رواية رغم العناء لم افقد الامل الفصل العاشر 10 - بقلم فاطمة الدمرداش

مالك: ما تيجي معايا فوق أوريك حاجة. روز: ده على جثتي أطلع معاك، هو أنا عبطة ولا إيه؟ فوق لنفسك، بتتكلم مين؟ مالك: بسخرية، يا ترى مين. روز: اسمع أما أقول لك، أنت حركاتك مش مظبوطة معايا، أنا آه موافقة عليك، بس ما يضحكش عليا بالطريقة دي. رفع إيده مالك. روز: بخوف، أنت هتضربني ولا إيه؟ مالك: وسقف جامد، برافو يا روز. شطورة، أنت نجحتي في كل حاجة.

روز: الاختبارات دي تعملها لأي واحد من الشارع، مش أنا. هي كلمة واحدة، هنجيب الدهب والدرس ولا أرجع؟ مالك: مية مرة أقول لك، مش ست اللي تمشي كلمتها عليا، فاهمة؟ هجيب وقت ما أحب وأعمل اللي أنا عايزه. روز: لا كده كتير، كان عندها حق ماما، المفروض حد من أهلي يكون معانا، خصوصاً ما فيش حاجة غير قراية فاتحة. مالك: حيلك حيلك، أهلك إيه بس؟

ده أمك اللي أنتِ كان عندها حق، ما وقفتش مع أبوكي اللي هو جوزها، وكانت هتعيط علشاني أنا وأهلي. وأنتي مالكيش رد فعل حتى، ما أجلتيش معاد الاتفاق تطمني على أبوكي. وأختك الكبيرة هنتيها قدام أمّة لا إله إلا الله، وجاية تقولي أهلي. سكتت روز من رد فعل مالك وكلامه. مالك: كان من الأول أهو، أكبر محل دهب، اختاري. مكنتش مصدقة نفسها أبداً.

بتجري وبتعيط من الفرحة، أخيراً هشوف أمي، سنين يا أمي وأنتِ في عالم تاني، اللهم لك الحمد والشكر. دخلت وعينها مليانة بالدموع والفرح. سهام: بنتك اللي سبتيها طفلة كبرت وبقت عروسة أهو. نظرت سارة إليها بحب وابتسامة. ري أخدت نفس عميق. رينا: الممرضة، محدش يجهدها بالكلام، لو سمحتوا. جريت عليها ريناد وهي محتضناها وبتعيط بحرقة. قبلت إيدها وراسها ورجليها. الحمد لله. الحمد لله. سهام: إحنا لازم نحتفل بالمناسبة دي.

سارة شاورت لريناد بمعني فين أبوكي؟ محمود. ريناد: الله، اسم بابا طالع من بوقك قمر. ريناد: بابا تعبان شوية، إن شاء الله خير. الدكتور قال هنطلعه من العناية النهاردة، بس هيتحجز كام يوم. قامت سارة بعياط وشدت سهام بمعني يلا نروح نشوفه. سهام: على مهلك حبيبتي، أكيد هتشوفيه. كان بيشرب القهوة، مشروبه المفضل. دخلت ريماس الكافيه. ريماس: نور بوجودك. مدثر: اللهم إني استغفرك وأتوب إليك.

ريماس: هو الاستغفار حلو وكل حاجة، بس اشمعنى دلوقتي؟ مدثر: نعم. ريماس: نعم، ابتدينا. احممم، هتسيبني واقفة كده؟ مش هتقعدني؟ مدثر: والله الكافيه واسع، أنا مش مانعك، المكان اللي يعجبك اقعدي فيه. ريماس: يااه، أنا أعمل معاك إيه تاني؟ على فكرة أنا بنت عمتك، تكون ذوق أكتر من كده.

مدثر: ياستي، ما قولتلكيش اعملي لي حاجة، ثم إنك بنت عمتي، مينفعش تقعدي معايا، لا أخت ولا حتى مراتي. فمن فضلك اقعدي في مكان بعيد، ثم إنك عرفتي مكاني إزاي؟ ريماس: هتفضل طول عمرك كده؟ أنت عارف إحنا فين؟ مش في البلد، عنك ولا عمو ولا طنط معانا للـ أوفر ده. مدثر: والله بضحك، أنا مش بعمل كده عشان أمي ولا أبويا، هتحاسب لوحدي، أنا حر، دي طريقتي. إذا كان عجبك، بعد إذنك، ورايا ميتنج. إيناس: معقولة اللي بعمله في الناس بيتعمل فيا؟

يكون مالك ده عمل لي السحر الأسود؟ أنا عيل زي ده يحكم ويرسم فيا ولا أبوه؟ آآآه من أبوه بس، على مين؟ أبداً أبداً. دخلت روز بغضب ورمت الدهب والدرس في الآخر. وصرخت. إيناس: إزاي ترمي الحاجة كده في الأرض؟ مجنونة. روز: هتحصلي حاجة يا ماما، هتحصلي حاجة. الناس كلها كانت هتجنن عليا، وواحد زي ده شغال يمتحني، لا عارفة عايزني أعمل اللي في دماغه، ولا ده فعلاً اختبار منه. إيناس: في إيه؟ فهيميني.

روز: خدي الدهب والدرس، قوللي لصاحبتك كل حاجة، نصيب.