رواية رغم العناء لم افقد الامل الفصل الأول 1 - بقلم فاطمة الدمرداش

كسر فنجان القهوة في الأرض. "هي دي يماما اللي بتقولي عليها حلوة؟ "إيه الحلو فيها؟ صباح: "بإحراج، إيه يا مراد ابني، أنت بتقول إيه بس؟ مراد: "أنا جاي على أساس واحدة بيضا ودكتورة قد الدنيا، فين ده كله؟ صباح: "يبني استهدي بالله، عيب، ما يصحش، أنت فاهم غلط." لتدخل ريناد الغرفة الخاصة بها وتستمر بالبكاء، فكلمات مراد أثلجت صدرها. "اللهم لا اعتراض يا رب."

محمود: "أنت شخص مش محترم، اتفضل بره بيتي، وانت يا أستاذة صباح ابقي ربي ابنك كويس قبل ما تجوا لبنات الناس." صباح: "استاذ محمود، فيه سوء تفاهم، صدقني، اديني فرصة." مراد: "أنت لسه هتتناقشي؟ يلا بينا، دول ناس غشاشين." وشد أمه بعنف خارج المنزل. صباح: "يا خسارة تربيتي فيك يا مراد، دي طريقة تشد أمك بيها؟ لي يا ابني، حرام عليك تكسر قلبها." مراد: "أنا كلامي معاكي بعدين." روز: "اخرج يا ماما، شكلي حلو؟

الأم: "زي القمر، عريسك منتظرك برا ومتحمس أوي لشوفتك، مس صباح أكدت لي كده." لتخرج. "السلام عليكم ورحمة الله وبركاته." لينظر الأب: "وعليكم السلام ورحمة الله وبركاته." روز: "الله، أمال فين العريس ومامته؟ محمود: "الموضوع انتهى خلاص، ولد مش محترم." روز: "بدموع، أنت قولته إيه بس؟ ده حتى لسه مشافنيش." محمود: "كويس إن ربنا ظهره على حقيقته." إيناس: "من فضلك، ممكن نفهم في إيه؟

محمود: "البيه شاف ريناد افتكرها روز، فضل يشتم ويعلي صوته، إحنا متفقين على واحدة بيضا وكلام فارغ." ريناد: "بغضب وصوت عالي، طيب إيه اللي زعل في كده؟ ما دي الحقيقة. كل اللي بيشوفنا بيقول كده، فرق السما والأرض بينا، عادي، إيه الجديد؟ محمود: "هتفضلي متكبرة طول عمرك، خفي نرجسة شوية، طول ما انتي بتتعالي على الناس، ربنا مش هيكرمك." روز: "هي فين الأستاذة؟ دخلت الأوضة لقيتها منهارة من الموقف ده." روز: "إيه يا بت، شغل الكيد ده؟

إزاي تطلعي بدالي وأنتي عارفة إنه جاي ليا؟ بسببك الموضوع متمش." ريناد: "والله كنت طالعة للكورس، لقيت طنط بتقولي اقعدي، قعدت وكنت هقوم بس." روز: "أنتي مش بتعملي حاجة غير أنك بتخربي أي موضوع، أنتي شخصية مؤذية." ريناد: "والله أبداً، أنا بحبك، بس أنتِ لأ." "والله ما كان قصدي." روز: "يا ماما، خليها تمشي من قدامي بدل ما أوريها دلوقتي، أنتي لسه واقفة؟ أنتي إيه؟ محمود: "إيه الصوت العالي ده؟

اتلمي يا روز، مقدر ومكتوب تشوفي واحد على حقيقته من قبل حتى ما يكون في حاجة بينكم، دي إشارة من ربنا." خرجت ريناد بحزن والدموع تنهمر من عينيها، لكن خبطت في راجل بدون قصد. فضلت تمشي وهي مش عارفة هي رايحة فين، لكن كانت حاسة إن فيه حد بيتبعها، لكن مركزتش من صعوبة الموقف. صباح: "يبني هدي السرعة، مينفعش كده، هتموتنا، استهدى بالله، مش كده." مراد: "مسك القميص مزقه بقوة، أخذ نفس عميق، وبعدين وقف العربية مرة واحدة."

صباح: "حرام عليك، قلبي وقف، ليه كده؟ مراد: "أنتي واحدة قايلالي عروسة مواصفاتها كذا وكذا، إيه دي اللي أنا شفتها دي؟ مش قادر أستوعب، دي إيه، كسرتي كل توقعاتي." صباح: "أنت بس لو كنت صبرت." مراد: "على إيه أصبر؟ صباح: "بعصبية، إيه رأيك أن دي أخت العروسة؟ العروسة مكنتش دخلت." "البنت بتدرس في حقوق وكانت طالعة لكورس، وأنا كنت عايزة أعرفك عليها خطيب أختها المستقبلي، لكن نقول إيه." "مالك سكت لي يا بشمهندس؟

"علشان مش لاقي حاجة أقولها، على العموم أنا هنزل وهاخد تاكسي للبيت، أوري وشي إزاي بكرة لإيناس في الشغل." نزلت من العربية وفجأة.