رواية رغم احزاني الفصل الحادي والعشرون 21 - بقلم ياسمين غنيم

دخل رعد يجري على الغرفة: في إيه يا مريم؟ مريم بتعب: مياه، عايزة مياه. رعد: بتقولي إيه؟ أميرة بتجري على المياه: أوعى يا رعد، عايزة مياه. أميرة بتساعدها عشان تقوم. أميرة: انتي كويسة؟ رعد: برق، نادي على الدكتور بسرعة. برق: حاضر. مريم بتبص على أميرة وساكتة. أميرة بدموع: أجي؟ مريم هزت راسها. أميرة: جرت عليها حضنتها جامد. والله ما كنت أعرف إنك لسه عايشة. أنا كنت كل يوم بكلمك وكان نفسي تحضنيني زي كده أوي.

بدموع أكتر: أنا كنت كل يوم بفتح السلسلة، بكلم معاكي ومع ماما، وبقولها إنها حرمتني منك. بتقوم من حضنها: بصي كده، أنا مش بخلعها خالص. انتو كنتوا دايماً معايا. وأماني بصي. وبتفتح السلسلة. مريم بدموع: أنا أحلى، شوفي حتى وأنا صغيرة أنا أجمل. أميرة: حتى وإنتي تعبانة قمر يا ولاد. مريم: بس أنا بتكلم على اللي هنا. وبتشاور على السلسلة. أميرة برقت: إنتي لسه محافظة عليها؟

مريم: بس السلسلة اتقطعت، عشان كده ركبت دي بدالها. وبصت على رعد وقتها. رعد بيفتكر لما جات أول مرة البيت. فلاش باك رعد: لما اغتصبها، شدها من على السرير. يلااا عشان زهقت ومش فاضي. وبيرميها على الأرض. مريم: آآآه. بنهار، بتداري نفسها وبتحاول تقوم، مش قادرة من تعب. رعد بهدوء ولا كأنه عامل حاجة: إنتي هتمثلي؟ اخلصي. ورايا شغل.

وبتقوم من الأرض وبتطلع بره الشقة. وبتفتكر إن السلسلة مش في رقبتها، دي الحاجة الوحيدة اللي بتفكرها بمامتها وتؤام روحها. مريم رجعت مرة تانية بتخبط على الباب. رعد لما فتح الباب اتصدم إنها رجعت تاني: شايفك رجعتي. فكرتي تاخدي الفلوس صح؟ لا لا، خليني أخمن، رجعتي تستمتعي معايا صح؟ خلاص خلاص، متبصيش كده. رجعتي عشان لبسك مقطع صح؟ مش عارف إنتي مكسوفة إزاي وإنتي ده شغلك. مريم زاحته لورا ودخلت الأوضة.

بس بترتعش جداً وعمالة تدور على حاجة. ورعد بيراقبها. حتى ما بتميل على حاجة وبتخدها، وبتلف وشها تشوفه واقف وساند على الباب. رعد: إيه ده؟ مريم: لما بكون بكلمك تردي عليا. بقولك إيه دي؟ مريم بتخبيها ورا ضهرها ورعد بيشد منها، وهيا ماسكة فيها، فبتقطع منهم. مريم: لاااا، ليه حرام عليك كده. حتى الذكرى الوحيدة اللي باقية من ماما دمرتها. وهنا رعد مستحملش وشدها ورا. ورماها بره البيت.

مريم: مسكتها. أنا آسفة، حتى دي مقدرتش أحافظ عليها. عودة للواقع رعد: بعد إذنكم. برق: استنى يا رعد، هاجي معاك. وبيخرجوا من الأوضة. أميرة: مالك يا مريم؟ إنتي تعبانة يا حبيبتي؟ مريم بابتسامة: لا، سلامتك. أميرة: طيب، أسيبك تستريحي. وبتقوم. مريم بتمسك إيديها: لاااا، أنا محتاجاكي أوي. أميرة: وأنا معاكي يا قلبي. طيب، ادخلي شوية. أنام جنبك عشان هموت من التعب. مريم: سلامتك من التعب يا بنوتي. أميرة: بنوتي؟

