رواية رغم احزاني الفصل السادس 6 - بقلم ياسمين غنيم

ريم: أووف، كانت وقتها تتعب، دلوقتي. المتصل: والله يا هانم، إحنا فضلنا هناك طول النهار بس ما كانش حد هناك. ريم: عارفة، الهانم كانت تعبانة. المتصل: يعني بكرة أنفذ؟ ريم: أيوه، وبالحرف. المتصل: تمام يا هانم، سلام. ريم: جه اليوم اللي هاخد حقي كله منك يا أميرة، وهزلك وأوجع قلبك زي ما بتعملي معايا. مروان: انتي كنتي فين؟ قلقتني عليكي. مريم: هااااا. مروان: في إيه؟

أنا بكلمك ليا ساعة وإنتي مش معايا. وشكلك غريب، ومن امبارح ما خرجتيش من الأوضة دي. احكي لي فيكي إيه؟ مش أنا أخوكي والوحيد اللي مستحمل العيشة علشانه؟ فيكي إيه يا حبيبتي؟ مريم: بدموع، أنا تعبانة أوووي، عايزة ماما بس. مروان: بيمسح دموعها، طيب فيكي إيه؟ وأنا موجود أهو. مريم: أنا عايزة أنام، أنا تعبانة، ممكن؟ مروان: مش هسيبك غير لما أعرف فيكي إيه. مريم: بابا كان عايزني رهن لأصحابه على القمار.

مروان: آه يا وسخ، والله لأربيه. مريم: لا سيبه، ما جتش عليا، اطلع بقى عايز أنام. مروان: أنا هسيبك دلوقتي وبليل نكمل كلامنا. مريم: بتهز دماغها. ويخرج مروان. مريم: يا رب أنا محتاجالك، قويني عشان أعرف أكمل في الحرب دي. اللهم إني لا أسألك رد القضاء ولكن أسألك اللطف فيه. وظلت ترددها، وبعدها قامت صلت وتشكي ربها. عند رعد. فهد: رعد، حاجة إيه دي يا فهد؟

فهد: بص يا عم، البنت دي بتخرج بليل وترجع الفجر، ممكن تنام بره البيت. والمنطقة اللي البت دي عايشة فيها كلها بتقول عليها إنها بنت شمال، مش كويسة، وإنها فتاة ليل، وكلام كتير. بس الغريب إن البت دي مالهاش ولا علاقة بشاب ولا من قريب ولا غريب، غير واحد بس اسمه مروان، لسه راجع من السفر ومتجوز، وعلاقتهم أكتر من الأخوات. وباقي المعلومات في الملف اللي بعته ليك. وكمان عرفت إن كان عندها مرات أب بس سابت البيت وهربت، بس للأسف معرفتش أوصل ليها.

رعد بتفهم: تمام، أنا هشوف الموضوع تاني. شكراً يا فهد. فهد: ولا يهمك، محتاج حاجة تانية؟ رعد: تسلم يا غالي. فهد: سلام يا شق. رعد: إنتي حكايتك إيه بقى؟ أنا احتارت معاكي أكتر، إنتي مظلومة ولا ظالمة؟ بريئة ولا شيطانة؟ يا رب. ويبدأ يقرأ في الملف. رعد: الاسم مريم محمد العمراوي، أنا حاسس إني أعرف الاسم ده أو سمعته قبل كده، بس مش فاكر فين. السن 22 سنة، آخر سنة. الـ... عند أميرة وبرق.

أميرة: بتفوق من نوم، تلاقي نفسها في حضن برق، بس بتبتسم وتبوس من خده: بحبككككك أوووي. وتيجي وتقوم. برق: طيب بذمتك بعد بحبك والبوسة دي، ينفع تقومي عادي كده؟ أميرة: مكسوفة ووشها كله فراولة، يعني أعمل إيه؟ برق: لا، أنا اللي هعمل. ويقرب منها. أميرة بتوتر: برق، مينفعش كده. برق: وهو لسه بيقرب، أنا بسمع اسمي منك بنهار، تقوليلي ابعد. ويبدأ يقبلها بشغف وجنون. وبعد فترة بيبعد عشان تعرف تتنفس. أميرة: وبأنفاسها السريعة: ب ر ق.

