكفي، فطلبت مني أكلم المبلغ ونديهوله. إنتي فاكرة نور بعدت عنك وكانت رافضة جوازك من أخوها ليه؟ ريم: إنتي بتكذبي، إنتي عملتي كده؟ أميرة: أيوه والله، بس مش عشانك. لا، عشان خاطر جدو وعمو علي اللي واثقين فيكي ثقة عامة. إنتي واحدة زبالة، خسارة فيكي المساعدة. ريم: أنا بكره نفسي وبكرهكم كلكم.

أميرة: ليه كل ده؟ ليه معقدة نفسك؟ ليه عايزة تدمرى نفسك وإنتي تقدري تعيشي حياة مبسوطة وسعيدة بيه؟ ريم: بتبكي: عشان ضيعت كل حاجة في حياتي ودمرت نفسي، مش لسه هدمرها. أميرة: باستغراب: قصدك إيه؟ احكي، أنا هسمعك. أنا أختك يا عبيطة، هخاف عليكي وهحتويكي فيكي، يا حبيبتي. ريم: أنا ضيعت نفسي خلاص يا أميرة. أميرة: بشفقة: فيه إيه يا بنتي؟ قلقتيني عليكي. ريم: إنتي زعلانة عشان محدش عندك أهل، صح؟

يا أميرة، إنتي أحسن مني بكتير. أنا أهو عندي أهل، عندي أب وأم وأخ، مفيش حد فيهم عمره جه سألني أحوالك إيه، إنتي فرحانة ولا حزينة، تعبانة ولا مخنوقة ولا زعلانة. مكنتش عندي حد يهتم بيا. أمي ولا كأني بنتها، كل همها الفلوس وبس، ولا تعرف حاجة عن بنتها. عمرها ما جت حضنتني وطمنتني إنها جنبي، ولا عملت معايا زي الأمهات التانية. فاكرة لما بعت وأنا عندي سبع سنين وكان عندي حمى شديدة، وقتها جدتي الله يرحمها هي وإنتي اللي سهرتوا جنبي. أنا مش ناسيه. وضحتك بكسرة، ولا بابا كل همه الشغل وبس، ولا يعرف عني حاجة ولا نفسي في إيه. فين السند والأمان والاهتمام اللي المفروض أخده منه. ولا أخويا اللي بيحبكم كلكم عني ويسأل عليكم، ولا معبرني.

بزعيق: فين الدعم والقوة والصديق والأخ اللي المفروض أخده منه. مرة، مرة واحدة بس، افتكري مرة خرجنا مع بعض بحرقة، أو حتى قعدنا مع بعض نهزر أو نتكلم زي أي اتنين أخوات. ليه بيعاملني وحش؟ أنا مليش دعوة بماما ولا باللي بتعمله. أنا كان نفسي في عيلة بسيطة أحبهم ويحبوني. إنتي فاكراني وحشة عشان باخد فلوس كتير؟ أنا مش بصرفها، عايزة تعرفي كنت بعمل بيها إيه؟ ثواني هجيب حاجة. ريم فتحت الدولاب: خدي شوفي ده.

أميرة: دي إيصالات إنك كل شهر بتبرعي بمبلغ لدار الأيتام. إنتي بتعملي كده فعلاً؟ ريم: بتهز راسها بدموع: مش عايزهم يحتاجوا حاجة ولا يحسوا بنقص زيي. أنا مش وحشة والله يا أميرة زي ما انتوا فاكرين، ولا بكرهك زي ما بقولك. والله بحبك، بس ماما كانت دايماً بتقومني عليكي. أنا آسفة. أميرة: آسفة إيه؟ ده إنتي تعبتيني معاكي أوي. تعالي في حضني يا قلبي. كل ده فيكي وأنا معرفش حاجة. ريم: عشان أنتوا بعدتوا عني مرة واحدة.

أميرة: إحنا أخوات والمفروض لما شوفتينا بعدنا عنك كنتي لازم تيجي تتكلمي معانا. وتسألي ليه؟ مش إنتي كمان تبعدي عننا. ريم: أنا عارفة إني غلطانة. هحاول أصلح الغلط اللي عملته معاكم. أميرة: ليه حاسة إنك مخبية عني حاجة؟ قوليلي كل حاجة. أنا معاكي، مستحيل أسيبك. ريم: بتوتر: هااا. أميرة: فيكي إيه يا ريم؟ قولي. ريم: بخوف: أنا ضعت يا أميرة وضيعت نفسي. أميرة: مش فاهمة. وضحي كلامك. ريم: احم احم. أنا كنت في علاقة غير شرعية مع محمد.

أميرة: اتصدمت: من اللي سمعته. إنتي بتقولي إيه؟ ريم: ومش كده وبس، أنا بتعاطى مخدرات. أميرة: إنتي مجنونة! إيه اللي بتقوليه ده؟ ريم: بزعل وندم شديد: للأسف ده اللي حصل معايا. أميرة: يا الله! إيه المصيبة دي؟ طيب وجوازك من أحمد؟ ريم: مهو أحمد طلقني. أميرة: بصدمة: إيه؟ إمتى الكلام ده؟ إنتوا كنتوا لسه معانا امبارح وكويسين؟ ريم: النزيف معانا مشكلة. امبارح وطلقني.

