رواية رغم العناء لم افقد الامل الفصل الحادي عشر 11 - بقلم فاطمة الدمرداش

روز: خدي الدهب، والدرس. قولي لصاحبتك كل حاجة نصيب. إيناس: نهارك مش باين. دهب إيه، وبتاع إيه اللي يرجع؟ مش أنتي برضو اللي كنتي هتموتي على الجوازة دي؟ ولا لما لقيتي واحد كسر مناخيرك؟ روز: تفهميها زي ما تفهميها. أنا لا عاش ولا كان اللي يكسر مناخيري ولا دراعي. إيناس: بصي بقا، أنا دلعتك وورطتك على الآخر، لدرجة إن أبوكي مش مهم عندك. ياللي معندكيش دم. روز:

بضحك واستهزاء: والله اتعلمته منك يا ماما يا إيناس هانم. أنتي اللي كنتي مدلوقة على ماله وأهله. حتى إنك استحملتي إهانة أبوه، اللي بابا لو قالك كلمة بتقلبيها عليه. إيناس: اخرسي. وضربتها بالقلم: مكنتش أتوقع إنه هيجي يوم أسمع ده منك. ومش أنا اللي وقفت في وش أبوكي والناس كلها. نزلنا في نظر خطيبك وأهله، عشان مين؟ مش عشانك. روز: أنتي بتمدي إيدك عليا؟

طيب أنا أهو. وقابليني لو حضرت شبكة، واللي يحصل يحصل. هيحصلنا إيه أكتر من كده؟ إيناس: مش بمزاجك. روز: قافلة الباب وكسرت إزاز المراية، وفضلت تصرخ بصوت عالي: غبية، غبية. أنا غبية، أنا يجرالي وإيه؟ وشخص زي ده يعيشني في رعب. إيناس: أمال أنتي فاكرة إيه؟ الجواز لعب عيال. روز:

لتخرجها: اطلعي بقا. أنا هيجرالي حاجة. لازم الموضوع ده ميتمش. أنا محدش يتحكم فيا. أنا رفضت المحاسب والدكتور. رفضت شباب مصر كلها. ييجي عيل زي ده يكسر رقبتي؟ لأ. "آنستي ريناد، والد حضرتك فاق. تقدري تشوفيه." ريناد: بفرحة: شوفتي يا ماما وشك حلو إزاي. ضحكت سارة بمعني أيوه. دخلت سارة بدموع. محمود أخرجتها بصعوبة. قعد على السرير بذهول: مين دي؟ أنا فين بالظبط؟ حد يفوقني. ريناد: اهدى يا بابا. دي ماما، ربنا شفاها الحمدلله.

محمود: آآه يا غالية، آآه. غيبتك طويلة. هونت عليكي تسيبيني كل ده. ساندتها ريناد وقعدتها على كرسي بجانب أبيها. سهام: ألف سلامة يا محمود. ربنا يتم شفاك على خير. يلا يا ريناد نسيب ماما شوية مع بابي. خرجت بحزن. سهام: مالك؟ ريناد: ماما متعرفش إن بابا متجوز عليها.

سهام: أه يا ريناد، جات اللحظة اللي بخاف منها. على فكرة أمك لازم ترجع تاني. حالته غير مستقرة بالمرة. لازم تتابع أي تعب أو زعل هيرجعها لصفر تاني. يارب أبوكي بس ميقولش حاجة. ريناد: يارب. فالصباح الباكر، رن الهاتف. روز: أيوة. مالك: في حد يقول أيوة كده على الصبح يا عروسة. روز: سرعان ما تذكرت: هو أنت؟ بقولك إيه، أنا مش عروسة لحد. فاهمني. مالك: ياسلام. ده أي النكتة البايخة دي. اتعدلي على الصبح.

روز: اسمع بقا، عشان أنا كنت غبية في قراري ده. أنا عقلي كان فين وقت ما حاربت عشانك. كل حاجة نصيب. تعالي خد حاجتك. مالك: بسهولة دي؟ أنا أمك قالتلي كل حاجة. اطلعيلي أنا برا. لتقوم بسرعة البرق وتغلق الباب. مالك: متعبيش نفسك. المفتاح معايا. زي الشاطرة كده تروقي وتصحي وشك بشوية ميه، علشان عايزك في الصالة. وقفل.

روز: مفيش حل غير إني أتحجج أو أعمل نفسي تعبانة. روان. أه مافيش غير روان اللي هتساعدني. بأي حاجة علشان أهرب. أه مافيش غير كده. بس يارب تظبط معايا.