رواية رغم احزاني الفصل الثاني 2 - بقلم ياسمين غنيم

رعد: بيجي يروح عندها بيشوف في واحد يجي يحضنها عادي ومفيش مقاومه منها ليه. معقول يكون وش البراءة ده هيا مركبه؟ ولا إيه حكاية؟ مستحيل تكون زي... مستحيل تكون البنت دي زي ما أبوها قال عليها. بس إيه ده؟ في واحد حاضنها وهي مش معترضة على حاجة زي دي. كنت متأكد إنهم كلهم زي بعض. *** مريم: مروان وحشتني جدا. جيت إمتى؟ مقلتش ليه إنك جيت؟

مروان: أهدي ي مريومة ي حبيبتي. وإنتي وحشتيني أكتر. وقوليلي بتعملي إيه هنا في الوقت المتأخر ده؟ مريم: أنا جاية كل يوم هنا. يعني ممكن تقول عادة عندي. مريم: فكك، طمنيني عليك الأول. أخبارك إيه؟ وجيت إمتى؟ وإنت خاسس كده ليه؟ ومالك حاسك متغير كده؟ مروان: اديني فرصة أعرف أتكلم. مريم ببوز: رخــم زي ما إنت. قول. مروان: سمعتك. بصي ي ستي. مريم: أبص فين بالظبط؟ مروان: مريم، اخرسي. مش عاوز أسمع صوتك. مريم: حاضر. اتكلم بقى.

مروان: رجعت النهاردة. بس مش لوحدي. ده الأول. ثانياً فيه مشكلة وإنتي اللي هتعرفي تحليها. مريم باستغراب: مش لوحدك إزاي؟ جايب مثلاً شنطة هدومك معاك؟ ومــشكلة إيه؟ مروان: أبوس إيدك آخرسي خالص لحد ما أخلص كلام. بصي أنا جيت ومعايا مراتي وكمان حامل. فهمتي؟ مريم: يالهههههههوي! خنتني واتجوزت؟ لأ وكمان بجح وجاي تقول لي دي حامل؟ يالهههههوي!

مروان: آخرسي. فضحتــينا. أنا متجوز على سنة الله ورسوله. الظروف هقولك عليها بعدين. ثانياً هستقر هنا إن شاء الله. و بالفلوس اللي معايا هفتح مشروع على قدي. والباقي أشتري بيه شقة علشان مش هينفع أقعد في الشقة القديمة. وصغيرة كمان. مريم: لأ بجد. إنت اتجوزت إمتى؟ أنا بكلمك كل أسبوع. يعني أكيد متجوزتش في أسبوع وجبت بيبي كمان. مروان: لأ ي ستي. متجوز ليه؟ 9 شهور ومراتـي حامل في شهر 7. مريم: احيييه! كمان في الشهر 7؟

بقرف يعني مراتك ليها قرش؟ إخييييه! مروان: أنا غلطان إني واقف بتكلم معاكي. أنا ماشي. مريم: استني ي أخ. أجي معاك علشان مش معايا أدفع أجرة تاني. مروان: امشي ي مريم. امشي. ربنا ياخدك. لسه بخيلة زي ما إنت. مريم: غلطانة. افتكرتك أخ. طلعت ندل. بس مقلتش برضه إيه هي المشكلة اللي أنا هحلها؟ مروان: بصي ي ستي. الحكاية كلها... *** عند برق وأميرة وهما في العربية للطريق الكلية. برق: بيمسك إيد أميرة وبيبوسها. أنا آسف.

أميرة بتوتر: سيب إيدي لو سمحت. برق: مستحيل أسيبها. أنا آسف. ويبوسها مرة تانية. أميرة بتألم: بس إنت سبتها وقت ما كنت محتاجك. برق: كنت غبي. مش هتسمحيني بقى؟ وبيوس إيدها. أميرة: بتفوق وتسحب إيديها بسرعة. مستحيل أسمحك. بدموع. أسمحك على إيه ولا إيه؟ على كسرة قلبي وأنا لسه طفلة؟ ولا على السند اللي فقدته بدري؟ ولا على زول مامتك ليا؟ وعلى تركك ليا وأنا في أكتر وقت محتاجالك؟

كلكم بتاع مصلحتكم فقط. ولا على كسرة قلبي لما خطبت. ومين أعز رفقاتي؟ ولا على كسر خاطري للمرة المليون قدام كل اللي في البيت؟ ولا نسيت؟ بس خلاص. أميرة الطفلة البريئة ماتت. واللي قدامك دلوقتي دكتورة جراحة. أميرة مهران. وبتمسح دموعها بظهر إيديها. زي الأطفال. انسى إني أسمحك. وبتنزل وتخبط باب العربية جامد.

برق: بابتسامة. كنت غبي وقتها والله. بس هخليكي تسامحيني غصب عنك. علشان بسهولة إنتي لسه بتحبيني. وبأثر عليكي. وعد. مني هنسيكي كل حاجة حصلت وحشة في حياتك. وهعيشك يا أميرتي. *** مريم: ي ماما. خلاص بقى. اللي حصل حصل. وأهو رجع وهيعيش معاكي على طول. وبصراحة بقى مراته وتكة. البت مووووووووووووووززززز. ي تفاح! هناء والدة مروان: إنتي بتتوحمي إنتي التانية؟ على فاكهة؟

مريم: أيوه ي أختي. سيب المصيبة اللي إنتي فيها. وفكري أنا بتوحم ولا لأ. هناء: صدقي عندك حق. راحت عليكي يا أختي. كنتي لسه صغيرة. وأحلويهم. مروان: الله يخربيتك ي مريم. واليوم اللي شوفتك فيه. مريم: خلاص بقى ي ماما. إنتي كده أڤورتي أوي. الست هناء: أڤورت أوي ي بت. مريم: جداً جداً. الست هناء: وإنتي بقى بتعرفي تطبخي ولا زي قِلتـك؟ تقي: مرات مروان. لأ ي طنط. أنا بعرف أطبخ وأعمل كل حاجة. متخافيش من ناحية دي.