أميرة: بس الجواز مختلف، عن أي علاقة تانية. يعني مش بمشكلة تطلقوا كده؟ ريم: لا يا أميرة، المشكلة كبيرة. وإنتي عارفة إن أنا وأحمد مش لبعض. ولا هنعرف نتفاهم مع بعض. ريم بدموع: أميرة، عشان خاطري ساعديني. أنا مليش حد غيرك. أميرة: اهدي يا ريم. إحنا هنحل مشكلة مشكلة. أولاً كده، إنتي لازم تسافري تتعالجي بره مصر أحسن. ريم: طيب، هسافر إزاي؟

أميرة: هنقول إن فيه منحة في الكلية بتاعتك وإنتي لازم تسافري هناك. وأنا هكلم لك دكتورة أعرفها هناك بتعالج من الإدمان. ريم: طيب، جدو هيرضى إني أسافر؟ أميرة: سبيها عليا. أنا هقول لجدو إنك متأثرة من طلاقك من أحمد، وإن دي فرصة عشان تخرجي من اللي إنتي فيه. ريم: تفتكري جدو هيوافق؟ أميرة: سبيها عليا يا حبيبي. يلا نامي بقى، الوقت اتأخر. ريم: ينفع تاخديني في حضنك النهارده؟ أميرة: بابتسامة: أكيد يا قلبي. أميرة.

ريم: شكراً ليكي يا أميرة. إنتي فعلاً زي ما برق بيقول، سمو الأميرة أميرة. أميرة: خلاص، عشان كده هغتر وأنام لوحدي. ريم: بحضنها: ربنا يخليكي ليا يا رب. أميرة: وإنتي كمان. في جهاز المخابرات. رعد: ها، جاهزين يا أبطال؟ الجنود: أيوه يا فندم.

رعد: إحنا هنتقسم على تلات فرق. أنا وبرق وفهد. ومش عايز غلط. المهم دي هتحدد مصيرنا كلنا والمصير كل الأجيال الجاية. دول أكبر عصابة مخدرات وتجارة أعضاء. لو خسرنا، هنخسر كل حاجة. مهنتنا وثقتنا في نفسنا، وثقة كل الناس فينا. لازم نكون جاهزين كويس. وخلیکم واثقين إننا هنقدر نكسب المهمة دي زي كل مهمة خرجنا منها ورجعنا رافعين راسنا وراس بلدنا. جاهزين يا أبطال؟ الجنود: جاهزين يا فندم. رعد: النصر الله، الله أكبر.

الجنود: النصر الله، الله أكبر. رعد: يلااا، كل واحد مكانه. برق: خلي بالك من نفسك. رعد: في إيه يا بني؟ مالك؟ مش واثق فيا؟ برق: مش عارف، بس حاسس إن فيه حاجة هتحصل. رعد: واحد للكل والكل للواحد. إنت نسيت إحنا مين ولا إيه؟ فهد بضحكة: لا طبعاً. ثعلب وعقرب وفهد، مخابرات، فرق MBS، القتل. رعد: يلااا عشان نتحرك. ويخرجوا مع بعض. وهما خارجين: رعد: فهد. فهد: نعم، في حاجة؟ رعد: خلي بالك من نفسك. فهد: أخوك قوة، متخافش. رعد: أخوك؟

فهد: مش بتعتبرني أخوك الصغير؟ رعد: أكيد، من غير ما تقول. بس خلي بالك من نفسك. ويبدأوا يتحركوا، وكل واحد مع فريقه يستلم مكانه. رعد وفريقه هيهاجم من الأمام. وفهد من وراه. أما برق، هيستنى لما يشوف عددهم كلهم. رعد: كل واحد مكانه. برق: الحق يا ثعلب، في مجموعتين. واحدة بتسلم والتانية بتستلم. رعد: بخبث: عارف. بيسلموا الأعضاء ويستلموا المخدرات. فهد: معاهم على الخط: يعني إنت عارف إنهم مجموعتين؟ طيب مطلبتش إمداد أكتر؟

رعد: والعقرب بيعمل إيه هنا؟ برق: قصدك نحصارهم؟ رعد: بالظبط. فهد: تمام. الجماعة وصلوا. يلا. رعد: أنا هتحرك، وإنت بعدي على طول. رعد بيبدأ بالهجوم، وبعدها فهد بيتحرك من ورا الجبل. وبعدها برق بيدخل مع فريقه، بس برق بيتحاصر من الناحيتين. رعد بيقتل ابن الزعيم عشان بيحاول يهجم على فهد. فهد: شكراً يا أخويا.