برق: ششششش، ولا كلمة. وقبلها مرة تانية. وأميرة مستسلمة ليه. برق: بيبعد عنها، أمشي من قدامي بسرعة. أميرة: بتجري على الحمام. برق: في إيه يا برق؟ امسك نفسك شوية. وبيخرج من الأوضة ويسيب رسالة لأميرة إنها تخلص وتنزل تحت. عند رعد.

رعد: يا رب سامحني، أنا ظلمتها. لأ وكمان عملت حاجة مستحيل تسامحني عليها. إنت غبي يا رعد، غبي. بس لازم تسامحني، حتى لو لزم الأمر إني اتجوزها. أهم حاجة إني ما أحبهاش. بس أنا هجيبها عشان أربيها على القلم اللي أخدته منها. ولا كفاية اللي عملته فيها؟ طيب معقول يكون البنت دي اتظلمت من أهلها عشان كده بتتصرف بالطريقة دي؟ طيب ليه لما فاقت ما عملتش أي رد فعل على اللي حصل؟ يا رب دماغي هتنفجر، فيها مية سؤال. أما عند مريم. محمد

(أبوها) : إنتي يا بت انتي نايمة ليكي يومين والفلوس اللي معايا خلصت، عايز فلوس. مريم: بتعب، ما معايا فلوس، كل الفلوس اللي كانت معايا إنت أخدتها. محمد بيفتكر حاجة: ولا يهمك يا حبيبتي، إنتي محتاجة فلوس؟ مريم: استغربت طريقة كلامه، إنت بتكلمني أنا؟ محمد: أيوه طبعاً، هو أنا عندي أغلى منك؟ بنتي حبيبتي. مريم: إنت كويس؟ أنا بنتك حبيبتك كمان؟ محمد: آه طبعاً، وكنت عايزك في موضوع كده.

مريم: ااااه، قول كده من الأول، وأنا قولت الحنية دي كلها جاية منين. عايز إيه؟ انطق عشان مش قادر. محمد: اتعدلي، الأدب مش بينفع معاكي. في عريس جاي انهارده وكتب كتابك بكرة. مريم: إنت بتقول إيه؟ أنا مش هتجوز. محمد: بيمسكها من شعرها، أنا مش بخيرك يا روح أمك، أنا بعرفك. وكمان الراجل يشكر، دفع فيكي فلوس كتير، وكمان هيعيشك في الفيلا، يعني حاجة عمرك ما شفتيها. مريم: بكسرة، آه قول كده، إنت عايز تبيعني يا شيخ؟ منك لله.

محمد: كتر خيره إنه رضي ياخد واحدة زيك. هو مش هيعمل فرح عشان مراته. مريم: عندك حق، كفاية إنه رضي بيا. استنى، إنت قولت متجوز؟ قصدك إيه؟ وتعرفه منين؟ محمد: دا أستاذ حسام مديري في الشغل. مريم: بصدمة وغضب، إنت عايز تجوزني لواحد أكبر منك؟ يا شيخ روح منك لله. وأه خليك عارف إني مستحيل أوافق على الجوازة دي. محمد: إنتي بتبجحي فيا يا بت الكلب. ويضربها، وجهزي نفسك عشان الراجل جاي انهاردة. (والله يا مريم إنتي صعبانة عليا 😔)

في بيت الجد مهران. كلهم بيفطروا. الجد: أومال فين أميرة؟ برق: أميرة فوق يا جدو، وبعد إذنك أنا هخرجها انهارده عشان نازل إسكندرية بكرة. الجد: تمام، أهم حاجة تخلي بالك منها. وخد معاك حراسة. برق: بس أنا أعرف أحمي نفسي وأحميها. الجد مهران: الاحتياط واجب. برق: أنا عايز نكون لوحدنا. الجد: تمام يا ابني. أحمد: وأنا كمان يا جدو، نازل القاهرة بكرة عشان الشغل، كتر عليا. الجد: خلاص يبقى تاخد معاك ريم وتخرج معاه.