مريم: وأحلى بنوتة في الكون. برق: مالك يا رعد؟ رعد: مفيش. قولت أكيد عايزني يتكلموا مع بعض عشان كده خرجت. برق: وأنا أهبل، هصدقك. إنت اللي قطعت السلسلة لمريم صح؟ رعد: عرفت إزاي؟ برق: كان باين جداً عليك وعليها. أول ما اتكلمت بصت عليك، وإنت كمان بصيت عليها. رعد: أيوه أنا يا برق. قولتلك اللي عملته فيا مش قليل. يا برق، عشان تسامحني. يارب تسامحني. هو دخول الحمام زي خروجه. ياسمين بخضة: هااا؟ عصف: إيه؟ شوفتي عفريت؟

ياسمين: لا، شيطان. عصف: بت، أنا... ياسمين: لا، اسمع انت. أنا جاية هنا أعمل حوار مع مدير الشركة. فما يجيش حتة موظف زيك يكلم معايا، فاهم؟ ولا أفهمك؟ عصف: فاهم طبعاً. إنتي قولتي إنك عايزة تقابلي المدير صح؟ ياسمين بثقة: أيوه. عصف: طيب، اتفضلي في المكتب. وهو خمس دقايق ويكون عندك. ياسمين: لا، هستنى هنا. عصف: إزاي يا فندم؟ لازم تدخلي جوه. حضرتك مذيعة قد الدنيا صح؟ ياسمين: لو كده، ماشي.

عصف بيكلم السكرتيرة: مش عايز أي مخلوق يدخل علينا، مفهوم؟ السكرتيرة: حاضر يا عصف بيه. عصف بيدخل ويقفل وراه الباب: أظن المكتب عجبك صح؟ ياسمين: إنت بتعمل إيه؟ عصف بيشمر الكم وبيُقرب منها. ياسمين: إنت بتعمل إيه؟ والله أصوت وألم عليك الناس. عصف: بقي أنا حيوان وطور غير منتظم وإيه؟ ياسمين: شيطان. أه، وكمان أهبل. عصف: إيه؟ ياسمين: يالهوي، إيه اللي بقوله ده. قصدي إنك إنسان محترم وكمان منتظم جداً في مواعيدك.

عصف بنفاذ صبر: بت، إنتي طلعتيلي منين وعايز إيه؟ ياسمين بخوف: والله ما عايزة منك حاجة. أنا كنت جاية عشان أعمل حوار مع مدير الشركة بس وأمشي. أه والله، هو ده بس. عصف: ومحدش خبرك إن الميعاد اتلغى عشان أحمد سافر؟ ياسمين: للأسف لا. ومعرفتش غير لما جيت هنا. وقولولي إن أخوه هو اللي هيحضره بداله. عصف وهو بيُقرب: وتعرفيه مين أخوه بقى؟ ياسمين بترجع لورا: لا لا. عصف لسه بيُقرب وهيميل عليها. ياسمين بتضربه

بقلم وتزيحه على الترابيزة: أنا مش كده يا حيوان إنت. وتسيبه وتنزل جري. عصف اتصدم من رد فعلها واتجنن. بيعمل اتصال. عصف: الو. مدير القناة: أهلاً أهلاً عصف باشا. عصف: عايز ملف الصحفية ياسمين.... المدير: في حاجة حصلت يا باشا. عصف: غير إن ممنوع دخولها القناة. المدير بخوف: بس... عصف بعصبية: مفيش حاجة اسمها بس، لو انت نسيت مين اللي بيدعم القناة بتاعتك. المدير: تمام يا أفندم، اعتبرها اتطردت. عصف: الملف بتاعها يكون عندي.

ويقفل السكة. عصف بعين كلها شرار: أنا بقي هدفعك تمن القلم ده غالي أوي يا حيوانة. *** في قصر مهران. الجد: أنا عايز أشوفها وأحضنها، أنا ملحقتش أشوفها. سحر: يا بابا هي كويسة والله واحتمال بكرة ترجع بالسلامة، وحضرتك لسه تعبان يعني الحركة الكتير وحشة عليك. الجد: أنا هتجنن عليها، إزاي معرفش إن حفيدتي لسه عايشة لدرجة دي، أنا كنت غبي ومحمد قدر يستغلني. سحر: يا حبيبي أنت ملكش ذنب، ده كله بسبب الحيوان التاني.

