رواية رغم احزاني الفصل الثالث 3 - بقلم ياسمين غنيم

أميرة تبكي وماسكة صورة مامتها: ماما، انتي وحشتيني أوي. ليه سبتيني لوحدي؟ أنا محتاجلك أوي يا مامي. نفسي تاخديني في حضنك. تعرفي يا ماما، أنا موجوعة أوي وحاسة إني مليش حد في الدنيا دي. ليه كل ما أحب حاجة تتاخد مني؟ هو أنا مينفعش أعيش حياتي زي أي حد؟

كان نفسي أحس بحنان الأم والسند وقوة الأب. كان نفسي وأنا صغيرة، لما أرجع من المدرسة، أترمى في حضنك وأحكيلك حصل معايا إيه وعملت إيه. كان نفسي لما أنجح في المدرسة، انتي أول واحدة تعرفي. كان نفسي تبقي معايا في حفلة التخرج. كل سنة من صغري وأنا شايف كل أصحابي بيجيبوا أهاليهم معاهم في حفلات التخرج ويبقوا مبسوطين وفرحانين مع بعض، وأنا بكون لوحدي. أنا كرهت التعليم وكرهت كل حاجة عشان ببقى لوحدي فيها. أنا بضحك كتير لدرجة كلهم فاكرين إني معرفش عن الحزن، بس محدش يعرف إني كل يوم أنام عيطة بسبب الوجع اللي في قلبي. حتى الشخص الوحيد اللي حبيته هيتجوز صحبتي الوحيدة وكسر فرحتي وقلبي بدل المرة مرتين. أنا مش قادرة يا ماما. ليه ما أخدتنيش معاكي؟

ليه سبتيني لوحدي؟ ليه أخدتي أختي معاكي وبابا وسبتوني لوحدي؟ انتو مش بتحبوني زي ما أنا بحبكم؟ أنا كل يوم بدعي ربنا إنه ياخدني عندكم. وحشتوني أوي. *** بيعدي أسبوع، على كل واحد فيهم. فيهم الفرحان، وفيهم التايهة والحزين والضايع. عند رعد. رعد: أنا عرفت هعمل إيه. لازم أنفذ انهارده. بعد ساعتين، رعد بيروح البحر عند مريم. بيشوفها قاعدة لوحدها. رعد: احم احم. مريم باستغراب: انت! افندم؟ رعد: أنا عندي ليكي صفقة هتعجبك.

مريم: ليا أنا؟ إيه هيا؟ رعد: انتي اسمك إيه؟ مريم: اسمي مريم. رعد: سبحان الله. اسمك جميل وشكلك جميل وشبه حد عزيز عليا. مريم: انت جاي يا جدع انت تحللني؟ ما تقول عايز إيه. رعد: ده شيك بـ 100.000. مريم بصدمة: بكام؟ رعد: المبلغ كتير يعني يكفي شهر. مريم بتعجب: وليه المطلوب؟ رعد: يا هااا بسرعة دي؟ ماشي يا ستي. تعالي معايا البيت تعملي نفس اللي بتعمليه طول الوقت. مريم في نفسها: معقول يكون غبي لدرجة دي؟

عايزني أغسل وأطبخ وأروق شهر واحد بالمبلغ ده كله؟ ولا معاه فلوس مش عارف يعمل بيها إيه؟ يعني هشتغل خدامة عنده؟ لا، أنا مش خدامة. يعني هساعده. أيوه، أهم حاجة الكرامة. 😉😂 لمدة شهر وبعد كده آجر شقة وأشتري كل حاجة محتاجها. يا سلام. وغور من وش أبويا. رعد في نفسه بثقة: أكيد محدش عرض عليها مبلغ كبير زي ده عشان كده مصدومة، وأكيد هتوافق. فعلاً كلهم زي بعض. بس أنا ليه قولت شهر؟

أنا كنت متفق على يوم بس عشان أكد لنفسي إنهم كلهم زي بعض. فعلاً، كلهم بنات الليل. والله لندمك. رعد بخبث: أه يا آنسة مريم. اتفقنا. أسف، قصدي مريم. أنا مش عارف آنسة ولا... مريم باستغراب: مع إني مش فاهمة، بس اتفقنا. رعد بنظرة كلها استحقار: كنت متأكد إنك مش هترفض مبلغ زي ده. مريم: أكيد مش هرفض حاجة تافهة زي دي. وده شغلي أصلاً. رعد بقرف: شغلك؟ مريم: هو في إيه يا أستاذ؟ رعد: ده العنوان. الساعة 12 بليل تكوني عندي.

ويتركها ويمشي. مريم: 12؟ هو مجنون ولا إيه؟ أنا هشتغل خدامة يعني؟ المفروض يكون بالنهار. أكيد مجنون. والله أنا مالي. المهم إني هخلص من الراجل أبويا ده. 😔 *** في قصر مهران، كله دوشة وهيصة بسبب تجهيزات كتب الكتاب. برق: أنا مش عارف إيه القرف ده. العروسة جدي مختارها. حتى معاد كتب الكتاب وكل حاجة. وفي الآخر محدش يقدر يقوله لأ. رعد: اهدي يا ابني. الحكاية مش مستاهلة. برق: رعد، متشلنيش. انت عارف إني بحب أميرة مش ريم.