أحمد: لا يا جدو، أنا مش فاضي، بجهز حاجات لشغلي. الجد: بس إنت يا حبيبي هتيجي بعد فترة، ولو عايز تروحوا لوحدكم ما فيش مشكلة. ريم: بسرعة، لا يا جدو، هنخرج كلنا مع بعض، حتى نسلي بعض. أحمد بصلها باستغراب. الجد: اللي يريحكم. أنا هقوم بقى عشان أروح المزرعة. نور: جدو ممكن أجي مع حضرتك المزرعة؟ الجد: يا عيون جدو، إنتي تنوري يا حبيبتي. نور: يا حبيبي يا جدو. وتبوسه في خده. بلال خالها: بتخونيني؟ لا ومع مين؟ مع أبويا؟ ليه؟

أأتكسر من أقرب اتنين ليا؟ لي يا رب كده؟ نور: حبيبي رجع وهينصرني، يا واكلين حق الغلابة. الجد: يعني دلوقتي أنا الوحش؟ نور: لا طبعاً، إنت اللي في القلب. بس روح إنت بقى، هجاي مع حبيبي 😍. بلال خالها: يابكاشة، روحي معاه عشان مش هاخدكم أفسحكم انهارده، وما فيش نقاش. نور: أنا قولت إني مليش غير جدو بس 😑. الجد: بقي دلوقتي أنا حلو؟

أميرة: وهي نازلة من على السلم، إنت حلووو على طول، وهتفضل كده يا حبيبي. والله عايز أجوزك وانت مز كده. الجد: جات البكاشة رقم واحد 😂. أميرة: بزعل كده يا جدو 🥺. الجد: بلاش تمثيل الله يخليكي، عشان بتأثر وبضعف كمان. كلهم بيضحكوا عليها. برق: سيبك منهم يا قلبي، ويلااا عشان نخرج. بلال: هو في إيه انهارده؟ كل واحد واخد واحدة وخارج معاها. هو ما فيش كلمة بتتسمع هنا؟ الجد: إنت بتقول حاجة يا ولد؟ ألاء: عاااااااا، بابا.

بلال: سلاماً من قول الرحمن الرحيم. في إيه؟ ألاء: حبيبي وحشتني جداً، جيت إمتى؟ بلال: بيحضنها، لسه راجع انهارده يا حبيبتي. أميرة: حمدلله على السلامة يا أونكل. بلال: أونكل إيه؟ بقي إنتي مرات ابني، يعني بابا ولا مينفعشي؟ أميرة: بفرحة، لا طبعاً ينفع. وتحضنه. برق بغضب: بيشدها، أول وآخر مرة تحضني حد غيري، مفهوم. الجد: ولد، متزعقش كده للبت. وياخدها في حضنه، هو دي حبيبتي الغالية.

برق: أنا عارف إني مش هخلص انهارده، يلاا يا بنتي، أنا مسافر بكرة، ويعلم ربنا هرجع ولا لا. أميرة: بخضة، بعد الشر عليك. برق: خوفتي عليا يا حبيبتي؟ أميرة: باحراج، هااا. برق: دي عملت زي الفرخة الدايخة. يلااا يا حبيبتي، يلااا يا ماما، خلينا نخلص. أميرة: بعد إذنك يا جدو، أروح. الجد: روحي يا حبيبتي. أميرة: بتبوس جدها. برق: والله يا بنتي أنا جوزك، وأخدت الإذن من زمان. أميرة: هو الأصل صح يا جدو. معاذ: وأنا مش بتحبيني يا أميرة؟

أميرة: يالههوي، إنت حياة أميرة كلها. معاذ: وإنتي حبيبتي، ولما أكبر هتجوزك إنتي وبس. برق بصدمة: يا رب توب عليا من ده بيت، أخلص من جدي وبابا يطلعلي عيل معفص. أميرة: بغضب، متقولش كده عليه. معاذ: أيوه، متقولش كده عليا، ها. أميرة: وأنا هاخد معاذ معانا، هاا بقي. معاذ: أيوه، هروح معاكم، هاا، بق. برق: بطلي رخامة، وانت يا 🦜 ببغاء هتروح معانا فين؟ ألاء: سيبولي معاذ، وروح انتوا الاتنين. معاذ: بقرف، أنا أقعد معاكي انتي.