رعد: بص له باستغراب. ركز بسرعة. وسط ضرب النار، بيحاول الزعيم يقتل رعد، بس برق بيجري عليه في نفس الوقت. فهد بيلاحظ ده، فبيجري عليهم. ويقعوا في الأرض، رعد وبرق. بس للأسف فهد بيتصاب. رعد: فففففهد. أما برق: بيصدر المسدس على راس الزعيم. رعد: فوووق يا فهد! إنت غبي ليه عملت كده؟ أنا قولت لك خلي بالك من نفسك. كنت حاسس إن هيحصل لك حاجة. فهد: بضعف: أمي واختي أمانة في رقبتك ليوم الدين. أوعي يجرى لهم حاجة.

رعد: لا، إنت بطل. هتفوق وتعيش. وإنت اللي هتخلي بالك منهم. فووووووق يا فهد. برق: بيستغرب حالة رعد وخوفه على فهد بالطريقة دي. برق: أنا طلبت الإسعاف. حاول توقف النزيف. رعد: أنا مش هستنى الإسعاف. أنا هاخده على المستشفى. برق: طيب، استنى نجيب الساند نرفعه بيه. رعد بزعيق: بسرعة يا برق! إنت لسه واقف؟ بياخده على المستشفى. رعد: عايز دكتور بسرعة. الممرضة بتجيب الترولى، ورعد وبرق بينقلوه عليها، ويدخل العمليات.

رعد: يارب استرها عليه. برق: اهدي يا رعد، هيبقي كويس صدقني. رعد: أنا رايح أصلي وأجي. برق: استنى، أجي معاك. رعد: لا، أنا هروح لوحدي. وبعدين تروح إنت. مش هينفع إحنا الاتنين ونسيبه لوحده. برق: تمام، روح إنت. بعد ساعة بيرجع رعد. برق: رعد، إنت كويس؟ فيك إيه؟ رعد: أنا كويس. محدش طلع طمنك؟ برق: للأسف، لا. رعد: طيب، روح إنت. بعد ساعة كمان الدكتور بيخرج: محتاجين دم ضروري، وعايزين متبرع وفصيلته نادرة. رعد: فصيلة إيه؟

الدكتور: O سالب. رعد: دي فصيلتي. خد مني. وأنا كمان دي فصيلتي. خد مني أنا. رعد والدكتور بصوا على مصدر الصوت. بيشوفوا إيه من الجمال. الدكتور: مين حضرتك؟ البنت بدموع: أنا بكون أخته. دكتور: روحي مع الممرضة عشان تجهزي. البنت: ماشي. بعد التحاليل: دكتور: للأسف، مش هنقدر ناخد منك. البنت: ليه؟ الدكتور: عشان إنتي عندك نسبة سكر في دمك. البنت: بتبكي: يعني فهد هيروح مني؟ رعد: خلاص، أنا نفس الفصيلة. خد مني أنا. البنت:

بصت عليه: أبيه رعد. وجرت عليه حضنته. رعد: استغرب تصرفها: اهدي يا آنسة، هيبقي بخير. يلا يا دكتور، أنا جي معاك. بيسبها ويروح مع الممرضة. وبتحسب منه دم كتير. بعد فترة: الممرضة: اتفضل اشرب العصير ده عشان سحبنا دم كتير. وبيخرج: بيشوف البنت قاعدة لوحدها بتعيط جامد. بيروح عندها. في نفس الوقت الدكتور بيخرج: الحمد لله، قدرنا بقدر ربنا ننقذه. البنت: الحمد لله، ألف حمد وشكر. رعد: ألف سلامة عليه، وحمدلله على سلامته.

البنت: أبيه رعد. رعد: نعم. البنت: شكراً لإنقاذك لأخويا. رعد: على إيه؟ ده واجبي. بس إنتي تعرفي اسمي منين؟ البنت: أعرفك بنفسي. أنا ياسمين، توأم فهد. بس مفيش بينا شبه. وفهد في البيت مش بيتكلم على حد غيرك. وبرق ابن عمك، صح؟ رعد: بابتسامة: صح. ومرة تانية، ألف سلامة عليه. ياسمين: الله يسلمك. على فكرة، إيدك متعورة. رعد: ده جرح صغير. بعد شوية فهد بيخرج من أوضة العمليات لغرفة عادية.

برق: رعد، إنت تعبان. روح وأنا هفضل هنا مع فهد لحد ما يفوق. ولسه هيراوح الجهاز عشان المعلومات عن القضية. رعد: تمام، سلام. ولو احتجت حاجة كلمني. برق: ماشي. مريم: بتكلم في الفون. مريم: يابني، ده مش دراين بنفسه هيدر بيا. ....... : بس برضو خلي بالك من نفسك. مريم: ي حبيبي، متحرمش منك أبداً يا قلبي. ....... : مريممووو! هتيجي بكرة بقي، إنتي وحشتني. مريم: أكيد يا حبيبي، هاجي بكرة. بس أدعي يكون الحيوان ناطق ميكنش هنااا.

....... : الله يخربيتك يا مريم! هموت ضحك. مريم: بتصرخ: ااااااااااه.