الجد: لا أنا اللي غلطان، أنا خايف أختي متسامحنيش، زي ما يكون قلبها حاسس، فضلت توصيني عليهم وأنا مكنتش قد الوصية دي، يا رب سامحني. سحر: بابا هي أكيد شايفانا وأكيد عارفة اللي حصل. مهران: ربنا ينتقم منك يا محمد، حسبي الله ونعم الوكيل فيك، حرمتني من حفيدتي وحرمتها مننا. سحر: خلاص بقى يا بابا، ربنا ردها لينا بسلامة. مهران: بعد ما دمرت يا بنتي، دي جاية مدمرة، وكمل عليها ابن أخوكي البيه التاني.

سحر: حرام والله، رعد بيحبها جداً، أنت مشفتهوش كان خايف عليها إزاي. مهران: حبها محبهاش، أنا كده كده هطلقها منه، دي متجوزها غصب عنها وأنا لا يمكن أفرض على أحفادي حاجة مش عايزينها. سحر: سيبهم هما الاتنين يقرروا هما عايزين إيه، لانا عندي شك إنهم هيحبوا بعض. مهران: وقتها مش هقدر أدخل بينهم. سحر: يبقى تسيبهم على راحتهم. مهران: عندك حق، واللي هما عايزينه هيحصل. سحر: إن شاء الله، هقوم أنا ألحق أطمن على عصف ونور قبل ما أنام.

مهران: روحي يا حبيبتي، بس هاتي التليفون بتاعي الأول. سحر: هتكلمي مين بالليل كده يا جدع؟ مهران: وأنتي مالك إنتي. سحر: كده تخبي على بنتك حبيبتك، حبك الجديد. مهران: طيب بذمتك حد يقدر يخون القمر ده؟ (وبيبص على الصورة اللي جنبه) سحر: لا، أقنعتني بجد. بس هتكلم مين برضه معرفتش. مهران: أنتي بتغيري ولا إيه؟ سحر: بصراحة يا بابا، من ساعة ما بقى عندك أحفاد مزز كده وأنت نسيتني خالص، وأنا للأسف لسه بغير عليك.

مهران: بتغيري على أبوكي من ولادك يا عبيطة؟ سحر: بزعل، آه. مهران: طيب يلا اخرجي عشان هكلم المزة بقى. مهران: السلام عليكم. ريم بفرح: جدو حبيبي، أخبارك إيه؟ طمني عليك، وحشتني أوي، مكنتش بتتصل عليا ليه ولا كنت بترد عليا، أنا زعلانة منك يا جدو. مهران: طيب ردي السلام الأول وبعد كده اديني فرصة أعرف أكلمك. ريم بضحك: وعليكم السلام ورحمة الله وبركاته. عامل إيه يا حبيبي؟ مهران: بخير يا قلبي، طمنيني عليكي أنتِ.

ريم: أنا كويسة، بس حضرتك ليه الفترة اللي فاتت مكنتش بتكلمني؟ مهران: حقك عليا، بس كنت تعبان شوية. ريم بقلق: طيب حضرتك عامل إيه وصحتك كيف حالك؟ طمني يا جدو وقولي كنت مالك يا حبيبي. الجد: أنا بخير الحمد لله، بتعيطي ليه دلوقتي. ريم: عشان حضرتك مش بتقول الحقيقة، ولا أنا معاك عشان أطمن عليك. الجد: طيب خدي عمتك كلميها وهطمنك عليا. سحر: أيوه يا حبيبتي. ريم بعياط: أيوه يا عمته، جدو عامل إيه؟ قوللي الحقيقة الله يخليكي.

سحر: يا حبيبتي والله جدك كويس، دول شوية تعب راحوا لحالهم وهو كويس والله. ريم بتمسح دموعها: يعني هو كويس عن الأول؟ سحر: آه والله يا حبيبتي، وخدي هو معاكي أهو. مهران: أه يا حبيبتي اطمنتي. ريم: برضه لا، أهم حاجة خلي بالك من نفسك كويس. مهران: ها، يلا بقى طمنيني عليكي واحكيلي عملتي إيه في الكام يوم دول وعملتي إيه مع الدكتور الحلوة. ريم بضحك: أنت لسه فاكر. مهران: حد قالك إني عجوزت ولا إيه؟