ألاء: بص يا ضنا، إنت أنا أصلاً مش بطيقك، فاخرس خالص. معاذ: على أساس إني دايب في حبك. ألاء: يا الله عليك، إنت طفل عندك ٧ سنين، والله حرام. معاذ: أنا مش طفل، أنا راجل كبير، واسأل عمو رعد، هو اللي قالي كده. ألاء: وعند نطق معاذ لـ رعد، ألاء تاهت 😊😊 (البت بتحبه يا جدعان) معاذ: روحتي فين يا لولو؟ ألاء: هااا. معاذ: إنتي مش هنا خالص. ألاء: يابني ارحمني، أبوس إيدك. معاذ: بوسيني. برق: يلااا يا أميرة، أنا مرارتي راحت والله 😂.

أميرة: يلااا. ريم: يلااا يا حبيبي عشان نروح معاهم. أحمد: مبرق، إنت قولتلي إيه؟ ريم بقرف: أنا قولت كده عشان جدي، يلااا. أحمد: وأنا مش فاضي، عندي شغل، روحي انتي معاهم. ريم: براحتك، سلام. نور: ريم. ريم: نعم. نور: طالما أحمد مش هيخرج معاكي، يبقى بلاش إنتي كمان تروحي معاهم، وتعالي معانا المزرعة. ريم: لا، أحمد هيخرج معانا، صح يا حبيبي. الجد: خلاص يا ابني، خرج مراتك، وبعدين الشغل مش هيطير. أحمد: حاضر يا جدو.

برق: أنا هركب أنا وأميرة في عربيتي، وأحمد وريم في العربية التانية. أحمد: تمام. ريم: ليه كده؟ نركب كلنا عربية واحدة، إحنا خارجين مع بعض ولا إيه يا أميرة؟ أميرة: اللي يعجبكم. برق: حاسس إن أميرة مش عايزة تركب معاهم، فـ قال: لا، أنا هاخد أميرة مشوار كده لحد ما تلاقوا مطعم نتغدا فيه، اتفقنا. وياخد أميرة ويتحركوا. أحمد: يلااا، ولا نرجع؟ ريم: لا، هنروح، يلااا. وتركب العربية.

وأحمد يركب ويسوق على طريق المطعم، وهنعرف هيحصل إيه هناك بكرة إن شاء الله. عند مريم في البيت. والدها: يلاا يا هانم، الأستاذ حسام وصل، وحطي حاجة في وشك عشان ميغيرش رأيه. مريم: بدون كلام، قامت تجهز نفسها. وبعد شوية خرجت. حسام: باسم الله، ما شاء الله، عسل يا عروسة. مريم: قعدت بدون كلمة. محمد: إيه رأيك يا أستاذ حسام؟ حسام (مديره) : أستاذ إيه؟ بقي احنا ناسيب 😂، ولا إيه يا عروسة؟ والراي راي عروستنا. مريم: بصت بقرف.

محمد: يبقى على خيرة الله، بكرة كتب الكتاب. حسام: مش تسيبيني مع عروستي شوية؟ ولا إيه؟ محمد: آه طبعاً، البيت بيتك، خد راحتك. مريم: أكتر من كده؟ حسام: بتقولي حاجة يا عروسة؟ مريم: بتهز دماغها، لااا. حسام: متتكلمي يا عروسة، إنتي مكسوفة؟ مريم: بتقوم تتدخل أوضتها. محمد: عروسة بقي ومكسوفة؟ 😂😂😂 حسام: بكرة هاجي ومعايا المأذون. (ياساتر، أنا مش طايقة كلامهم، الله يكون في عونك يا مريم) تاني يوم، يوم كتب كتاب مريم.

المتصل: أيوه يا باشا، أنا هناك دلوقتي. ......... : طيب، في جديد؟ المتصل: أيوه يا باشا، في دوشة وهيصة. .......... : أيوه، أنا مالي بده. المتصل: باين كده في فرح في البيت. .......... : فرح مين يا حيوان إنت؟ المتصل: يا باشا مش عارف. .......... : بس يا ابني، متنطق. المتصل: ...