رعد: تستهال. فاكر لما البت جتلك مرتين وانت اللي بترفض؟ برق: كانت صغيرة. وانت اللي قولتلي إنها لسه صغيرة على الكلام ده. رعد: أنا قولت أول مرة كانت عندها 12. إيه؟ 😂 أعرفها بالحب. بس ماشاء الله من صغرها وهي ذكية. برق بزعيق: رعد، احترم نفسك. أه. المهم، عملت إيه في المهمة الجديدة؟ رعد بجدية: كله تمام. خلص أنت نفسك وتعالى عشان المهمة الجديدة بعد أسبوع. برق: من بكرة هتلاقيني عندك. أنا أصلاً مش طايق نفسي.

رعد: هرن عليك بكرة وعايز أسمع نفس الجملة. ماشي؟ سلام يا عريس. برق: أنا شاكك فيك. سلام 👋 يا أخويا. الباب بيخبط. برق: ادخل. برق: أحمد! انت جيت امتى؟ حمدلله على السلامة يا جدع. أحمد: انت وافقت تتجوز ريم؟ برق: حكم القوي يا سيدي. بس مالك كده؟ أحمد: مفيش. مبروك بضحكة مكسورة يا صاحبي. برق: في إيه؟ انت بتكلمني كده ليه؟ أحمد: مفيش. كان لسه هيتكلم بس الباب خبط. زينب الشغالة: الجد عايزكم تحت.

برق: إحنا نازلين. يلا يا أحمد ونتكلم بعد كتب الكتاب. أحمد: مفيش داعي للكلام بينا. وينزلوا. برق لابس بدلة كحلي وشكله مز سيكا. أما أحمد فبدلة أسود شكله قمر. أما البنات، ريم لابسة فستان 👗 أحمر ناري، شكلها جميلة أوي مع حجاب من نفس اللون. وأميرة لابسة فستان رصاصي وحجاب من نفس اللون، مع لون عينيها تحسها أميرة من أميرات ديزني. الجد: يلا يا شيخنا، ابدأ. المأذون فين؟ العرسان؟

الجد: اسمعوني كلكم. انهارده كتب كتاب برق وأميرة، وأحمد وريم. الخبر نزل عليهم زي الصاعقة. وكلهم في حالة صدمة. علي: ابنه الأكبر؟ إزاي يا أبويا الكلام ده؟ الجد: أنا مش عايز نقاش في الموضوع ده. ريم: بس أنا بحب برق مش أحمد. وأحمد قلبه اتكسر لما سمع منها كده. الجد: كلامي يتنفذ من غير ولا كلمة. سامعيني؟ يلا يا شيخنا، اتفضل ابدأ. بارق وبرق. أميرة: وهي باصة على برق بس. أنا مش موافقة يا جدي.

الجد: تعالي يا حبيبت قلب جدو. انتي مش واثقة فيا وفي قراري؟ أميرة: العفو منك يا جدو، بس... الجد: مفيش بس. يلا يا شيخنا. المأذون: بارك الله لكما وبارك عليكما وجمع بينكما في خير. برق بيشيلها ويلف بيها وبعدين يحضنها. برق: مبروك لينا يا أميرتي. أميرة: نزلني وأوعي تاني مرة تحضني، مفهوم؟ برق: بغمزة. موعدكيش يا أميرة. برق وهو بيقرب. أميرة بتوتر: برق، لو سمحت ابعد شوية. مينفعش كده. الصالة مليانة ناس.

برق: يعني استنى لما الناس تمشي. والله مش قادر، بس استحمل عشان عيونك يا أميرتي. تعرفي انتي شكلك أميرة فعلاً في الفستان ده. الفستان بقى أجمل بيكي. أميرة: وشها أحمر زي الفراولة. لو سمحت متقولش كده تاني. عند أحمد وريم. المأذون: بارك الله لكما و بارك عليكما وجمع بينكما بخير. أحمد: مبروك يا عروسة. ريم بقرف: مبروك إيه وزفت إيه؟ أنا وافقت بس عشان جدي ميزعلش مني. أحمد: قصدك إيه؟

ريم: يعني فترة ونطلق. ومنقولهمش إننا اتفقنا مع بعض. ماشي؟ أحمد: ماشي يا ريم. برق: بعد إذنك يا جدي، ممكن آخد أميرة ونخرج؟ قصدي مراتي. وبيغمز لأميرة. الجد: خلي بالك منها يا برق. دي بنت الغالية. برق: في عيوني. يلا يا أميرتي. أميرة: أنا تعبانة وعايزة أنام. تصبح على خير. 🥱😴 وبتجري على فوق. برق: ي بنت المجانين. 😳 والله لربيكي يا أميرة. *** مريم راحت شقة رعد بس بدري ساعتين. رعد: ......