ريم: فشر يا حبيبي، أنت لسه مزز وحلو زي ما أنت. مهران بضحك: أنتي وأميرة عليكم كدب يا ساتر. ريم: بحق يا جدو، طمني عليها، هي عاملة إيه؟ مهران: كلنا كويسين الحمد لله. ريم: أنا عندي ليك خبر حلو. مهران: أيوه بقى، فرح قلبي. ريم: أنا راجعة آخر الأسبوع ده، وحشتوني أوي. مهران بفرح: إن أخيرًا حفيدتي هترجع، بجد يا حبيبتي قلبي، ألف حمدلله على سلامتك. ريم: الله يسلمك يا جدو، وبصراحة في خبر تاني بس لما أرجع بقى.

مهران: وأنا هستنى لما ترجعي وتقوليلي الخبر الأحلى. ريم: مع السلامة يا حبيبي. *** في المستشفى. المقدم محمد: احم، جالنا اتصال إن المدام فاقت وممكن ناخد أقوالها. رعد: طيب ينفع بكرة عشان هي لسه فاقت النهاردة. المقدم: لا للأسف، وأكيد حضرتك عارف ده كويس. برق: أنا هكلم اللواء عبد الحميد وهو هيتصرف. رعد: لا يا برق، أنا جاهز أروح معاهم. المقدم: أنا لازم أسأل المدام كام سؤال. رعد: اتفضل حضرتك. رعد بيخبط على الباب. أميرة: نعم.

رعد: المقدم محمد هيسأل مريم كام سؤال. أميرة: ممكن دقيقة واحدة. المقدم: خدي راحتك. أميرة: مريم حبيبتي. مريم: مين يا أميرة؟ أميرة: مفيش، بس أنا عايزكي تبقي قوية وخليكي واثقة إن أنا معاكي. مريم: في إيه؟ أنا مش فاهمة حاجة. أميرة: في واحد هيسألك كام سؤال وبعد كده هيمشي. مريم: مين ده وعايز إيه؟ أميرة: هو هيدخل دلوقتي ويسألك وأنا هستنى بره، ماشي يا حبيبتي. مريم هزت رأسها. أميرة: اتفضل يا فندم، هيا جاهزة.

برق: هو امتحان جاهز، والله أنتِ مجنونة يا أميرة. أميرة: دورك جاي، متخافش. برق: لا، أنا مستني نصيبي، عارف والله إنك مش هتعديها. رعد: بطل استظراف. برق: طيب بذمتك مش بقولك الحقيقة، تحس إنها ماشية توزع الأدوار وبتقولي دورك جاي، أقولها إيه؟ أنا مستني أهو. رعد بابتسامة: مش عارف أنت حبيتها إزاي والله. برق: القلب وما يريد يا اباه. رعد: اخرس بقى، الله يخربيتك فضحتنا. برق: في أكتر من كده فضيحة؟ (وبيشاور على أميرة)

أميرة بتتكلم في الفون. الووو، ممكن أكلم أستاذ أحمد. ... ثواني هحول المكالمة. أميرة: أستاذ أحمد، أنا عايزة حضرتك تجهزلي ورق الطلاق بسرعة، يعني خلال يومين كده. برق: طيب والله، جيه على نفسك على فكرة، يقدر خلال يوم. أميرة: ملكش دعوة. المحامي: أنا. أميرة: لا مش أنت يا أستاذ، واحد تاني. برق: طيب اسأليه يقدر يعمله في يوم كده؟ لو معرفش أشوفلك حد. أميرة: خلاص شكراً يا ميتر. أميرة: ملكش دعوة بيا، فاهم.

برق: هو أنا بفهم يا سبحان الله. رعد: برق خلاص بقى. أميرة: لا يسكت إزاي؟ مينفعش لازم يرغي. برق: وكمان أنا اللي طلعت رغاي؟ ي بنتي أنتِ في إيه ولا إيه، اخلصي من موضوع رعد وسجنيه الأول، وبعد كده نطلق، مش عارف هتعملي كل ده إزاي. رعد: أنت مالك أنت؟ أحسن حاجة أميرة إنك اشتغلتي في كل المواضيع مع بعض. أميرة بغيظ من الاتنين: اتريقوا براحتكم. بعد شوية بيطلع المقدم من الغرفة. المقدم: أستاذ رعد، أنا آسف.