الست هناء: يعني مش كلام وخلاص؟ بتعرفي تطبخي؟ أه صحيح. إنتي في بطنك إيه؟ تقي: مصطفى إن شاء الله. وده اسم أبو مروان. الست هناء: أم الغالي. تعالي في حضني ي حبيبتي. تقي بتحضنها. بعد شوية بتخرج من حضنها. تقي: شكراً ي طنط. الست هناء: متقوليش طنط. أنا ماما. إنتي زي زي مروان. ومريم. يلا ادخلوا ي بنات جهزوا العشا. بعد شوية بيخلصوا عشا. مريم: أنا لازم أمشي علشان اتأخرت.

مروان: باتي معانا النهاردة. إنتي واحشاني وعايزين نتكلم مع بعض. مريم: مش هينفع مرة تانية. خليك مع مراتك. إنتوا لسه جايين من السفر. سلام. ي ماما. سلامووووز ي مزتي. *** في قصر عائلة مهران. كلهم على السفرة بيتعشوا. نور: احم احم. أميرة: محتاجة مياه ي حبيبتي. نور بغضب: لأ ي قلبي. الاء: أميرة مش فوق؟ قولتي إنك محتاجة حاجة من جدك. إنتي نسيتي ولا إيه؟ الجد: حبيبة قلبي. محتاجة إيه؟ أميرة: أنا أبداً ي حبيبي.

ريم: من الآخر ي جدو. الاء ونور في رحلة طالعة في الكلية عندهم وعايزين يروحوا. بس خايفين منك. وأنا قولت لهم جدكم هيوافق. بس هما صمموا إن أميرة هي اللي تقول لك. الجد: لأ طبعاً مستحيل. مفيش بنات تروح رحلة. وهكـذا. إحنا بنروح كل سنة مصيف. كفاية. نور والاء: إحنا آسفين ي جدو. أميرة: جدو حبيبي. الجد بمقاطعة: لأ ي أميرة.

أميرة: اسمعني ي جدو. أنا عارفة إن حضرتك مش موافق علشان الرحلات دي بتبقى مشتركة. بس حضرتك اللي مربينا وعارف نور والاء وتصرفاتهم كويس. ورحلات أصحاب بتبقى مختلفة عن رحلات الأهل. بتبقى مميزة أكتر ي حبيبي. فسيبهم يروحوا. هما لسه أول سنة في الجامعة. فسيبهم يعتمدوا على نفسهم شوية. قولت إيه ي جدو؟ الجد: بيفكرك شوية. أنا موافق. بس تخلوا بالكم من بعض. أو إوعى تسيبوا بعض. نور والاء في نفس الوقت: yeeeesssssssss.

وبيروحوا يحضنوا أميرة. شكراً شكراً. وريم بتولع 😂. أميرة: على إيه ي حيوانة إنتي وهي؟ إحنا أخوات. أهم حاجة تسمعوا كلام جدكم. نور والاء: شكراً ي جدو. أميرة: شكراً ي مهران ي حبيبي. الجد: مهران إيه ي سافلة؟ اسمي جدو. أميرة: خلي البساط أحمدي ي مهران. وبتضحك. الجد: مستحيل تتغيري. زي سمر بالظبط. أميرة بحزن: الله يرحمها. الجد: بعد العشا. أنا عايز أتكلم معاكم في موضوع. علي: خير ي أبويا؟

الجد: خير إن شاء الله. بعد شوية كلكم تسمعوني. الجد: فرح برق على ريم الأسبوع الجاي. برق وأميرة في صوت واحد: إيييييييييه؟ ويبصوا لبعض. ريم: بجد ي جدو؟ فرحي الأسبوع الجاي على برق؟ برق: لي السرعة دي؟ الجد: ولا سرعة ولا حاجة. ومنها نستغل فترة الإجازة بتاعتك. علشان بعد كده مش هلاقي وقت. والاسبوع الجاي كتب الكتاب. وبعد ما رعد يرجع يبقى الفرح. هنيه والدة برق: ألف مبروك ي حبايبي. ولوووووووووليييي. وتزغرت. ألف مبروك.

أميرة: بعد إذنكم. أنا خلصت أكل. وتمشي. ريم: بدلع. أميرة مش هتقوليلي مبروك ولا إيه؟ أميرة وهي بتبص على برق اللي قاعد ساكت: مبروك. وبتطلع جري. سهير خالتها: مالها أميرة ي بابا؟ الجد: عارف أميرة مالها. مفيش. أكيد افتكرت مامتها. الله يرحمها. سهير: عندك حق. سمر وحشتيني أوي. ربنا يرحمها هيا وبنتها. الجد: باصص على برق. يارب ي بنتي. يا تاره الجد بيفكر في إيه. *** عند رعد. أنا بفكر فيها كتير. ليه كده؟

كفاية ي رعد. إنت مالك بيها؟ عايز تتدخل قصة حب ولا إيه؟ وأصلاً شغلك مش هيديك وقت تحب وتتحب. ولا لما تحب تحب مين؟ لبنت الليل. وبينام. وبعد أسبوع. يا تاره إيه اللي هيحصل. في صباح يوم جديد.